ഫേസ്​ബുക്കില്‍​ ലൈവിട്ട ശേഷം കായംകുളത്തെ യു.ഡി.എഫ് സ്ഥാനാര്‍ഥി അരിത ബാബുവിന്‍റെ വീടിന് നേരെ അക്രമം. സംഭവത്തില്‍ സി.പി.എം അനുഭാവിയായ ബാനര്‍ജി സലീമിനെ പൊലീസ്​ കസ്റ്റഡിയിലെടുത്തു.

വീടും പരിസരവും ഫേസ്​ബുക്കില്‍​ ലൈവില്‍ കാണിച്ച ശേഷമാണ്​ പിറക്​ വശ​ത്തെ മൂന്ന്​ ജനാലകളുടെ ചില്ല്​ അടിച്ചു തകര്‍ത്തത്. ബുധനാ​ഴ്ച വൈകീട്ട്​ 4 മണിയോടെയായിരുന്നു അക്രമം. യു.ഡി.എഫ്​ കായംകുളത്ത്​ സംഘടിപ്പിച്ച 'അരിതാരവം' പരിപാടിയില്‍ പ​ങ്കെടുക്കാന്‍ വീട്ടുകാര്‍ പോയതിനാല്‍ വീട്ടില്‍ ആരുമുണ്ടായിരുന്നില്ല.

ഇടത്​ സൈബര്‍ പോരാളിയാണ്​ അക്രമിയെന്നും സംഭവത്തിനുപിന്നിലെ ഗൂഡാലോചന അന്വേഷിക്കണമെന്നും കോണ്‍ഗ്രസ്​ ആവശ്യപ്പെട്ടു. ചൊവ്വാഴ്ച അരിതയുടെ വീട്ടില്‍ പ്രിയങ്കഗാന്ധി വന്നിരുന്നു. അരിതയോടൊപ്പം ​േറാഡ്​ ഷോയിലും പ്രിയങ്ക പ​ങ്കെടുത്തിരുന്നു. അരിതയുടെ ജനപിന്തുണയില്‍ വിറളിപൂണ്ടവരാണ് അക്രമത്തിനു പിന്നിലെന്ന് കോണ്‍ഗ്രസ് ആരോപിച്ചു.