തൃശ്ശൂരില്‍ കെഎസ്ആര്‍ടിസി വോള്‍വോ ബസും, ചരക്കു ലോറിയും കൂട്ടിയിടിച്ചുണ്ടായ അപകടത്തില്‍ 12 പേര്‍ക്ക് പരിക്കേറ്റു. തൃശൂര്‍ കേച്ചേരി പാലത്തിനു മുകളില്‍ ആണ് അപകടം ഉണ്ടായത്.

അപകടത്തില്‍ പരിക്കേറ്റ . ലോറി ഡ്രൈവര്‍, ക്ലീനര്‍ എന്നിവരുടെ നില അതീവ ഗുരുതരമാണ്. യാത്രക്കാരുമായി നെടുമ്പാശേരിയില്‍നിന്ന് കോഴിക്കോട്ടേക്ക് പോകുകയായിരുന്ന ബസില്‍, എതിരേ വന്ന ചരക്കു ലോറി കൂട്ടിയിടിക്കുകയായിരുന്നു.കുന്നംകുളം ഭാഗത്തുനിന്ന് വരുകയായിരുന്ന ലോറിയാണ് അപകടത്തില്‍പ്പെട്ടത്.

ലോറിയുടെ മുന്‍ഭാഗം അപകടത്തില്‍ പൂര്‍ണമായും തകര്‍ന്നു. സമീപത്തെ താഴ്ചയിലേക്ക് നിയന്ത്രണം വിട്ട ബസ് മറിഞ്ഞെങ്കിലും സമീപത്തെ വീടിന്റെ മതിലില്‍ ഇടിച്ചു നിന്നു.

ലോറി ഡ്രൈവര്‍ മധുര സ്വദേശി പാണ്ടി മകന്‍ മുത്തു (35), ക്ലീനര്‍ മധുര സ്വദേശി കറുപ്പ് സാമി മകന്‍ അരുണ്‍ (24), ബസ് ഡ്രൈവര്‍ കോഴിക്കോട് സ്വദേശി റാഷിദ് ( 45 ), കണ്ടക്ടര്‍ കോഴിക്കോട് സ്വദേശിനി ഷിജിനി (39), ബസിലെ യാത്രക്കാരായ കോഴിക്കോട് സ്വദേശി നിസാം (26), മലപ്പുറം സ്വദേശി ആഷിക് (40), അബ്ദുല്‍ ബാസിക് (35) എന്നിവരെ മുളകുന്നത്തുകാവ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.