തട്ടിപ്പു വാര്‍ത്തകള്‍ സത്യമാകുന്നു. ചെമ്മണ്ണൂര്‍ ജ്വല്ലറിയില്‍ മധ്യവയസ്‌ക്കന്‍ ആത്മഹത്യക്ക് ശ്രമിച്ചു. തിരൂരിലെ ബോബി ചെമ്മണ്ണൂര്‍ ഇന്റര്‍നാഷ്ണല്‍ ജ്വല്ലറിയിലാണ് ആത്മഹത്യാശ്രമം. പത്തിരിപറമ്പ് സ്വദേശി ഇസ്മായില്‍(50) ആണ് ആത്മഹത്യക്ക് ശ്രമിച്ചത്. ഇയാള്‍ ചെമ്മണ്ണൂര്‍ ജ്വല്ലറിയിലെ ഫീല്‍ഡ് സ്റ്റാഫ് വഴി നാല് നക്ഷത്തോളം രൂപയുടെ സ്വര്‍ണം വാങ്ങിയിരുന്നതായും ഇതിന്റെ പണമടക്കേണ്ട ദിവസം ഇന്നായിരുന്നു. ഇക്കാര്യത്തെ കുറിച്ച് ജ്വല്ലറിയിലെത്തി സ്റ്റാഫുമായി സംസാരിക്കുന്നതിനിടയില്‍ പെട്ടന്ന് ഇയാള്‍ കൈയില്‍ കരുതിയിരുന്ന പൊതിയില്‍ നിന്നും പെട്രോള്‍ എടുത്ത് ദേഹത്തൊഴിക്കുകായിരുന്നു. ഉച്ചയക്ക് ഒന്നേകാലോടെയാണ് സംഭവം. ഗുരുതരമായി പൊള്ളലേറ്റ ഇയാളെ ഉടന്‍ തന്നെ തിരൂര്‍ ആശുപത്രിയില്‍ പ്രവേശിപ്പിച്ചെങ്കിലും അവിടെ നിന്ന് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയിരിക്കുകയാണ്.
സംഭവത്തെ തുടര്‍ന്ന് ഡിവൈഎസ്പി ഹസൈനാരുടെ നേതൃത്വത്തില്‍ പോലീസ് സംഘം സ്ഥലത്തെത്തി പരിശോധന നടത്തി.
അടുത്തിടെ ബോബി ചെമ്മണ്ണൂര്‍ 2000 കോടി രൂപയുടെ തട്ടിപ്പ് നടത്തുന്നു എന്ന് ആരോപിച്ച് വി എസ് അച്യുതാനന്ദന്‍ വാര്‍ത്താസമ്മേളനം നടത്തിയിരുന്നു. കേന്ദ്രസംസ്ഥാന സര്‍ക്കാറുകളെ ഒരുപോലെ കബളിപ്പിച്ചാണ് ബോബി ചെമ്മണ്ണൂര്‍ പ്രവര്‍ത്തിക്കുന്നതെന്നായിരുന്നു വി എസ് വാര്‍ത്താസമ്മേളനം വിളിച്ച് ഉന്നയിച്ച ആരോപണം. ബോബി ചെമ്മണ്ണൂരിന്റെ പരസ്യം പറ്റുന്ന മാദ്ധ്യമങ്ങള്‍ ഈ വാര്‍ത്ത മുക്കിയിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha