'ആക്രമണമുണ്ടായതിന് തെളിവില്ല'; മമതാ ബാനര്ജിക്ക് സംഭവിച്ചത് അപകടമെന്ന് പ്രത്യേക നിരീക്ഷകർ തെരഞ്ഞെടുപ്പ് കമ്മീഷന് റിപ്പോര്ട്ട് നൽകി
പശ്ചിമ ബംഗാള് മുഖ്യമന്ത്രി മമതാ ബാനര്ജിക്ക് സംഭവിച്ചത് അപകടമാണെന്നും ആക്രമണമുണ്ടായതിന് തെളിവില്ലെന്നും പ്രത്യേക നിരീക്ഷകര് തെരഞ്ഞെടുപ്പ് കമ്മീഷന് റിപ്പോര്ട്ട് നല്കി. പ്രത്യേക നിരീക്ഷകരായ വിവേക് ദുബെ, അജയ് നായിക് എന്നിവരില് നിന്നാണ് കമ്മീഷന് റിപ്പോര്ട്ട് തേടിയത്.
സംഭവം നടക്കുന്പോള് മമത പോലീസിന് നടുവിലായിരുന്നുവെന്നും നിരീക്ഷകര് വ്യക്തമാക്കി. തെരഞ്ഞെടുപ്പ് കമ്മീഷന് റിപ്പോര്ട്ട് സമര്പ്പിക്കുന്നതിന് മുന്നോടിയായി വിവേക് ദുബെയും അജയ് നായകും ബംഗാളിലെ നന്ദിഗ്രാമിലെ അപകട സ്ഥലത്ത് പരിശോധന നടത്തിയിരുന്നു. നേരത്തെ മമതയ്ക്ക് നേരെയുണ്ടായ ആക്രമണത്തിന് പിന്നില് ആഴത്തിലുള്ള ഗൂഢാലോചനയുണ്ടെന്ന് തൃണമൂല് കോണ്ഗ്രസ് ആരോപിച്ചിരുന്നു. ഇക്കാര്യത്തില് ഉന്നതതല അന്വേഷണം ആവശ്യപ്പെട്ട് തൃണമൂല് നേതാക്കളുടെ സംഘം തെരഞ്ഞെടുപ്പ് കമ്മീഷന് പരാതി നല്കിയിരുന്നു. ബുധനാഴ്ച നന്ദിഗ്രാമിലെ തെരഞ്ഞെടുപ്പ് പ്രചാരണത്തിനിടെയാണ് മമതയ്ക്ക് പരിക്കേറ്റത്.
https://www.facebook.com/Malayalivartha