ബി.ജെ.പിയുടെ സ്ഥാനാര്ത്ഥി പട്ടിക നാളെ ഔദ്യോഗികമായി പ്രഖ്യാപിക്കും: കോണ്ഗ്രസിന്റെ ഏത് ഉന്നതന് വന്നാലും നേമത്ത് ബി.ജെ.പി സ്ഥാനാര്ത്ഥി കുമ്മനം തന്നെ
തിരഞ്ഞെടുപ്പില് ബി.ജെ.പിയുടെ സ്ഥാനാര്ത്ഥി പട്ടിക നാളെ ഔദ്യോഗികമായി പ്രഖ്യാപിക്കും. വിജയസാദ്ധ്യതയുള്ള ബി.ജെ.പിയുടെ എ പ്ലസ് മണ്ഡലങ്ങളില് ഇക്കുറി ശക്തരായ സ്ഥാനാര്ത്ഥികളായാണ് ബി.ജെ..പി രംഗത്തിറക്കുന്നത്.
കഴിഞ്ഞ നിയമസഭാ തിരഞ്ഞെടുപ്പില് വെറും 87 വോട്ടിന് കൈയില് നിന്നും വഴുതിയ മഞ്ചേശ്വരത്ത് ഇത്തവയും ബി.ജെ.പി സംസ്ഥാന പ്രസിഡന്റ് രെ..സുരേന്ദ്ര തന്നെയാണ് മത്സരത്തിനിറങ്ങുന്നത്. പുതിയ പശ്ചാത്തലത്തില് മഞ്ചേശ്വരം കൈപ്പിടിയിലൊതുക്കാനാണ് ബി.ജെ.പി പദ്ധതിയിടുന്നത്. അതേസമയം ശക്തനായ സ്ഥാനാര്ത്ഥിയെ രംഗത്തിറക്കുമെന്ന് കോണ്ഗ്രസ് സസ്പെന്സില് നിറുത്തുന്ന ബി.ജെ.പിയുടെ സിറ്റിംഗ് സീറ്റായ നേമത്ത് മുതിര്ന്ന നേതാവും മിസോറാം മുന്ഗവര്ണറുമായ കുമ്മനം രാജശേഖരന് മത്സരിക്കും. തിരഞ്ഞെടുപ്പ് രംഗത്ത് ബി.ജെ.പിയുടെ നേട്ടമായ മെട്രോമാന് ഇ.ശ്രീധരന് പാലക്കാട്ടായിരിക്കും മത്സരിക്കുക. അദ്ദേഹം അവിടെ പ്രചാരണരംഗത്തും സജീവമായി തുടങ്ങിയിട്ടുണ്ട്.
രാജ്യസഭാംഗവും നടനുമായ സുരേഷ് ഗോപിയെ മത്സരത്തിനിറക്കാനും ബി.ജെ.പി തീരുമാനിച്ചു. സുരേഷ് ഗോപി ലോക്സഭാ തിരഞ്ഞെടുപ്പില് തൃശൂരില് മികച്ച പ്രകടനം കാഴ്ചവച്ചിരുന്നു. കഴക്കൂട്ടത്ത് മത്സരിക്കുമെന്നു കരുതിയ കേന്ദ്ര വിദേശകാര്യ സഹമന്ത്രി വി.മുരളീധരന് മത്സര രംഗത്തുണ്ടാവില്ല. പകരം ശോഭാ സുരേന്ദ്രന് മത്സരിക്കുമെന്നാണ് കരുതുന്നത്. കേരള കോണ്ഗ്രസ് നേതാവും മുന് കേന്ദ്രമന്ത്രിയുമായ പി.സി.തോമസ് പാലായില് മത്സരിക്കും. കോവളത്ത് കെ.കെ.എന്.സി നേതാവ് വിഷ്ണുപുരം ചന്ദ്രശേഖരന് സീറ്റ് നല്കുമെങ്കിലും അദ്ദേഹം താമര ചിഹ്നത്തിലായിരിക്കും മത്സരിക്കുക. മുന് കേന്ദ്രമന്ത്രി അല്ഫോണ്സ് കണ്ണന്താനത്തെ കാഞ്ഞിരപ്പള്ളിയില് മത്സരിപ്പിക്കും. നേരത്തെ സൂചിപ്പിച്ചിരുന്നതുപോലെ പി.കെ.കൃഷ്ണദാസ് കാട്ടാക്കടയിലും ശിവന്കുട്ടി അരുവിക്കരയിലും പാറശ്ശാലയില് കരമന ജയനും എം.ടി രമേശ് കോഴിക്കോട് നോര്ത്തിലും മത്സരിക്കും.
https://www.facebook.com/Malayalivartha