ഇത്തവണ രാജേട്ടന് 'പൊന്മുട്ടയോ ചീമുട്ടയോ' മുട്ടയിടുന്നത് മുരളിയോ ശിവന്കുട്ടിയോ കാരശേരിയും താഹാ മാടായിയും?
നിയമസഭ തിരഞ്ഞെടുപ്പുമായി ബന്ധപ്പെട്ട് ഒരു പ്രമുഖ പത്രത്തില് എഴുതിയ ഒരു ലേഖനത്തില് സാമൂഹിക, രാഷ്ട്രീയ നിരീക്ഷകന് എംഎന് കാരശ്ശേരി നടത്തിയ നിരീക്ഷണത്തെ വിമര്ശിച്ച് നിരവധി പേരാണ് ഇതിനോടകം രംഗത്ത് വന്നത്. 'ഇടത് മുന്നണിക്ക് ഭരണത്തുടര്ച്ച കിട്ടരുതെന്നാണ് എന്റെ അഭിപ്രായം. യുഡിഎഫ് വിജയിക്കണം. യുഡിഎഫ് മികച്ച കൂട്ടരായത് കൊണ്ടല്ല ഇത് പറയുന്നത്.
ഭരണത്തുടര്ച്ച കൈവന്നാല് ഇടത് മുന്നണി ചീത്തയാവും. ബംഗാളിലെ അനുഭവം മുന്നിലുണ്ട്. ഭരണം കിട്ടിയില്ലെങ്കില് യുഡിഎഫ് ഇല്ലാതാവും. രണ്ടും കേരളത്തിന് നല്ലതല്ല. അഹങ്കാരമാണ് ഇടത് മുന്നണിയുടെ വലിയ പ്രശ്നം. യുഡിഎഫിന്റെ വലിയ പ്രശ്നം അഴിമതിയുമാണ്'- എന്നതായിരുന്നു കാരശ്ശേരിയുടെ നിരീക്ഷണം.
ഇപ്പോഴിതാ കാരശ്ശേരിയുടെ ഈ അഭിപ്രായത്തിന് മറുപടിയുമായി രംഗത്ത് എത്തിയിരിക്കുകയാണ് എഴുത്ത് കാരനായ താഹ മാടായി. ഇടതു പക്ഷത്തിന് അഹങ്കാരമുണ്ടാവും എന്ന കാരശ്ശേരിയുടെ വാദം ബാലിശമാണെന്ന് അദ്ദേഹം പറയുന്നത്. ഞങ്ങളുടെ നാട്ടില് മുമ്പൊരു ചായക്കടയുണ്ടായിരുന്നു.
ഏറെ കടികളൊന്നുമില്ലാത്ത ഒരു ഉണക്ക ചായക്കട. എങ്കിലും, പുലര്ച്ചെ തുറക്കുമെന്നുള്ളത് കൊണ്ട് നാട്ടിന് പുറത്തുകാരായ കല്പണിക്കാരും കൈക്കോട്ടു പണിക്കാരും വാര്പ്പുകാരും രാവിലെ അവിടെ പോകും. പുഴുങ്ങിയ മുട്ട മാത്രമായിരുന്നു കടി. ഒരു മുട്ട കഴിച്ച ശേഷം ആര്ക്കെങ്കിലും പൂതി തോന്നി രണ്ടാമതൊരു മുട്ട ചോദിച്ചാല് ചായക്കടക്കാരന് പാപ്പന് പറയും: നല്ല കഥയായി! നിങ്ങക്ക് രണ്ട് മുട്ട തന്നാ അടുത്താളും രണ്ട് മുട്ട ചോദിച്ചാലോ? മുട്ട തീരൂലെ? പിന്നെ വരുന്നാള്ക്ക് ഞാനെന്താ കൊടുക്കാ, പുണ്ണാക്കോ?' എന്തായാലും ഈ കഥയിലെ ചായ്ക്കടക്കാരന്റെ കാര്യം പോലെയായി നേമത്തെ വോട്ടമാരുടെ കാര്യം.
ഒരിക്കല് രാജഗോപാല് എന്ന രാജേട്ടന് വിജയമുട്ട നല്കിയവരാണ് നേമത്തെ വോട്ടര്മാര്. കക്ഷി രാഷ്ട്രീയ ജാതി മത വേര്തിരിവെല്ലാം മാറ്റിവച്ച്. അതേ പൊന്മുട്ടയിടുന്ന താറാവിനെ മോഹിച്ച് എത്തിയതാണ് പാവം കുമ്മനം രാജശേഖരന്. പക്ഷെ അതാ വരുന്നു. വട്ടിയൂര്ക്കാവിലെ അതേ രാഷ്ട്രീയ എതിരാളി. അതും പൊരുതി ജയിക്കാനുറച്ച കുമ്മനത്തെ വട്ടിയൂര്ക്കാവില് പൊരുതി തോല്പിച്ച കെ.എം തന്നെ. കരുത്തനായി കെ മുരളീധരന് കൂടി എത്തിയതോടെ എത്തുന്നതോടെ ചായക്കടക്കാരന്റെ അവസ്ഥയിലാണ് നേമത്തെ അണികള്.
2016 ലെ പോലെ മൊട്ടയിടാനല്ല ജയിച്ച് കയറാന് തന്നെയാണ് മല്സരമെന്ന് പറഞ്ഞ് ഇടത് സ്ഥാനാര്ത്ഥിയായി പ്രഖ്യാപിച്ച വി ശിവന്കുട്ടി ഇതിനകം തന്നെ മണ്ഡലത്തില് പ്രചാരണ പ്രവര്ത്തനങ്ങളുമായി സജീവമാണ്. 2016 ല് സംസ്ഥാന രാഷ്ട്രീയത്തില് ആദ്യ നിയമസഭാ സീറ്റ് പിടിച്ച് ചരിത്രം സൃഷ്ടിച്ച ബിജെപിയാകട്ടെ കുമ്മനം രാജശേഖരനിലൂടെ മണ്ഡലം എന്ത് വിലകൊടുത്തും നിലനിര്ത്താനുള്ള പരിശ്രമത്തിലുമാണ്.
കെ മുരളീധരന് കൂടി നേമത്ത് സ്ഥാനാര്ത്ഥിയായി എത്തുന്നതിലൂടെ കടുത്ത ത്രികോണ മത്സരത്തിന് മാത്രമല്ല രാഷ്ട്രീയ കേരളം ഏറ്റവും അധികം ആകാംക്ഷയോടെ ഉറ്റു നോക്കുന്ന മണ്ഡലം കൂടിയായി നേമം മാറുകയാണ്. ബി.ജെ.പിയായാലും കോണ്ഗ്രസായാലും സിപിഎമ്മായാലും നേമം എന്ന മുട്ട കിട്ടുന്നവര് അഹങ്കരിക്കുമെന്ന കാര്യത്തില് സംശയമില്ല.
https://www.facebook.com/Malayalivartha