പൊലീസുകാരന്റെ മുഖത്തേക്ക് കുരുമുളക് പൊടി സ്‌പ്രേ ചെയ്ത് ഓടിരക്ഷപ്പെട്ട പിടികിട്ടാപ്പുള്ളി അറസ്റ്റില്‍
പൊലീസുകാരന്റെ മുഖത്തേക്ക് കുരുമുളക് പൊടി സ്‌പ്രേ ചെയ്ത് ഓടിരക്ഷപ്പെട്ട പിടികിട്ടാപ്പുള്ളി അറസ്റ്റില്‍. പാലയൂര്‍ കറുപ്പംവീട്ടില്‍ ഫവാദിനെയാണ് (33) ഗുരുവായൂര്‍ പൊലീസ് അറസ്റ്റ് ചെയ്തത്.
മാര്‍ച്ച് 11നാണ് സംഭവം. കവര്‍ച്ച ഉള്‍പ്പെടെയുള്ള കേസുകളില്‍ പിടികിട്ടാപുള്ളിയായ പ്രതിയെ പിടികൂടാന്‍ പൊലീസ് എത്തിയപ്പോഴാണ് ആക്രമണം.
പിറകിലെ വാതിലിലൂടെ ഇറങ്ങിയോടാന്‍ ശ്രമിച്ച ഫവാദിനെ സി.പി.ഒ രതീഷ് തടയാന്‍ ശ്രമിച്ചപ്പോഴാണ് കുരുമുളക് പൊടി സ്‌പ്രേ ചെയ്തത്. ഒല്ലൂരില്‍ പ്രതിയുണ്ടെന്ന രഹസ്യ വിവരത്തെ തുടര്‍ന്നാണ് പൊലീസ് എത്തി അറസ്റ്റ് ചെയ്തത്.
ഒരു വര്‍ഷം മുമ്പ് പാലയൂരില്‍ യാത്രക്കാരന്റെ മുഖത്ത് കുരുമുളക് സ്‌പ്രേ പ്രയോഗിച്ച് സ്‌കൂട്ടര്‍ തട്ടിയെടുത്തതുള്‍പ്പെടെ ഗുരുവായൂര്‍, വാടാനപ്പള്ളി, ചാവക്കാട്, കോഴിക്കോട്, വടക്കാഞ്ചേരി, കുന്നംകുളം തുടങ്ങിയ സ്‌റ്റേഷനുകളില്‍ ഇയാള്‍ക്കെതിരെ നിരവധി കേസുകളുണ്ട്.
https://www.facebook.com/Malayalivartha
