എസ്എസ്എല്‍സി, പ്ലസ് ടു പരീക്ഷ ടൈംടേബിളില്‍ മാറ്റം വരുത്തി. നേരത്തെ തെരഞ്ഞെടുപ്പ് കാരണം പറഞ്ഞ് മാര്‍ച്ച് 17 ന് നടക്കേണ്ടിയിരുന്ന പരീക്ഷ ഏപ്രില്‍ 8ലേക്ക് മാറ്റിയിരുന്നു.

എട്ടിന് തുടങ്ങാനിരുന്ന പരീക്ഷയുടെ ടൈംടേബിളിലാണ് വീണ്ടും മാറ്റം വരുത്തിയത്. ഏപ്രില്‍ 27 മുതല്‍ 30 വരെ ജെ.ഇ.ഇ(മെയിന്‍) പരീക്ഷ നടക്കുന്ന സാഹചര്യത്തിലാണ് ഇപ്പോഴത്തെ മാറ്റം. ഏപ്രില്‍ 8 ന് തുടങ്ങി 30 ന് അവസാനിക്കുന്ന പ്ലസ് ടു പരീക്ഷ ഏപ്രില്‍ 26 ന് അവസാനിക്കുന്ന രൂപത്തില്‍ പുനക്രമീകരിച്ചു.

എന്നാല്‍ എസ്എസ്എല്‍സി പരീക്ഷ നേരത്തെ നിശ്ചയിച്ച ഏപ്രില്‍ എട്ടിന് തുടങ്ങി 29 ന് അവസാനിക്കും.എന്നാല്‍ നേരത്തെ പ്രസിദ്ധീകരിച്ച ടൈംടേബിളില്‍ വിഷയങ്ങളുടെ തീയതികളില്‍ മാറ്റം വരുത്തിയിട്ടുണ്ട്.

തൃശൂര്‍ പൂരം റമദാനിലെ വെള്ളിയാഴ്ച എന്നിവ പരിഗണിച്ച് ഏപ്രില്‍ 23 ലെ മാറ്റി പകരം ഏപ്രില്‍ 28 ന് .എസ്എസ്എല്‍സി പരീക്ഷയുണ്ടാകും. എസ്എസ്എല്‍സിയില്‍ ഏപ്രില്‍ എട്ട് ഒമ്പത്, 12 തീയതികളിലെ പരീക്ഷയില്‍ മാറ്റമുണ്ടാകില്ല. പുതുക്കിയ ടൈംടേബിള്‍ പ്രകാരം 15 ന് ഫിസിക്‌സ് പരീക്ഷയായിരിക്കും. 15 ന് നടത്താനിരുന്ന സോഷ്യല്‍സയന്‍സ് ഏപ്രില്‍ 27ലേക്ക് മാറ്റി.

19 ന് മാത്സ് പരീക്ഷയായിരിക്കും. 19 ന് നടത്താനിരുന്ന ഒന്നാം ഭാഷ പാര്‍ട്ട് രണ്ട് പരീക്ഷ 29ലേക്ക് മാറ്റി. 21 ന് കെമിസ്ട്രി പരീക്ഷ നടക്കും. 23 ന് നടത്താനിരുന്ന ബയോളജി പരീക്ഷ 28ലേക്ക് മാറ്റി.

ക്രമം അനുസരിച്ച് പത്താം ക്ലാസ് പരീക്ഷ ഏപ്രില്‍ 8,9,12,15,19,21,27,28,29 തീയതികളിലാവും നടക്കുക. ഏപ്രില്‍ 15 മുതലുള്ള ദിവസങ്ങളില്‍ നേരത്തെ നിശ്ചയിച്ചിരുന്ന വിഷയങ്ങളിലും മാറ്റം വരുത്തിയിട്ടണ്ട്.

വിവിധ മേഖലകളില്‍നിന്ന് ലഭ്യമായ അഭിപ്രായങ്ങളും നിര്‍ദേശങ്ങളും കൂടി പരിഗണിച്ചാണ് പരീക്ഷ പുനഃക്രമീകരിച്ചത്. ജെഇഇ പരീക്ഷകള്‍ നടക്കുന്നതിനാല്‍ പ്ലസ്ടു, വിഎച്ച്എസ്ഇ പരീക്ഷകള്‍ 26ന് അവസാനിപ്പിക്കും. 10ാം ക്ലാസിലെ ചില വിഷയങ്ങള്‍ പഠനസൗകര്യം കണക്കിലെടുത്ത് പരസ്പരം മാറ്റിയിട്ടുണ്ട്.

പുതുക്കിയ ടൈംടേബിള്‍