സൗമ്യയുടെ വിയോഗത്തില്‍ സര്‍ക്കാര്‍ നടപടികളില്‍ പ്രതിഷേധിച്ച് സന്ദീപ് ജി വാര്യര്‍
ഇസ്രയേലില്‍ ഹമാസിന്റെ ആക്രമണത്തില്‍ കൊല്ലപ്പെട്ട സൗമ്യയുടെ വിയോഗത്തില്‍ സര്‍ക്കാര്‍ നടപടികളില്‍ വിയോജിപ്പ് അറിയിച്ച് ബി ജെ പി സംസ്ഥാന വക്താവ് സന്ദീപ് ജി വാര്യര്‍. സൗമ്യ ജോലി ചെയ്തിരുന്നത് ഗാസയിലും കൊല്ലപ്പെട്ടത് ഇസ്രായേല്‍ അക്രമണത്തിലുമായിരുന്നു എങ്കില്‍ സൗമ്യയെ കേരളത്തിന്റെ മകളായി മുഖ്യമന്ത്രി പ്രഖ്യാപിച്ചേനെയെന്ന് സന്ദീപ് ജി വാര്യര്‍ പറഞ്ഞു.
കൂടാതെ, കുടംബത്തില്‍ ഒരാള്‍ക്ക് സര്‍ക്കാര്‍ ജോലിയും നഷ്ടപരിഹാരവും ഇതിനകം പ്രഖ്യാപിക്കുമായിരുന്നു. ഇസ്രായേല്‍ വിരുദ്ധ പ്രക്ഷോഭങ്ങളുടെ മുഖമായി സൗമ്യയെ ഇടതുപക്ഷവും ജിഹാദികളും ചേര്‍ന്ന് അവതരിപ്പിക്കുമായിരുന്നെന്നും സന്ദീപ് ജി വാര്യര്‍ പറഞ്ഞു. സാംസ്‌കാരിക നായകരുടെ കവിതയെഴുത്ത്, മെഴുകുതിരി കൊളുത്തല്‍ കൂടാതെ പൊരിച്ച മത്തി ടീമിന്റെ പുതിയ സിനിമ 'സൗമ്യ' കൂടാതെ കേരളത്തിലെ മാധ്യമങ്ങള്‍ ഒരാഴ്ച ഇസ്രായേല്‍ വിരുദ്ധ ചര്‍ച്ച സംഘടിപ്പിക്കുമായിരുന്നെന്നും സന്ദീപ് പറയുന്നു.
സന്ദീപ് ജി വാര്യര്‍ ഫേസ്ബുക്കില്‍ കുറിച്ചത്...
'പാവം സൗമ്യ ജോലി ചെയ്തിരുന്നത് ഗാസയിലും കൊല്ലപ്പെട്ടത് ഇസ്രായേല്‍ അക്രമണത്തിലുമായിരുന്നു എന്ന് കരുതുക. സൗമ്യയെ കേരളത്തിന്റെ മകളായി മുഖ്യമന്ത്രി പ്രഖ്യാപിച്ചേനെ. കുടംബത്തിലൊരാള്‍ക്ക് സര്‍ക്കാര്‍ ജോലിയും നഷ്ടപരിഹാരവും ഇതിനകം പ്രഖ്യാപിക്കുമായിരുന്നു.
ഇസ്രായേല്‍ വിരുദ്ധ പ്രക്ഷോഭങ്ങളുടെ മുഖമായി സൗമ്യയെ ഇടതുപക്ഷവും ജിഹാദികളും ചേര്‍ന്ന് അവതരിപ്പിക്കുമായിരുന്നു. കോണ്‍ഗ്രസ് വിട്ടുകൊടുക്കുമോ? രാഹുല്‍ ഗാന്ധിയുടെ ട്വീറ്റ്, ഭവന സന്ദര്‍ശനം, വഴിയിലെ ബേക്കറിയില്‍ കയറി ചായ കുടിക്കല്‍... അതങ്ങനെ പോവും. സാംസ്‌കാരിക നായകരുടെ കവിതയെഴുത്ത്, മെഴുകുതിരി കൊളുത്തല്‍ കൂടാതെ പൊരിച്ച മത്തി ടീമിന്റെ
പുതിയ സിനിമ 'സൗമ്യ'.
കേരളത്തിലെ മാധ്യമങ്ങള്‍ ഒരാഴ്ച ഇസ്രായേല്‍ വിരുദ്ധ ചര്‍ച്ച സംഘടിപ്പിക്കുമായിരുന്നു. ഇസ്രായേല്‍ ആക്രമണമായതിനാല്‍ ആത്യന്തികമായി സൗമ്യയുടെ മരണത്തിനുത്തരവാദി നെതന്യാഹുവിന്റെ സുഹൃത്തായ നരേന്ദ്ര മോദിയാണ് എന്ന് സ്ഥാപിക്കുമായിരുന്നു. പക്ഷേ, സൗമ്യ കൊല്ലപ്പെട്ടത് പാലസ്തീന്‍ തീവ്രവാദികളുടെ ആക്രമണത്തില്‍ ഇസ്രായേലില്‍ വച്ചായിപ്പോയി. സംഘടിത മത ഭീകരതയുടെ ഭീഷണിക്ക് മുന്നില്‍ മുഖ്യമന്ത്രിക്കും
മുന്‍ മുഖ്യമന്ത്രിക്കും വരെ ഫേസ്ബുക്ക് അനുസ്മരണങ്ങള്‍ മുക്കേണ്ടിയും തിരുത്തേണ്ടിയും ഒക്കെ വന്നു.
മാപ്പ് സൗമ്യ , ഇത് കേരളമാണ് . ഇവിടം ഇങ്ങനെയാണ്.'
ഇസ്രയേലില്‍ ഹമാസ് നടത്തിയ ആക്രമണത്തില്‍ കൊല്ലപ്പെട്ട സൗമ്യയുടെ മൃതദേഹം സ്വദേശമായ കീരിത്തോട്ടില്‍ എത്തിച്ച് സംസ്‌കരിച്ചു. ഞായറാഴ്ച ഉച്ച കഴിഞ്ഞായിരുന്നു സംസ്‌കാരം.
https://www.facebook.com/Malayalivartha
