കോവിഡ് സാഹചര്യത്തില് 9-ാം ക്ലാസ് വിദ്യാര്ത്ഥികളെ എല്ലാവരെയും വിജയിപ്പിക്കാന് വിദ്യാഭ്യാസ വകുപ്പിന്റെ തീരുമാനം... പ്ലസ് വണ് പരീക്ഷയെക്കുറിച്ച് പിന്നീട് തീരുമാനിക്കും
കോവിഡ് സാഹചര്യത്തില് 9-ാം ക്ലാസ് വിദ്യാര്ത്ഥികളെ എല്ലാവരെയും വിജയിപ്പിക്കാന് വിദ്യാഭ്യാസ വകുപ്പിന്റെ തീരുമാനം. പ്ലസ് വണ് പരീക്ഷയെക്കുറിച്ച് പിന്നീട് തീരുമാനിക്കും.
ഈ മാസം അവസാനം വരെ പത്ത്, പ്ലസ് ടു ക്ലാസുകള്ക്കുള്ള റിവിഷന് ക്ലാസുകള് തുടരും. കൊവിഡ് വ്യാപനം തുടരുന്നതിനാല് പത്ത്, പ്ലസ് ടു ക്ലാസുകളിലൊഴികെ മറ്റൊരു ക്ലാസിലും വര്ഷാവസാന പരീക്ഷ വേണ്ടെന്ന തീരുമാനത്തില് വിദ്യാഭ്യാസ വകുപ്പ് എത്തുകയായിരുന്നു.
നിലവില് എട്ടാം ക്ലാസ് വരെ ഓള് പാസ് രീതിയാണ് തുടരുന്നത്. നിബന്ധനകള്ക്ക് വിധേയമായി ഒന്പതാം ക്ലാസിലും ഇത് നടപ്പാക്കും.
കഴിഞ്ഞവര്ഷം കോവിഡ് കാരണം വാര്ഷിക പരീക്ഷ പൂര്ത്തിയാക്കാന് കഴിയാതിരുന്നതിനെ തുടര്ന്ന് പാദ, അര്ദ്ധവാര്ഷിക പരീക്ഷകളുടെ മാര്ക്ക് കണക്കിലെടുത്തായിരുന്നു ഒമ്പതാം ക്ലാസിലെ വിജയികളെ തീരുമാനിച്ചത്. ഇത്തവണ പാദ, അര്ദ്ധ വാര്ഷിക പരീക്ഷകള് പോലും നടത്താനാവാത്തതിനാല് ഓണ്ലൈന് ക്ലാസുകളിലെ ഹാജര് ഉള്പ്പെടെ പരിഗണിച്ചായിരിക്കും ഒമ്പതില് നിന്ന് പത്തിലേക്കുള്ള ക്ലാസ് കയറ്റം.
അതേസമയം കൊവിഡ് പശ്ചാത്തലത്തിലാണ് ഒന്പതാം ക്ലാസ് വരെയുള്ള സ്കൂള് വാര്ഷിക പരീക്ഷകള് ഒഴിവാക്കുന്നത്. കുട്ടികള് ഒരുമിച്ച് സ്കൂളുകളിലെത്തുന്നത് കൊവിഡ് വ്യാപനത്തിന് കാരണമായേക്കാം. കൊവിഡ് മാര്ഗനിര്ദേശങ്ങള് പാലിച്ച് 30 ലക്ഷത്തോളം കുട്ടികള്ക്ക് ഒരേ സമയം പരീക്ഷ നടത്തുന്നത് അപ്രായോഗികവുമാണ്.
അതിനാല് നിരന്തര മൂല്യനിര്ണയം ഉള്പ്പെടെയുള്ളവയുടെ അടിസ്ഥാനത്തില് ക്ലാസ് കയറ്റം നല്കാനാണ് തീരുമാനം. ഇതോടൊപ്പം ഓണ്ലൈന് ക്ലാസുകളുടെ ഭാഗമായി വിദ്യാര്ത്ഥികള്ക്ക് നല്കിയ പ്രോജക്ടുകളും പരിഗണിക്കും.
കൂടാതെ വര്ക്ക് ഷീറ്റുകള് വിദ്യാര്ത്ഥികള്ക്ക് നല്കും. സര്വ ശിക്ഷാ കേരള തയാറാക്കിയ വര്ക്ക് ഷീറ്റുകള്ക്ക് കരിക്കുലം കമ്മിറ്റി അംഗീകാരം നല്കി.
ഇത് വിദ്യാര്ത്ഥികള്ക്ക് നല്കുകയും തിരികെ വാങ്ങി വിലയിരുത്തുകയും ചെയ്യും. നിലവില് എട്ടാം ക്ലാസ് വരെ കുട്ടികളെ തോല്പ്പിക്കുന്നില്ല. ഇത് ഈ വര്ഷം ഒന്പതാം ക്ലാസില് കൂടി വ്യാപിപ്പിക്കാനാണ് തീരുമാനം. പ്ലസ് വണ് വിദ്യാര്ത്ഥികള്ക്ക് പരീക്ഷ നടത്താനും തീരുമാനിച്ചു. എന്നാല് തീയതി തീരുമാനിച്ചിട്ടില്ല.
"
https://www.facebook.com/Malayalivartha