സ്കൂളുകളുടെ സമീപം 50 മീറ്റര് ദൂരപരിധിയില് പെട്രോള് പമ്പുകള് പാടില്ലെന്ന് ബാലാവകാശ കമ്മീഷന്
വിദ്യാര്ഥികളുടെ സുരക്ഷയ്ക്ക് പ്രാധാന്യം മുന്നിര്ത്തി സംസ്ഥാനത്തെ സ്കൂളുകളുടെ സമീപം 50 മീറ്റര് ദൂരപരിധിയില് പെട്രോള് പന്പുകള് അനുവദിക്കുന്നത് വിലക്കി സംസ്ഥാന ബാലാവകാശ സംരക്ഷണ കമ്മീഷന്. അനുമതി നല്കുന്നതിന് മുന്പ് തദ്ദേശ ഭരണ സ്ഥാപനങ്ങള് ദൂരം സംബന്ധിച്ച മാനദണ്ഡങ്ങള് പാലിച്ചിട്ടുണ്ടെന്ന് ഉറപ്പുവരുത്തണമെന്ന് കമ്മീഷന് അംഗം കെ. നസീര് ഉത്തരവില് വ്യക്തമാക്കി. ഇതിനു വിരുദ്ധമായി അടിയന്തര സാഹചര്യത്തില് പെട്രോള് പന്പ് അനുവദിക്കേണ്ടി വന്നാലും 30 മീറ്റര് അകലം നിര്ബന്ധമായി പാലിക്കണം. സംസ്ഥാന മലിനീകരണ നിയന്ത്രണ ബോര്ഡ് പുറപ്പെടുവിച്ച സര്ക്കുലര് പ്രകാരം സ്കൂളിന്റെയും ആശുപത്രിയുടെയും 50 മീറ്റര് ദൂരപരിധിയില് പെട്രോള് പന്പ് അനുവദിക്കാന് പാടില്ല. ഏതെങ്കിലും കാരണവശാല് 50 മീറ്ററിനുള്ളില് സ്ഥാപിക്കേണ്ടി വന്നാല് സുരക്ഷാ മാനദണ്ഡങ്ങള് ഏര്പ്പെടുത്തേണ്ടതാണ്.എന്നാല് അപ്പോഴും 30 മീറ്ററിനുള്ളില് സ്ഥാപിക്കാന് പാടില്ല. ദേശീയ ഹരിത െ്രെടബ്യൂണലിന്റെ നിര്ദേശത്തെ തുടര്ന്നാണ് സംസ്ഥാന മലിനീകരണ നിയന്ത്രണ ബോര്ഡ് സര്ക്കുലര് പുറപ്പെടുവിച്ചത്.
https://www.facebook.com/Malayalivartha
