റിപ്പബ്ലിക്ക് ദിന സന്ദേശമറിയിച്ച്   നിയമസഭാ സ്പീക്കർ എ എൻ ഷംസീർ.  അദ്ദേഹത്തിന്റെ വാക്കുകൾ ഇങ്ങനെ;-  പരമാധികാര ജനാധിപത്യ രാഷ്ട്രമായ ഇന്ത്യയുടെ എഴുപത്തിയേഴാം റിപ്പബ്ലിക് ദിനത്തിലേക്ക് നാം കടക്കുകയാണ്.   

സ്വാതന്ത്ര്യമെന്നത് അവകാശമാണെന്നും അതിനായി പോരാടണമെന്നുമുള്ള ഒരു ജനതയുടെ നിശ്ചയ ദാർഢ്യത്തിന്റെ ഫലമാണ് ഇന്നത്തെ ജനാധിപത്യ ഇന്ത്യ.എല്ലാ ജനങ്ങൾക്കും തുല്യ പരിഗണനയും നീതിയും അവകാശങ്ങളും ഉറപ്പുനൽകുന്നതാണ്  ഇന്ത്യൻ ഭരണഘടന .

അധികാരഭ്രമം മൂലം വെട്ടിപ്പിടിക്കലുകളും  യുദ്ധക്കെടുതികളും  കൊടുമ്പിരികൊള്ളുന്ന സാഹചര്യമാണിന്ന് ലോകമെമ്പാടും.  അത്തരം സന്ദർഭങ്ങൾ നമുക്കിടയിലുണ്ടാകാതെ ജനാധിപത്യത്തെയും സാധാരണക്കാരന്റെ അവകാശങ്ങളെയും സംരക്ഷിക്കുന്നത്  ഭരണഘടനയും   ഭരണഘടനാസ്ഥാപനങ്ങളുമാണ്.

ജനാധിപത്യ ഇന്ത്യയുടെ പിറവിയുടെയുടെ പിറവിക്കായി പോരാടിയ ധീര ദേശാഭിമാനികളെയും ഭരണഘടനാ ശില്പികളെയും  നാം ഓർക്കേണ്ടതുണ്ട്, ജനാധിപത്യ-പൗര  ബോധവും സ്വാതന്ത്ര്യവും സമത്വവും നമ്മുടെയുള്ളിൽ ഉണ്ടാകേണ്ടതുണ്ട്. ഏവർക്കും റിപ്പബ്ലിക് ദിനാശംസകൾ നേരുന്നു.