എന്തൊരു ട്വിസ്റ്റ്... കെപിസിസി ആസ്ഥാനത്ത് തല മുണ്ഡനം ചെയ്ത ലതിക സുഭാഷിന്റെ പ്രതിഷേധം തുടരുന്നതിനിടെ ബിജെപിയില് സീറ്റ് നിഷേധിച്ച ശോഭ സുരേന്ദ്രന് ചാനലിലെത്തിയതോടെ ആകാംക്ഷയായി; ശോഭ സുരേന്ദ്രനും കടുത്ത നടപടിയിലേക്ക് നീങ്ങുമോ എന്ന് കരുതിയവര്ക്ക് തെറ്റി; മറ്റാര്ക്കും കിട്ടാത്ത സൗഭാഗ്യം സുരേന്ദ്രന് കിട്ടിയതിലുള്ള അസൂയ മാത്രം പങ്കുവച്ചു
കേരളം കണ്ട വലിയ പ്രതിഷേധങ്ങള്ക്കാണ് ഇന്നലെ വേദിയായത്. കോണ്ഗ്രസ് സ്ഥാനാര്ത്ഥി പട്ടിക ഡല്ഹിയില് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് പ്രഖ്യാപിച്ചതിന് തൊട്ടുപിന്നാലെ, തിരുവനന്തപുരത്ത് കെ.പി.സി.സി ആസ്ഥാനമായ ഇന്ദിരാഭവന് മുന്നില് മഹിളാ കോണ്ഗ്രസ് അദ്ധ്യക്ഷ ലതികാ സുഭാഷിന്റെ വക നാടകീയരംഗങ്ങള്.
പാര്ട്ടിക്കായി പണിയെടുക്കുന്ന വനിതകളെയാകെ അപമാനിച്ചുവെന്നാരോപിച്ച്, മഹിളാ കോണ്ഗ്രസ് അദ്ധ്യക്ഷ പദവിയില് നിന്നുള്ള രാജി പ്രഖ്യാപിച്ച അവര്, അപ്രതീക്ഷിതമായി അവിടെ വച്ചുതന്നെ തല മുണ്ഡനം ചെയ്തത് കണ്ട് ഇന്ദിരാഭവനിലുണ്ടായിരുന്ന നേതാക്കളും അമ്പരന്നു.
ഈ സമയത്താണ് ലൈവായി ബിജെപി നേതാവ് ശോഭ സുരേന്ദ്രന് എത്തിയത്. ഇതോടെ ശോഭ സുരേന്ദ്രനും തല മൊട്ടയടിക്കുമോ എന്ന് പലരും ചിന്തിച്ചു. എന്നാല് ശോഭയാകട്ടെ ഉള്ളിലെ പ്രതിഷേധം അണ പൊട്ടിച്ചില്ല.
ബി.ജെ.പിയിലെ മുതിര്ന്ന നേതാക്കളായ മറ്റാര്ക്കും കിട്ടാത്ത ഭാഗ്യമാണ് സംസ്ഥാന പ്രസിഡന്റ് കെ. സുരേന്ദ്രന് ലഭിച്ചതെന്ന ശോഭ സുരേന്ദ്രന് പറഞ്ഞു. രണ്ട് സീറ്റിലും സുരേന്ദ്രന് ജയിക്കാനാകട്ടെയെന്ന് ആശംസിക്കുന്നു. ഞാന് മത്സരിക്കണമെന്ന് കേന്ദ്ര നേതൃത്വം ആവശ്യപ്പെട്ടിരുന്നു. എന്നാല് പേര് എങ്ങനെ ഒഴിവായി എന്നറിയില്ല. എനിക്ക് മത്സരിക്കണമെന്ന് ഒരു താത്പര്യവുമില്ലായിരുന്നു. ബി.ജെ.പിയുടെ പ്രചാരണത്തില് സജീവമായി ഉണ്ടാവുംശോഭ മാദ്ധ്യമങ്ങളോട് പറഞ്ഞു.
പാര്ട്ടി തന്നെ ഒതുക്കിയെന്ന തോന്നലില്ല.ആവുന്ന തരത്തില് പ്രചാരണരംഗത്ത് പ്രവര്ത്തിക്കാമെന്ന് നേതൃത്വത്തെ അറിയിച്ചിരുന്നു. കഴിഞ്ഞ ദിവസം കേരളത്തിന്റെ ചുമതലയുളള പ്രഭാരിയാണ് കഴക്കൂട്ടത്ത് മത്സരിക്കണമെന്ന് ആവശ്യപ്പെട്ടത്.
