മുഖ്യമന്ത്രി പിണറായി വിജയന് നാമനിര്ദേശ പത്രിക സമര്പ്പിച്ചു.... ധര്മടത്ത് മത്സരിക്കുന്ന അദ്ദേഹം രാവിലെ പതിനൊന്നോടെയാണ് കണ്ണൂര് കളക്ട്രേറ്റില് എത്തി വരണാധികാരിക്ക് മുന്നില് പത്രിക സമര്പ്പിച്ചത്
മുഖ്യമന്ത്രി പിണറായി വിജയന് നാമനിര്ദേശ പത്രിക സമര്പ്പിച്ചു. ധര്മടത്ത് മത്സരിക്കുന്ന അദ്ദേഹം രാവിലെ പതിനൊന്നോടെയാണ് കണ്ണൂര് കളക്ട്രേറ്റില് എത്തി വരണാധികാരിക്ക് മുന്നില് പത്രിക സമര്പ്പിച്ചത്.
കോവിഡ് സാഹചര്യത്തില് വലിയ ആള്ക്കൂട്ടങ്ങള് ഒഴിവാക്കിയായിരുന്നു പത്രികാ സമര്പ്പണം. സിപിഎം ജില്ലാ സെക്രട്ടറി എം.വി. ജയരാജന് ഉള്പ്പെടെയുള്ളവര് പിണറായി വിജയനൊപ്പം എത്തിയിരുന്നു.
അതേസമയം മുഖ്യമന്ത്രിയുടെ ധര്മടം മണ്ഡലം പര്യടനം ഇന്ന് അഞ്ചാം ദിവസമാണ്.ഓരോ ദിവസം കഴിയും തോറും പരിപാടികളിലെ വര്ധിച്ച പങ്കാളിത്തം മണ്ഡലത്തിന്റെ ആവേശം വ്യക്തമാക്കുന്നതാണ്.
നാളെയോടുകൂടി മുഖ്യമന്ത്രിയുടെ ധര്മടത്തെ പര്യടനം പൂര്ത്തിയാവും.പാലക്കാട് ജില്ലയിലെ ഒമ്ബത് നിയോജക മണ്ഡലങ്ങളില് എല്ഡിഎഫ് സ്ഥാനാര്ത്ഥികളും ഇന്ന് നാമനിര്ദേശ പത്രിക നല്കും. തൃത്താല, നെന്മാറ, മലമ്പുഴ, കോങ്ങാട്, ആലത്തൂര്, മണ്ണാര്ക്കാട്, ഒറ്റപ്പാലം, ഷൊര്ണൂര്, തരൂര് മണ്ഡലങ്ങളിലെ സ്ഥാനാര്ത്ഥികളാണ് പത്രിക സമര്പ്പിക്കുക.
പാലായിലെ സ്ഥാനാര്ത്ഥി ജോസ് കെ മാണിയും ഇന്നാണ് പത്രിക സമര്പ്പിക്കുന്നത്. ചിറ്റൂരില് കെ കൃഷ്ണന്കുട്ടിയും പാലക്കാട് മണ്ഡലം എല്ഡിഎഫ് സ്ഥാനാര്ഥി സി പി പ്രമോദും നാളെ പത്രിക നല്കും.
പട്ടാമ്പിയില് മുഹമ്മദ് മുഹസിന് 17 നും പത്രിക നല്കും. അതത് മണ്ഡലങ്ങളിലെ വരണാധികാരിമുമ്പാകെയാണ് പത്രികാ സമര്പ്പണം.
"
https://www.facebook.com/Malayalivartha
