നിയമസഭാ തിരഞ്ഞെടുപ്പില് പൊടിപാറും പോരാട്ടം ഉറപ്പായി..കേരള രാഷ്ട്രീയം ഉറ്റുനോക്കുന്ന അങ്കത്തട്ടാണ് പലയിടത്തും
ഇത്തവണ നിയമസഭാ തിരഞ്ഞെടുപ്പില് പൊടിപാറും പോരാട്ടം ഉറപ്പായി. കേരള രാഷ്ട്രീയം ഉറ്റുനോക്കുന്ന അങ്കത്തട്ടാണ് പലയിടത്തും.
തൃത്താലയില് ബിജെപിയുടെ സംസ്ഥാന വക്താവ് സന്ദീപ് ജി വാര്യര് സ്ഥാനാര്ത്ഥിയായേക്കും എന്ന് വ്യതമായ സൂചന . സുരേഷ് ഗോപി തൃശൂരില് അല്ലെങ്കില് തിരുവനന്തപുരം സെന്ട്രലില്. തൃത്താലയില് സിറ്റിങ് എംഎല്എ വിടി ബല്റാം പ്രചാരണ പരിപാടികള് തുടങ്ങിക്കഴിഞ്ഞു..രണ്ട് തവണ തുടര്ച്ചയായി വിജയിച്ചതിന്റെ ആത്മവിശ്വാസത്തിലാണ് ബല്റാം.
സിപിഎമ്മിന്റെ കോട്ട എന്ന് അറിയപ്പെട്ടിരുന്ന തൃത്താല രണ്ട് തവണ കൈവിട്ടുപോയതിന്റെ നിരാശ സിപിഎമ്മിനുണ്ട്. ഇത്തവണ മണ്ഡലം തിരികെ പിടിക്കാന് ശക്തനായ എംബി രാജേഷിനെ ആണ് സിപിഎം രംഗത്തിറക്കിയിരിക്കുന്നത്. സിപിഎം സ്ഥാനാര്ത്ഥി പട്ടിക പുറത്തിറക്കിയതിന് പിറകെ രാജേഷ് പ്രചാരണത്തിലും സജീവമായിക്കഴിഞ്ഞു.
ബിജെപിയുടെ തീപ്പൊരി യുവ നേതാക്കളില് ഒരാളാണ് സന്ദീപ് വാര്യര്. ഇത്തവണ എംബി രാജേഷിനും വിടി ബല്റാമിനും എതിരെ സന്ദീപ് മത്സരിക്കാനിറങ്ങുകയാണെങ്കില് ബിജെപി ക്യാമ്പും സജീവമാകും.
ബിജെപിയുടെ സ്ഥാനാര്ത്ഥി പട്ടിക പ്രഖ്യാപിക്കാനിരിക്കുകയാണ്. സന്ദീപ് വാര്യര് പാലക്കാട് മണ്ഡലത്തിലോ തൃശൂര് മണ്ഡലത്തിലോ ആയിരിക്കും മത്സരിക്കുക എന്നായിരുന്നു ആദ്യം വന്ന റിപ്പോര്ട്ടുകള്. എന്നാല് പാലക്കാട് ഇ ശ്രീധരനെ ആണ് ബിജെപി പരിഗണിക്കുന്നത്. തൃശൂരില് സുരേഷ് ഗോപിയും ബി ഗോപാലകൃഷ്ണനും പരിഗണനയിലുണ്ട്. ഈ സാഹചര്യത്തിലാണ് സന്ദീപിനെ തൃത്താലയിലേക്ക് മാറ്റുന്നത് എന്നാണ് വിവരം.
ബിജെപിയ്ക്ക് ശക്തമായ സ്വാധീനം ഒന്നും അവകാശപ്പെടാനില്ലാത്ത മണ്ഡലം ആണ് തൃത്താല. എന്നാല് കഴിഞ്ഞ വര്ഷങ്ങളില് ക്രമാനുഗതമായ വളര്ച്ച നേടിയിട്ടുണ്ട്. 2011 ല് ബിജെപി സ്ഥാനാര്ത്ഥിയ്ക്ക് ഇവിടെ ലഭിച്ചത് 5,889 വോട്ടുകള് മാത്രമായിരുന്നു. 2016 ല് എത്തിയപ്പോള് അത് 14,510 ആയി.
2019 ലെ ലോക്സഭ തിരഞ്ഞെടുപ്പില് ബിജെപി വോട്ടുകള് 21,838 ആയി വര്ദ്ധിച്ചു. എന്നാല് തദ്ദേശ തിരഞ്ഞെടുപ്പില് ഇത് 18,918 ആയി കുറഞ്ഞു. തൃത്താല ഇതിനകം തന്നെ സംസ്ഥാന ശ്രദ്ധ നേടിക്കഴിഞ്ഞ മണ്ഡലം ആണ്.
എകെജിയെ അധിക്ഷേപിച്ച വിടി ബല്റാമിനെ പരാജയപ്പെടുത്തുന്നതില് കുറഞ്ഞ ഒരു ലക്ഷ്യവും സിപിഎമ്മിനില്ല. എംബി രാജേഷ് സ്ഥാനാര്ത്ഥിയായി എത്തിയതോടെ മണ്ഡലത്തിലെ ഇടത് യുവജന പ്രസ്ഥാനങ്ങളെല്ലാം വലിയ ആവേശത്തിലും ആണ്.
തൃത്താലയില് വിടി ബല്റാം സംഘപരിവാറുമായി വോട്ടുകച്ചവടം നടത്തുന്നു എന്ന ഒരു ആരോപണം കഴിഞ്ഞ രണ്ട് തിരഞ്ഞെടുപ്പുകളിലും എല്ഡിഎഫ് ആരോപിച്ചിരുന്നു. ഇത്തവണ ബിജെപി ശക്തനായ സ്ഥാനാര്ത്ഥിയെ തന്നെ നിര്ത്തുന്നതിനാല് അത്തരമൊരു ആരോപണത്തിന് സാധ്യതയില്ല. അപ്പോള് ശരിക്കുള്ള പൂരം ഇനി തൃത്താല ഗോദയില് കാണാം.
https://www.facebook.com/Malayalivartha
