ഇത്തവണ സീറ്റ് പിടിക്കാനായി പുതുമുഖങ്ങളുമായി ബിജെപി; നടൻ കൃഷ്ണകുമാർ തിരുവനന്തപുരം സെൻട്രലിൽ, നടൻ വിവേക് ഗോപൻ ചവറയിൽ, സന്ദീപ് വാര്യർ ഷൊർണ്ണൂരിൽ
ബിജെപി സ്ഥാനാർത്ഥി പട്ടിക വന്നപ്പോൾ നിരവധി പുതുമുഖങ്ങൾക്കാണ് പരിഗണന ലഭിച്ചിരിക്കുന്നത്. സാമൂഹിക സാംസ്കാരിക രംഗത്തെ പ്രമുഖരെയും സ്ഥാനാർഥി പട്ടികയിൽ കാണുന്നുണ്ട്. ഇതോടൊപ്പം തന്നെ പ്രമുഖനേതാക്കളെല്ലാം പോരാട്ടം കടുപ്പിക്കാൻ രംഗത്ത് എത്തിയിരിക്കുകയാണ്. യുഡിഎഫിൽ നിന്നും എൽഡിഎഫിൽ നിന്നും ചില സർപ്രൈസ് എൻട്രികളും ബിജെപി പട്ടികയിലേക്ക് ഉണ്ടായിരിക്കുകയാണ്.
എല്ലാ ചാനൽ ചർച്ചകളിലും പാർട്ടിയുടെ പ്രധാന മുഖമായ സന്ദീപ് വാര്യർ ഷൊർണ്ണൂരിലാവും മത്സരിക്കുക. സീരിയൽ നടൻ വിവേക് ഗോപൻ കൊല്ലം ചവറയിൽ ബിജെപി സ്ഥാനാർത്ഥിയായി രംഗത്ത് എത്തും. മാവേലിക്കരയിൽ ഡിവൈഎഫ്ഐ നേതാവ് കെ.സജ്ഞു സ്ഥാനാർത്ഥിയാവും. ഡിവൈഎഫ്ഐ ജില്ലാ സെക്രട്ടേറിയറ്റ് അംഗവും സിപിഎം ചുനക്കര ലോക്കൽ കമ്മിറ്റി അംഗവുമാണ് സഞ്ജു.
നേരത്തെ ബിഡിജെഎസ് മത്സരിച്ചു വന്ന കോഴിക്കോട് സൗത്ത് ഇക്കുറി ബിജെപി ഏറ്റെടുത്തിയിരിക്കുകയാണ്. യുവനേതാവ് നവ്യ ഹരിദാസാണ് ഇവിടത്തെ സ്ഥാനാർത്ഥി. കാൽനൂറ്റാണ്ടിന് ശേഷം മുസ്ലീം ലീഗ് വനിതാ സ്ഥാനാർത്ഥിയെ മത്സരിപ്പിക്കുന്നതും ഇതേ സീറ്റിലാനു എന്നതാണ് മറ്റൊരു കാര്യം.
കെ.പി. പ്രകാശ് ബാബുവാണ് ബേപ്പൂരിലെ സ്ഥാനാർത്ഥി. കോഴിക്കോട് സർവ്വകലാശാല മുൻ വൈസ് ചാൻസലർ ഡോ.അബ്ദുൾ സലാം തിരൂരിൽ ബിജെപി സ്ഥാനാർത്ഥിയായത് തീർത്തും അപ്രീതിക്ഷിതമായിട്ടാണ്. മുസ്ലീം ലീഗ് നോമിനിയായി കോഴിക്കോട് വിസി ആയ ആളാണ് അബ്ദുൾ സലാം.
കഴിഞ്ഞ തവണ പാർട്ടി രണ്ടാം സ്ഥാനത്ത് എത്തിയ മലമ്പുഴയിൽ സി.കൃഷ്ണകുമാർ വീണ്ടും മത്സരിക്കുകയാണ്. തൃശ്ശൂർ ജില്ലാ സെക്രട്ടറി എ.നാഗേഷ് പാർട്ടി ശക്തികേന്ദ്രമായ പുതുക്കാട്ജനവിധി നേടും. കഴിഞ്ഞ ആഴ്ച ബിജെപിയിൽ ചേർന്ന പന്തളം സുധാകരൻ്റെ സഹോദരൻ പന്തളം പ്രതാപൻ അടൂരിൽ സ്ഥാനാർത്ഥിയായി മത്സരിക്കും. തിരുവനന്തപുരം സെൻട്രലിൽ അഭിനേതാവ് കൃഷ്ണ കുമാർ മത്സരിക്കും.
https://www.facebook.com/Malayalivartha