ആശങ്കകള്ക്കൊടുവില് വിരാമമിട്ട് നിയമസഭാ തെരഞ്ഞെടുപ്പിനുള്ള കോണ്ഗ്രസ് സ്ഥാനാര്ഥി പട്ടിക അന്തിമ തീരുമാനത്തിലേക്ക്....സംസ്ഥാനത്തിന്റെ ശ്രദ്ധാകേന്ദ്രമായി മാറിയ നേമം മണ്ഡലത്തില് ലോക്സഭാംഗം കൂടിയായ കെ.മുരളീധരനെ മത്സരിപ്പിക്കാന് തീരുമാനമായെന്ന് വിവരം, ഇന്നു രാവിലെ സ്ഥാനാര്ത്ഥി പ്രഖ്യാപനം ഉണ്ടായേക്കും
ആശങ്കകള്ക്കൊടുവില് വിരാമമിട്ട് നിയമസഭാ തെരഞ്ഞെടുപ്പിനുള്ള കോണ്ഗ്രസ് സ്ഥാനാര്ഥി പട്ടിക അന്തിമ തീരുമാനത്തിലേക്ക്....
സംസ്ഥാനത്തിന്റെ ശ്രദ്ധാകേന്ദ്രമായി മാറിയ നേമം മണ്ഡലത്തില് ലോക്സഭാംഗം കൂടിയായ കെ.മുരളീധരനെ മത്സരിപ്പിക്കാന് തീരുമാനമായെന്ന് വിവരം, ഇന്നു രാവിലെ സ്ഥാനാര്ത്ഥി പ്രഖ്യാപനം ഉണ്ടായേക്കും.ദിവസങ്ങളായി നടന്ന സ്ക്രീനിംഗ് കമ്മിറ്റിക്ക് ശേഷം, രാജ്യതലസ്ഥാനത്ത് തങ്ങുന്ന കെപിസിസി അധ്യക്ഷന് മുല്ലപ്പള്ളി രാമചന്ദ്രനുമായി ഹൈക്കമാന്ഡ് പ്രതിനിധികള് നടത്തിയ ചര്ച്ചയ്ക്കൊടുവിലാണ് സ്ഥാനാര്ഥി നിര്ണയം അന്തിമമായത്.
സംസ്ഥാനത്തിന്റെ ശ്രദ്ധാകേന്ദ്രമായി മാറിയ നേമം മണ്ഡലത്തില് ലോക്സഭാംഗം കൂടിയായ കെ.മുരളീധരനെ മത്സരിപ്പിക്കാന് തീരുമാനമായെന്നാണ് വിവരം. ഇതുമായി ബന്ധപ്പെട്ട ചര്ച്ചയ്ക്കായി മുരളിയെ നേരത്തെ ഡല്ഹിയിലേക്ക് വിളിപ്പിച്ചിരുന്നു.
നേരത്തെ, ഉമ്മന് ചാണ്ടി നേമത്ത് മത്സരിക്കുമെന്ന് അഭ്യൂഹങ്ങള് പരന്നിരുന്നുവെങ്കിലും അദ്ദേഹം തന്നെ അതിന് വിരാമിട്ടിരുന്നു. ഉമ്മന് ചാണ്ടി പുതുപ്പള്ളിയില് തന്നെ മത്സരിക്കുമെന്ന കാര്യത്തിലും തീരുമാനമായിട്ടുണ്ട്. ഞായറാഴ്ച രാവിലെ 11ന് മുല്ലപ്പള്ളി രാമചന്ദ്രന് സ്ഥാനാര്ഥി പ്രഖ്യാപനം നടത്തുമെന്നാണ് സൂചന.
പട്ടാമ്പി, നിലമ്പൂര് ഒഴികെയുള്ള മണ്ഡലങ്ങളിലെ സ്ഥാനാര്ഥികളെയാകും കെപിസിസി അധ്യക്ഷന് പ്രഖ്യാപിക്കുക. ഉമ്മന് ചാണ്ടിയുടെ സമ്മര്ദ ഫലമായി കെ.ബാബുവിന് തൃപ്പൂണിത്തുറയില് സീറ്റ് നല്കാന് ധാരണയായതായും റിപ്പോര്ട്ടുകളുണ്ട്. ഒപ്പം, കൊല്ലത്ത് ഡിസിസി അധ്യക്ഷ ബിന്ദു കൃഷ്ണ മത്സരിക്കുമെന്നും ഏറെക്കുറെ ഉറപ്പായി.
ബിന്ദുവിനെ മത്സരിപ്പിക്കണമെന്നാവശ്യപ്പെട്ട് തീരദേശ തൊഴിലാളികള് ഇന്ന് പ്രതിഷേധമറിയിച്ച് രംഗത്തെത്തിയിരുന്നു. സ്ഥാനാര്ഥിത്വം സംബന്ധിച്ച് ഉറപ്പ് ലഭിച്ചുവെന്നും പ്രവര്ത്തനങ്ങള് തുടങ്ങണമെന്ന് അറിയിച്ചുവെന്നും ബിന്ദു കൃഷ്ണ തന്നെയാണ് മാധ്യമങ്ങളോട് വെളിപ്പെടുത്തിയത്.
ഇതിനു, പുറമേ പി.സി.വിഷ്ണുനാഥിനെ കുണ്ടറയിലും കെ.പി.അനില് കുമാറിനെ വട്ടിയൂര്ക്കാവിലും മത്സരിപ്പിക്കാന് തീരുമാനമായെന്നാണ് വിവരം.
"
https://www.facebook.com/Malayalivartha
