കോൺഗ്രസ്സിൽ വീണ്ടും പ്രതിസന്ധി; പട്ടാമ്പിയില് മത്സരിക്കില്ലെന്ന് ആര്യാടന് ഷൗക്കത്ത്
തെരഞ്ഞെടുപ്പ് സ്ഥാനാർഥി പട്ടിക വന്നതുമുതൽ കോൺഗ്രസ്സിൽ പ്രതിസന്ധികളാണ്. ഇപ്പോഴിതാ പട്ടാമ്പിയിൽ മണ്ഡലത്തില് യു.ഡി.എഫ് സ്ഥാനാര്ഥിയായി മത്സരിക്കില്ലെന്ന്ആര്യാടന് ഷൗക്കത്ത്. താൻ നേരെത്തെ കോൺഗ്രസ്സിനെ അറിയിച്ചെന്നും ഷൗക്കത്ത് വ്യക്തമാക്കി.
കോണ്ഗ്രസ് മത്സരിക്കുന്ന 92ല് 86 സീറ്റുകളിലെ സ്ഥാനാര്ഥികളെ ഞായറാഴ്ച കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് പ്രഖ്യാപിച്ചതായിരുന്നു. തര്ക്കം നിലനിന്ന കല്പറ്റ, നിലമ്ബൂര്, വട്ടിയൂര്കാവ്, കുണ്ടറ, തവനൂര്, പട്ടാമ്ബി മണ്ഡലങ്ങളിലെ സ്ഥാനാര്ഥികളെ ഉടന് പ്രഖ്യാപിക്കുമെന്നാണ് അദ്ദേഹം അറിയിച്ചിരുന്നത്.
പി.സി. വിഷ്ണുനാഥ് വട്ടിയൂര്കാവിലും ടി. സിദ്ദീഖ് കല്പറ്റയിലും ആര്യാടന് ഷൗക്കത്ത് പട്ടാമ്പിയിലും റിയാസ് മുക്കോളി തവനൂരിലും വി.വി. പ്രകാശ് നിലമ്ബൂരിലും കല്ലട രമേശ് കുണ്ടറയിലും മത്സരിക്കുമെന്നായിരുന്നു ഏകദേശ റിപ്പോർട്ടുകൾ.
എന്നാൽ, പട്ടാമ്പിയില് മത്സരിക്കാന് താല്പ്പര്യമില്ലെന്നാണ് മുന് മന്ത്രി ആര്യാടന് മുഹമ്മദിന്റെ മകനും നിലമ്പൂ ര് നഗരസഭ മുന് ചെയര്മാനുമായ ആര്യാടന് ഷൗക്കത്തിന്റെ ഇപ്പോഴത്തെ നിലപാട്. നേരത്തെ പട്ടാമ്പി സീറ്റിനായി മുസ്ലിം ലീഗ് പ്രവര്ത്തകര് അവകാശവാദം ഉന്നയിച്ചിരുന്നു. പട്ടാമ്പി വേണ്ടെന്ന് ആര്യാടന് ഷൗക്കത്ത് നിലപാടെടുത്തതോടെ നിലമ്പൂരിലെ സ്ഥാനാര്ഥി നിര്ണയവും പ്രശ്നത്തിലായിരിക്കുകയാണ്.
https://www.facebook.com/Malayalivartha