സുരേഷ് ഗോപി എംപി നാളെ ആശുപത്രിയില് നിന്ന് ഡിസ്ചാര്ജാകും.... 10 ദിവസത്തെ വിശ്രമം നിര്ദ്ദേശിച്ച് ഡോക്ടര്മാര്
ആരോഗ്യപ്രശ്നങ്ങളെ തുടര്ന്ന് കഴിഞ്ഞ ദിവസം ആശുപത്രിയില് പ്രവേശിപ്പിക്കപ്പെട്ട സുരേഷ് ഗോപി എംപി നാളെ ആശുപത്രി വിടും. കൊച്ചിയിലെ ആശുപതിയില് ആണ് അദ്ദേഹം ചികിത്സയില് കഴിയുന്നത്. അദ്ദേഹത്തിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു.
ഇന്നും അദ്ദേഹത്തെ വിദഗ്ധ ഡോക്ടര്മാര് പരിശോധിക്കും. ആശുപത്രി വിട്ടശേഷം 10 ദിവസം വിശ്രമവും അദ്ദേഹത്തിന് നിര്ദേശിച്ചിട്ടുണ്ട്.പനിയും ശ്വാസതടസവും മൂലമാണ് സുരേഷ് ഗോപിയെ കൊച്ചിയിലെ ആസ്റ്റര് മെഡിസിറ്റിയില് പ്രവേശിപ്പിച്ചത്,
തൃശൂരിലെ ബിജെപി സ്ഥാനാര്ഥി കൂടിയാണ് താരം. ഇന്നലെയാണ് സുരേഷ് ഗോപിയുടെ സ്ഥാനാര്ത്ഥിത്വം ബിജെപി ദേശീയ നേതൃത്വം ഔദ്യോഗികമായി പ്രഖ്യാപിച്ചത്. തെരഞ്ഞെടുപ്പില് മത്സരിക്കാനില്ലെന്ന് അദ്ദേഹം നേതൃത്വത്തെ നേരത്തെ അറിയിച്ചിരുന്നെങ്കിലും കടുത്ത സമ്മര്ദ്ദത്തിനൊടുവില് മത്സര രംഗത്തേക്ക് വരികയായിരുന്നു.
തൃശൂര് അടക്കം എ പ്ലസ് മണ്ഡലത്തില് മത്സരത്തിന് ഉണ്ടാകണമെന്ന ശക്തമായ ആവശ്യം നേതൃത്വത്തിന്റെ ഭാഗത്ത് നിന്ന് നേരത്തെ തന്നെ ഉണ്ടായിരുന്നു.
മത്സരിക്കാന് താല്പര്യമില്ലെന്നും നിര്ബന്ധമെങ്കില് ഗുരുവായൂരില് മത്സരിക്കാമെന്നും ആയിരുന്നു സുരേഷ് ഗോപിയുടെ നിലപാട്. ഒടുവിലാണ് തൃശൂരില് തന്നെ മത്സരിക്കട്ടെ എന്ന നിലപാടിലേക്ക് നേതൃത്വം എത്തിയത്.
"
https://www.facebook.com/Malayalivartha