അടൂര്‍ പ്രകാശ് സരിതയെ 65 തവണ ഫോണില്‍ വിളിച്ചിട്ടുണ്ടെന്ന് മാധ്യമപ്രവര്‍ത്തക സുനിത ദേവദാസ്
അടൂര്‍ പ്രകാശ് സരിതയെ ഒരു രാത്രി 65 തവണ വിളിച്ചിട്ടുണ്ടെന്ന് മാധ്യമപ്രവര്‍ത്തക സുനിത ദേവദാസ് പറഞ്ഞു. മന്ത്രി അടൂര്‍ പ്രകാശ് സരിതയെ നിരന്തരം വിളിച്ച് ശല്യപ്പെടുത്തിയിരുന്നുവെന്നും സുനിത. സരിത സുനിതയോട് ഇക്കാര്യം വെളിപ്പെടുത്തിയിരുന്നുവെന്നാണ് റിപ്പോര്‍ട്ടുകള്‍.
പെണ്‍വാണിഭ സംഘത്തെപ്പോലെയാണ് കേരളത്തിലെ മന്ത്രിമാര്‍ സ്ത്രീകളോട് പെരുമാറുന്നതെന്നാണ് സരിത നായരുടെ വാക്കുകളില്‍ നിന്ന് മനസിലാവുന്നത്. കേരളത്തിലെ സാധാരണക്കാരായ സ്ത്രീകള്‍ എന്തെങ്കിലും ആവശ്യത്തിനായി തനിച്ച് മന്ത്രിമാരെ കണ്ടാല്‍ അവര്‍ക്ക് ഇത്തരം അനുഭവമാണുണ്ടാവുകയെന്നാണ് സരിതയുടെ വാക്കുകളില്‍ വ്യക്തമാണെന്നും സുനിത പറഞ്ഞു.
ഒരു സ്ത്രീ അവരുടെ മകളുടെ വിവാഹ ആവശ്യവുമായി ബന്ധപ്പെട്ട് ഒരു മന്ത്രിയെ കാണാന്‍ ചെന്നപ്പോള്‍ കാര്യം സാധിക്കണമെങ്കില്‍ അവര്‍ ശാരീരികമായി വഴങ്ങണമെന്നാണ് മന്ത്രി അവരോട് ആവശ്യപ്പെട്ടത്. അവര്‍ ഇക്കാര്യം റെക്കോര്‍ഡ് ചെയ്യുകയും പരാതി നല്‍കാനായി അഭിഭാഷകനെ സമീപിക്കുകയും ചെയ്തപ്പോള്‍ സരിത ഇടപെട്ടാണ് അവരെ തടഞ്ഞത്. അവരില്‍ നിന്നും മെമ്മറികാര്‍ഡും മൊബൈല്‍ ഫോണും സരിത വാങ്ങുകയാണ് ചെയ്തതെന്നാണ് അവര്‍ തന്നോട് പറഞ്ഞതെന്നും സുനിത വ്യക്തമാക്കിയിട്ടുണ്ട്.
സരിതയെപ്പോലെ മിടുക്കിയായ ഒരു സ്ത്രീയെ ഇത്രത്തോളം ചൂഷണം ചെയ്‌തെങ്കില്‍ കേരളത്തിലെ മന്ത്രിമാര്‍ എങ്ങനെയുള്ള ആള്‍ക്കാരായിരിക്കുമെന്ന് ഊഹിക്കാവുന്നതേയുള്ളൂവെന്നും സുനിത പറയുന്നു. ഇതൊരു സാമ്പത്തിക തട്ടിപ്പ് കേസ് മാത്രമല്ല. ഒരു സ്ത്രീ ബിസിനസ് രംഗത്തേക്ക് കടക്കുമ്പോള്‍ ഭരണകൂടം അവരെ ഏതു തരത്തിലാണ് ചൂഷണം ചെയ്യുന്നതെന്നാണ് സരിതയുടെ ഈ വാക്കുകളില്‍ നിന്നു വ്യക്തമാകുന്നത്. അതുകൊണ്ടുതന്നെ കേരളം സരിതയുടെ നിസ്സഹായാവസ്ഥ കൂടി ചര്‍ച്ച ചെയ്യണമെന്നും അവര്‍ ആവശ്യപ്പെട്ടു.![\"\"](\"/userfiles/suuuuuuuuuuuuuu.jpg\")
കേരളത്തിലെ മന്ത്രമാര്‍ സ്ത്രീകളെ വലയിലാക്കുകയും ശാരീരികമായി ചൂഷണം ചെയ്യുകയും ചെയ്യുന്ന ലോബികളായി പ്രവര്‍ത്തിക്കുന്നുവെന്ന് സരിത പറയുന്ന ഓഡിയോ പുറത്തുവന്നിരുന്നു. സുനിതയുമായി സരിത നടത്തിയ സംഭാഷണങ്ങളിലെ വിശദാംശങ്ങളാണ് റിപ്പോര്‍ട്ടര്‍ ചാനലിലൂടെ പുറത്തുവന്നത്. എന്നാല്‍ ഇക്കാര്യം നിഷേധിച്ചുകൊണ്ട് ചാനലിലൂടെ സരിത രംഗത്തെത്തിയിരുന്നു. തന്റെ വാക്കുകളല്ല ഇത്.
ഓഡിയോ ഫോറന്‍സിക് പരിശോധനയ്ക്കു വിധേയമാക്കണം എന്നാണ് സരിത ആവശ്യപ്പെട്ടത്. എന്നാല്‍ ഈ ഓഡിയോ ഏതു പരിശോധനയ്ക്കും വിധേയയാക്കാന്‍ താന്‍ തയ്യാറാണെന്ന് സുനിത പറഞ്ഞു. ഈ ഓഡിയോ വ്യാജമാണെന്ന് തെളിയിക്കാന്‍ സരിതയെ വെല്ലുവിളിക്കുകയാണെന്നും അവര്‍ വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
