പ്ലസ് വണ് പരീക്ഷ ഓണാവധിക്ക് അടുത്ത സമയത്ത് നടത്തും; പരീക്ഷ നടത്തിപ്പിനാവശ്യമായ ക്രമീകരണം ഒരുക്കാന് പൊതുവിദ്യാഭ്യാസ വകുപ്പിന് നിര്ദേശം നല്കിയതായി മുഖ്യമന്ത്രി പിണറായി വിജയന്
പ്ലസ് വണ് പരീക്ഷ ഓണാവധിക്ക് അടുത്ത സമയത്ത് നടത്തുമെന്ന് മുഖ്യമന്ത്രി പിണറായി വിജയന് വാര്ത്താസമ്മേളനത്തില് പറഞ്ഞു. ഈ സമയത്ത് പരീക്ഷ നടത്താനാവശ്യമായ ക്രമീകരണം ഒരുക്കാന് പൊതുവിദ്യാഭ്യാസ വകുപ്പിന് നിര്ദേശം നല്കിയതായും മുഖ്യമന്ത്രി അറിയിച്ചു.
എസ്എസ്എല്സി, ഹയര്സെക്കന്ഡറി, വൊക്കേഷണല് ഹയര്സെക്കന്ഡറി മൂല്യനിര്ണയത്തിന് നിശ്ചയിക്കപ്പെട്ട അദ്ധ്ാപകരെ കൊവിഡ് ഡ്യൂട്ടിയില് നിന്ന് ഒഴിവാക്കും. സാങ്കേതിക വിദ്യാഭ്യാസ ബോര്ഡിന് കീഴിലുള്ള പോളിടെക്നിക് കോളേജുകളിലെ മുടങ്ങിക്കിടക്കുന്ന അഞ്ചാം സെമസ്റ്ററിലെ പൂര്ത്തീകരിച്ച പരീക്ഷകളുടെ മൂല്യനിര്ണ്ണയം ഉടന് നടത്തിയും, മുടങ്ങിയ പരീക്ഷകള്ക്ക് ഇന്റേണല് അസ്സെസ്സ്മന്റ് മാര്ക്കുകളുടെ അടിസ്ഥാനത്തിലും ഫലപ്രഖ്യാപനം ജൂണ് മാസത്തില് നടത്തും. അഞ്ചാം സെമസ്റ്റര് പരീക്ഷയുടെ ഫലപ്രഖ്യാപനത്തിന് ശേഷം ആറാം സെമസ്റ്റര് പരീക്ഷകള് ജൂലൈയില് നടത്തും. ഒന്നു മുതല് നാലു വരെയുള്ള സെമസ്റ്ററുകളുടെ പരീക്ഷകളും ഉചിതമായി ക്രമീകരിക്കുന്നതാണെന്നും മുഖ്യമന്ത്രി അറിയിച്ചു.
https://www.facebook.com/Malayalivartha
