"ലക്ഷദ്വീപില് നിന്ന് കേരളത്തിലേക്ക് അധികം ദൂരമില്ല എന്നോര്ക്കണം,നിഷ്കളങ്കരായ ആ ദ്വീപ് നിവാസികളെ ചേര്ത്ത് പിടിക്കാനുള്ള ഉത്തരവാദിത്വം നമുക്കുണ്ട്"; ലക്ഷദ്വീപ് അഡ്മിനിസ്ട്രേറ്ററുടെ സംഘ്പരിവാര് അജണ്ടകള്ക്കെതിരെ നിലപാട് വ്യക്തമാക്കി സലിംകുമാര്
ലക്ഷദ്വീപ് അഡ്മിനിസ്ട്രേറ്റര് പ്രഫുല് പട്ടേലിന്റെ സംഘ്പരിവാര് അജണ്ടകള്ക്കെതിരെ നിലപാട് പ്രഖ്യാപിച്ച് നടന് സലിംകുമാര്. പാസ്റ്റര് മാര്ട്ടിന് നിമോളറുടെ വാചകങ്ങള് പങ്കുവെച്ചാണ് സലിംകുമാര് ഐക്യദാര്ഢ്യം അര്പ്പിച്ചത്.
''ജീവിതത്തിലെ ഏതാണ്ട് ഒട്ടുമുക്കാല് ആവിശ്യങ്ങള്ക്കും കേരളത്തെ ആശ്രയിച്ചു ജീവിക്കുന്ന നിഷ്കളങ്കരായ ആ ദ്വീപ് നിവാസികളെ ചേര്ത്ത് പിടിക്കാനുള്ള ഉത്തരവാദിത്വം നമുക്കുണ്ട്.
ചേര്ത്ത് നിര്ത്താം, അവര്ക്ക് വേണ്ടി പ്രതികരിക്കാം. അത് നമ്മളുടെ കടമയാണ്, കാരണം ലക്ഷദ്വീപില് നിന്ന് കേരളത്തിലേക്ക് അധികം ദൂരമില്ല എന്നോര്ക്കണം'' -സലിംകുമാര് ഫേസ്ബുക്കില് കുറിച്ചു. നടന്മാരായ പൃഥ്വിരാജ്, ഷൈന് നിഗം, സണ്ണി വെയ്ന്, ആന്റണി വര്ഗീസ്, സംവിധായികയും നടിയുമായ ഗീതുമോഹന്ദാസ്, നടി റിമ കല്ലിങ്ങല് അടക്കമുള്ള സിനിമ പ്രവര്ത്തകരും ലക്ഷദ്വീപിന് പിന്തുണ പ്രഖ്യാപിച്ചിരുന്നു.
സലിംകുമാറിന്റെ ഫേസ്ബുക് പോസ്റ്റ്
"അവര് സോഷ്യലിസ്റ്റുകളെ തേടി വന്നു,
ഞാന് ഭയപ്പെട്ടില്ല, കാരണം ഞാനൊരു സോഷ്യലിസ്റ്റ് അല്ല.
പിന്നീടവര് തൊഴിലാളികളെ തേടി വന്നു
അപ്പോഴും ഞാന് ഭയപ്പെട്ടില്ല,
കാരണം ഞാനൊരു തൊഴിലാളി അല്ല.
പിന്നീടവര് ജൂതന്മാരെ തേടി വന്നു.
അപ്പോഴും ഞാന് ഭയപ്പെട്ടില്ല,
കാരണം ഞാനൊരു ജൂതനായിരുന്നില്ല.
ഒടുവില് അവര് എന്നെ തേടി വന്നു.
അപ്പോള് എനിക്ക് വേണ്ടി സംസാരിക്കാന് ആരുമുണ്ടായിരുന്നില്ല."
- ഇത് പാസ്റ്റര് മാര്ട്ടിന് നിമോളറുടെ ലോക പ്രശസ്തമായ വാക്കുകളാണ്. ഈ വാചകങ്ങള് ഇവിടെ പ്രതിപാദിക്കാനുള്ള കാരണം ലക്ഷദ്വീപ് ജനതയുടെ അസ്തിത്വവും സംസ്കാരവും ചോദ്യം ചെയ്യപ്പെട്ടുകൊണ്ടിരിക്കുന്ന ഈ ഘട്ടത്തില്, അതിനേറെ പ്രസക്തി ഉള്ളതുകൊണ്ടാണ്.
ജീവിതത്തിലെ ഏതാണ്ട് ഒട്ടുമുക്കാല് ആവിശ്യങ്ങള്ക്കും കേരളത്തെ ആശ്രയിച്ചു ജീവിക്കുന്ന നിഷ്കളങ്കരായ ആ ദ്വീപ് നിവാസികളെ ചേര്ത്ത് പിടിക്കാനുള്ള ഉത്തരവാദിത്വം നമുക്കുണ്ട്.
ചേര്ത്ത് നിര്ത്താം, അവര്ക്ക് വേണ്ടി പ്രതികരിക്കാം. അത് നമ്മളുടെ കടമയാണ്, കാരണം ലക്ഷദ്വീപില് നിന്ന് കേരളത്തിലേക്ക് അധികം ദൂരമില്ല എന്നോര്ക്കുക.
https://www.facebook.com/Malayalivartha
