18 വയസിന് മുകളിലുള്ളവരുടെ വാക്സീനേഷന്; രക്തബാങ്കുകള് പ്രതിസന്ധിയിലാകുമോയെന്ന് ആശങ്ക, വാക്സിൻ എടുത്തുകഴിഞ്ഞാൽ 28 ദിവസം കഴിഞ്ഞാല് മാത്രമേ രക്തം ദാനം ചെയ്യാനാകൂ...
26 APRIL 2021 12:36 PM IST
മലയാളി വാര്ത്ത
രാജ്യത്ത് 18 നും 45 നും ഇടയില് പ്രായമുള്ളവരാണ് ഏറ്റവും കൂടുതല് രക്തദാനം നടത്തികൊണ്ടിരിക്കുന്നത്. മേയ് ഒന്നു മുതല് ഈ വിഭാഗക്കാര്ക്കുള്ള വാക്സീന് നല്കിത്തുടങ്ങും.വാക്സീന് ഡോസ് സ്വീകരിച്ച് 28 ദിവസം കഴിഞ്ഞാല് മാത്രമേ രക്തം ദാനം ചെയ്യാന് കഴിയൂ എന്നാണ് വിദഗ്ദര് അറിയിച്ചത്.
ഇത് വിവിധ ആശുപത്രികളില് രക്തക്ഷാമമുണ്ടാക്കുമോ എന്നാണ് ആശങ്കയിലാണ്. അതേസമയം, കോവിഡ് ഭീതി കാരണവും റമസാന് മാസമായതിനാലും രക്തദാതാക്കളുടെ എണ്ണം കുറഞ്ഞിട്ടുണ്ടെന്ന് കോഴിക്കോട് പ്രവര്ത്തിക്കുന്ന വിവിധ രക്തദാന സന്നദ്ധസംഘടനകള് പറഞ്ഞിരുന്നു.
കൂടാതെ കോളേജുകളും സംഘടനകളും മറ്റും നടത്തുന്ന രക്തദാനക്യാമ്പുകളും കുറഞ്ഞു വരികയാണ്.
എന്നാല് വാക്സിനേഷന് ഘട്ടംഘട്ടമായി നടക്കുന്നതിനാല് രക്തദാതാക്കളുടെ എണ്ണം കുറയില്ലെന്ന് കോഴിക്കോട് ഡി.എം.ഒ അറിയിക്കുകയുണ്ടായി.
എന്നാൽ വാക്സിൻ സ്വീകരിക്കുന്നതിനുമുൻപ് കഴിയുന്നവരെല്ലാം രക്തദാനം നൽകണമെന്നാണ് ആരോഗ്യപ്രവർത്തകരുടെ അറിയിപ്പ്.
രക്തദാനം മുടങ്ങാതിരിക്കാന് അധികൃതര് ശ്രദ്ധിക്കണമെന്ന് കേരള ബ്ലഡ് പേഷ്യന്റ് പ്രൊട്ടക്ഷന് കൗണ്സില് ആവശ്യപ്പെട്ടു. തലാസീമിയ പോലുള്ള രോഗികള്ക്ക് പതിനഞ്ച് ദിവസം കൂടുമ്ബോള് രക്തം ആവശ്യമുണ്ടാകും. ദാതാക്കള്ക്ക് രക്തം ദാനം ചെയ്യാനുള്ള സൗകര്യമൊരുക്കണമെന്നും സംഘടന ആവശ്യപ്പെടുകയുണ്ടായി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
