കെ.എസ്.ആര്.ടി.സി. ബസ് മണിക്കൂറുകളോളം വൈകി... യാത്രക്കാരിക്ക് നഷ്ടപരിഹാരമായി അരലക്ഷം
കെ.എസ്.ആര്.ടി.സി. ബസ് മണിക്കൂറുകളോളം വൈകി... യാത്രക്കാരിക്ക് നഷ്ടപരിഹാരമായി അരലക്ഷം. ബസ് മണിക്കൂറുകളോളം വൈകിയതിനാല് തുടര്യാത്രയില് സാമ്പത്തികനഷ്ടവും ക്ലേശവുമുണ്ടായ യാത്രക്കാരിക്ക് കോഴിക്കോട് പെര്മനന്റ് ലോക് അദാലത്ത് 51,552 രൂപ നഷ്ടപരിഹാരം വിധിച്ചു.
കോഴിക്കോട് അരീക്കാട് തച്ചമ്പലം മലബാര്വില്ലയില് ഇ.എം. നസ്നയാണ് കെ.എസ്.ആര്.ടി.സി. എം.ഡി. ,കോഴിക്കോട് ഡി.ടി.ഒ., ബസ് െ്രെഡവര്, കണ്ടക്ടര് എന്നിവര്ക്കെതിരേ പരാതി നല്കിയത്.
കൊച്ചിയില് നിന്ന് ബാംഗ്ലൂര്ക്കുള്ള ബസ് ക്രമാതീതമായി വൈകിയതിനാല് യാത്രക്കാരിക്കും ഭര്ത്താവിനും വിമാനയാത്ര മുടങ്ങി. മൈസൂരിലെത്തിയപ്പോഴേക്കും നാലര മണിക്കൂര് ബസ് വൈകിയിരുന്നു. മൈസൂരില് ഇറങ്ങി ബാംഗ്ലൂരിലേക്ക് ടാക്സി വിളിക്കേണ്ടി വന്നു. പക്ഷേ വിമാനത്തില് പോകാനായില്ല. തുടര്ന്ന് മറ്റൊരു ഫ്ളൈറ്റില് ഡല്ഹിയിലേക്ക് യാത്ര ചെയ്യേണ്ടിവന്നു.
ഇതെല്ലാം വ്യക്തമാക്കി അവര് സമര്പ്പിച്ചപരാതി പരിശോധിച്ചശേഷമാണ് അദാലത്ത് ചെയര്മാന് വി.പ്രകാശ്, അംഗങ്ങളായ എം.ടി. രാജന് നായര്, ബി. വേണുഗോപാലന് എന്നിവര് തീര്പ്പുകല്പിച്ചത്.
മൂന്നുമാസത്തിനകം പണം നല്കണമെന്നും പരാതിക്കാരിക്ക് കോടതി ചെലവായി 5000 രൂപ നല്കണമെന്നും കെ.എസ്.ആര്.ടി.സി.യ്ക്ക്് ബസ് ജീവനക്കാരില്നിന്ന് തുക ഈടാക്കാവുന്നതാണെന്നും വിധി തീര്പ്പില് പറയുന്നു.
"
https://www.facebook.com/Malayalivartha