ശനിയാഴ്ച രണ്ട് മണിവരെയുളള കാര്യങ്ങളേ അറിയൂ. തിരഞ്ഞെടുപ്പില് മത്സരിക്കുന്നില്ലെന്നത് തന്നെ ബാധിക്കുന്ന വിഷയമല്ല. വേദനയോടെയാണ് കോണ്ഗ്രസ് നേതാവ് ലതികാസുഭാഷിന്റെ വാക്കുകള് കേട്ടത്. രാഷ്ട്രീയ രംഗത്തെ പുരുഷന്മാര് പുനര്വിചിന്തനത്തിന് തയ്യാറാവണമെന്ന സന്ദേശമാണത് നല്കുന്നതെന്നും ശോഭാസുരേന്ദ്രന് പറഞ്ഞു.
അതേസമയം സിരേന്ദ്രന് ഹെലീകോപ്ടറില് പാറിപ്പറക്കുന്ന കാഴ്ചയാണ് കണ്ടത്. തെരഞ്ഞെടുപ്പ് പ്രചാരണത്തിന് ഓടി നടക്കാന് കേന്ദ്രം നല്കിയതാണ് ഹെലീകോപ്ടര്. സുരേന്ദ്രന് കോന്നിയിലും മഞ്ചേശ്വരത്തുമാണ് മത്സരിക്കുന്നത്.
കേരളത്തിലെ ഒരു നിയമസഭാ തിരഞ്ഞെടുപ്പില് ഇതാദ്യമായാണ് ബി.ജെ.പിയുടെ ഒരു നേതാവ് രണ്ട് മണ്ഡലത്തില് മത്സരിക്കുന്നത്. പാര്ട്ടി സ്ഥാനാര്ത്ഥിത്വത്തിനായി സീറ്റ് മോഹികള് സമുദായങ്ങളുടെയും സഭകളുടെയുമൊക്കെ കത്തുകളുമായി കേന്ദ്ര നേതാക്കളുടെ മുമ്പില് കാത്ത് കിടക്കുമ്പോഴാണ് സുരേന്ദ്രനില് കേന്ദ്ര നേതൃത്വം വിശ്വാസമര്പ്പിച്ചത്.
പാര്ട്ടിയിലെ 'ക്രൗഡ് പുള്ളറും ഫൈറ്റിംഗ് ലീഡറുമായി' നരേന്ദ്രമോദി വിശേഷിപ്പിക്കുന്ന സുരേന്ദ്രനാണ് ജനസംഘത്തിന്റെയും , ബി.ജെ.പിയുടെയും നിയമസഭാ തിരഞ്ഞെടുപ്പ് പോരാട്ടത്തില് ഏറ്റവും കുറഞ്ഞ വോട്ടിന് തോല്ക്കുന്ന നേതാവ്. രണ്ട് സ്ഥലത്ത് മത്സരിക്കണമെന്ന നിര്ദ്ദേശം വച്ചത് സുരേന്ദ്രന് കൂടി പങ്കെടുത്ത കേന്ദ്ര തിരഞ്ഞെടുപ്പ് സമിതിയില് നരേന്ദ്ര മോദിയും അമിത് ഷായുമാണ്.
രണ്ട് സീറ്റിലേക്ക് സുരേന്ദ്രന് പോരിനിറങ്ങണമെന്ന നിര്ദ്ദേശം ആറ് മണ്ഡലങ്ങളില് നിന്ന് പാര്ട്ടിയുടെ കേന്ദ്ര പ്രഭാരിമാരുടെ മുമ്പില് വന്നു. മഞ്ചേശ്വരം സുരേന്ദ്രന് രാഷ്ട്രീയ പോരാട്ടം നടത്തിയ മണ്ഡലം. ശബരിമല പോരാട്ടവുമായി ബന്ധപ്പെട്ട് കോന്നി സുരേന്ദ്രന് വൈകാരിക ബന്ധമുള്ള മണ്ഡലം. 2014ലെ ലോകസഭാ തിരഞ്ഞെടുപ്പില് നരേന്ദ്ര മോദി ഗുജറാത്തിലെ വഡോദരയിലും യു.പിയിലെ വരാണസിയിലും മത്സരിച്ചത് പോലെയെന്ന് ദേശീയ നേതൃത്വം വിശേഷിപ്പിക്കുന്നത്.
സുരേന്ദ്രന് മഞ്ചേശ്വരത്തും കോന്നിയിലും മത്സരിക്കുന്നതിലൂടെ വടക്കും തെക്കും പ്രവര്ത്തകരെ ഒരേ പോലെ ആവേശത്തിലാക്കാനാകും.
"
https://www.facebook.com/Malayalivartha