നിയമ സഭ തെരഞ്ഞെടുപ്പിൽ കേരളത്തിലെ എല്ലാവരും ഒരുപോലെ കാത്തിരിക്കുന്ന മണ്ഡലമാണ് നേമം. ശക്തനായ നേതാവാണ് നേമത്തെ യു.ഡി.എഫ് സ്ഥാനാര്‍ത്ഥി കെ. മുരളീധരന്‍ എന്ന ഒ. രാജഗോപാലിന്‍റെ അഭിപ്രായത്തെ തള്ളിപ്പറഞ്ഞിരിക്കുകയാണ് കുമ്മനം രാജശേഖരന്‍. കെ. മുരളീധരന്‍ കരുത്തനായ എതിരാളിയെയല്ല. കരുത്തനാണെങ്കില്‍ എം.പി സ്ഥാനം രാജിവെച്ച്‌ മത്സരിക്കട്ടെയെന്നും അദ്ദേഹം വെല്ലുവിളിക്കുകയാണ്.

ജനങ്ങളില്‍ വിശ്വാസമുണ്ടെങ്കില്‍ രാജിവെച്ച്‌ മത്സരിക്കട്ടെ. അതല്ലേ വേണ്ടത്? അപ്പോള്‍ അദ്ദേഹത്തിന് സംശയമുണ്ട്, എന്നും കുമ്മനം പറഞ്ഞിരുന്നു. നേമത്തെ എന്‍.ഡി.എ സ്ഥാനാര്‍ഥി കുമ്മനം രാജശേഖരന്‍ പറഞ്ഞു. രാഹുല്‍ ഗാന്ധിയും ഉമ്മന്‍ചാണ്ടിയും എല്ലാവരും കൂടി തലപുകഞ്ഞ് ആലോചിച്ച്‌ ഉണ്ടാക്കിയതാണ് കരുത്തനായ കോൺഗ്രസ്സ് സ്ഥാനാർത്ഥിയെ.

അത് ബി.ജെ.പിയെ തോല്‍പ്പിക്കാനാണല്ലോ. അവിശുദ്ധ കൂട്ടുകെട്ടുകളൊന്നും നടക്കില്ല. കരുത്ത് എന്തിന്റെ അടിസ്ഥാനത്തിലാണ്? അത്ര കരുത്തനാണെങ്കില്‍ എം.പി സ്ഥാനം രാജിവെച്ചിട്ട് മത്സരിക്കട്ടെ എന്നാണ് കുമ്മനത്തിന്റെ വാക്കുകൾ.

ഗുജറാത്തില്‍ വികസനമുള്ളതിനാലാണ് നേമത്തെ ഗുജറാത്ത് മോഡല്‍ എന്ന് വിളിച്ചതെന്നും കുമ്മനം വ്യക്തമാക്കി. ഇന്നലെ ഒരു സ്വകാര്യ ചാനലിന് നല്‍കിയ അഭിമുഖത്തിലാണ് കെ. മുരളീധരന്‍ കരുത്തനായ സ്ഥാനാര്‍ഥിയാണെന്ന് രാജഗോപാല്‍ പറഞ്ഞിരുന്നത്. നേമത്തേക്ക് മുരളീധരന്റെ വരവ് എങ്ങനെ ബാധിക്കുമെന്ന ചോദ്യത്തോട് പ്രതികരിക്കുകയായിരുന്നു രാജഗോപാലൻ.

മുരളീധരന്‍ കെ കരുണാകരന്റെ മകനാണ്. ശക്തമായ രാഷ്ട്രീയ പാരമ്പര്യവും ഉണ്ട്. കുമ്മനം നല്ല ജനപിന്തുണയുള്ള നേതാവുമാണ്. എന്നാല്‍ പാര്‍ട്ടിക്ക് പുറത്തുള്ള വോട്ട് സമാഹരിക്കാന്‍ കഴിയുമോ എന്ന് അറിയില്ലെന്നും രാജഗോപാല്‍ കൂട്ടിച്ചേർത്തിരുന്നു.