ആര്‍എസ്‌എസ് വോട്ടുകൊണ്ടാണ് എല്‍ഡിഎഫ് വട്ടിയൂര്‍ക്കാവ് ഉപതെരഞ്ഞെടുപ്പില്‍ വിജയിച്ചതെന്ന് കെ മുരളീധരന്‍ എം.പി പറഞ്ഞു. മൂന്നാം സ്ഥാനത്ത് മുന്‍ തെരഞ്ഞെടുപ്പില്‍ എത്തിയവര്‍ കഴിഞ്ഞ ഉപതെരഞ്ഞെടുപ്പില്‍ എങ്ങനെ ഒന്നാമതെത്തിയെന്ന് അദ്ദേഹം ചോദിച്ചു. ആര്‍ ബാലശങ്കര്‍ ഇതിനെപ്പറ്റിയാണ് തുറന്ന് പറഞ്ഞതെന്ന് അദ്ദേഹം പറഞ്ഞു.

വര്‍ഗീയതയ്ക്ക് എതിരായ പോരാട്ടമാണ് നേമത്ത് നടക്കുന്നത്. വടകരയില്‍ പോയത് അക്രമ രാഷ്ട്രീയത്തിന് എതിരെയാണെന്നും വര്‍ഗീയത ആണ് അക്രമ രാഷ്ട്രീയത്തേക്കാള്‍ വലിയ ആപത്തെന്നും അദ്ദേഹം പറഞ്ഞു. തന്റെ ലക്ഷ്യം ബിജെപി അക്കൗണ്ട് മരിവിപ്പിക്കുക എന്നതാണെന്നും അദ്ദേഹം പറഞ്ഞു. ഒ രാജഗോപാലിന്റെ വിജയത്തിന് കാരണം പ്രായം ചെന്ന മനുഷ്യനോട് തോന്നിയ സ്‌നേഹമാണെന്നും അല്ലാതെ നേമത്തെ വോട്ട് കുറഞ്ഞത് കോണ്‍ഗ്രസിന്റെയോ യുഡിഎഫിന്റെയോ പ്രശ്‌നം കൊണ്ടല്ലെന്നും അദ്ദേഹം പറഞ്ഞു.