ഇപ്പോഴും കിടക്കയിലാണ്... കോവിഡ് ബാധിച്ച് സുഖം പ്രാപിച്ചു വരുന്ന ശശി തരൂരിന്റെ ദയനീയ വീഡിയോ വൈറലാകുന്നു; ഞാന് വളരെയധികം പ്രയാസപ്പെട്ടു അതിന്റെ ചെറിയൊരു അംശംപോലും മറ്റാരും അനുഭവിക്കരുത്; വാക്സിന് സൗജന്യമാക്കണമെന്ന് ശശി തരൂര്
കോവിഡും കോവിഡാനന്തര രോഗങ്ങളും കാരണം പലരും ബുദ്ധിമുട്ടുകയാണ്. വാക്സിനാണ് അതിനുള്ള പ്രതിവിധിയെന്നാണ് വിദഗ്ധാഭിപ്രായം. ശശി തരൂര് എം.പി.യ്ക്ക് കോവിഡ് ബാധിച്ചെന്ന വാര്ത്ത വന്നിട്ട് നാളേറെയായി. എന്നാല് ഇപ്പോഴും പോസ്റ്റ് കോവിഡില് നിന്നും അദ്ദേഹം മുക്തനായിട്ടില്ല എന്നാണ് വീഡിയോ കണിക്കുന്നത്.
കേന്ദ്രസര്ക്കാരിന്റെ വാക്സിന് നയവുമായി ബന്ധപ്പെട്ട് ട്വിറ്ററില് സന്ദേശം പങ്കുവച്ചിരിക്കുകയാണ് കോണ്ഗ്രസ് നേതാവ് ശശി തരൂര്. കോവിഡ് ബാധിതനായ ശേഷം സുഖം പ്രാപിച്ചുവരുന്നതിനിടെയാണ് അദ്ദേഹം രണ്ടു മിനിറ്റ് െൈദര്ഖ്യമുളള വീഡിയോയുമായി രംഗത്തെത്തിയത്. കോവിഡില് നിന്ന് ഇന്ത്യയെ രക്ഷിക്കണമെന്നും എല്ലാവര്ക്കും വാക്സിന് സൗജന്യമാക്കണമെന്നും അദ്ദേഹം വീഡിയോയില് പറയുന്നു.
നിങ്ങള്ക്ക് കാണാവുന്നതാണ്, ഞാന് ഇപ്പോഴും കിടക്കയിലാണ്, കൊവിഡ് അണുബാധയുടെ സങ്കീര്ണതകള് അനുഭവിക്കുന്നു. ഡിസംബര് അവസാനത്തോടെ എല്ലാവര്ക്കും പ്രതിരോധ കുത്തിവയ്പ് നല്കുമെന്ന സര്ക്കാര് പ്രസ്താവന കണ്ടതുകൊണ്ട് പറയുകയാണ്. വാക്സിനുകളുടെ ലഭ്യത അല്ലെങ്കില് അവയുടെ അഭാവത്തില് സര്ക്കാര് എങ്ങനെയാണ് ആ ലക്ഷ്യം കൈവരിക്കാന് പോകുന്നതെന്ന് ഞാന് അത്ഭുതപ്പെടുന്നതായും തരൂര് വ്യക്തമാക്കി.
ഡിസംബറിനകം സൗജന്യമായി എല്ലാ ഇന്ത്യക്കാര്ക്കും വാക്സിന് നല്കാന് സര്ക്കാര് നയത്തില് മാറ്റംവരണമെന്ന കോണ്ഗ്രസിന്റെ പ്രചാരണത്തെ താന് പിന്തുണയ്ക്കുന്നു. അന്യായമായ വിലയ്ക്ക് വാക്സിന് വാങ്ങാന് സംസ്ഥാന സര്ക്കാരുകളും സ്വകാര്യ ആശുപത്രികളും മറ്റുളളവരും വിപണിയില് മത്സരിക്കണമെന്ന് കേന്ദ്രസര്ക്കാര് ആവശ്യപ്പെടുന്നത് അംഗീകരിക്കാനാവില്ല. കേന്ദ്രം ന്യായമായ വിലയ്ക്ക് വാക്സിന് വാങ്ങുകയും ജനങ്ങള്ക്ക് സൗജന്യമായി കൊടുക്കുകയുമാണ് വേണ്ടത്. വാക്സിനേഷന് സംബന്ധിച്ച് ആദ്യകാലം മുതലുള്ള നയം ഇതാണെന്നും അദ്ദേഹം അഭിപ്രായപ്പെട്ടു.
രാജ്യത്തെ കൊവിഡില്നിന്നു രക്ഷിക്കാന് സൗജന്യമായി വാക്സിന് നല്കുന്ന നയം നടപ്പാക്കണം. ഞാന് വളരെയധികം പ്രയാസങ്ങള് അനുഭവിച്ചു. അതിന്റെ ചെറിയൊരു അംശംപോലും തന്റെ സഹപൗരന്മാര് അനുഭവിക്കരുതെന്ന് ആഗ്രഹിക്കുന്നതായും തരൂര് കൂട്ടിച്ചേര്ത്തു.
അതേസമയം സര്ക്കാരിതര ക്വാട്ടയിലെ കോവിഡ് വാക്സിന് വിതരണത്തില് സ്വകാര്യ ആശുപത്രികളെക്കാള് സര്ക്കാരിന് മുന്ഗണന നല്കിക്കൂടേയെന്ന് ഹൈക്കോടതി ആരാഞ്ഞു.
സാമ്പത്തിക പ്രതിസന്ധിയിലും കേരളം പണം നല്കി വാക്സിന് വാങ്ങാമെന്ന് പറയുമ്പോള് മതിയായ പരിഗണന നല്കേണ്ടതല്ലേയെന്നും ഹൈക്കോടതി വാക്കാല് ചോദിച്ചു. എല്ലാവര്ക്കും സൗജന്യമായി വാക്സിന് നല്കണം, കേന്ദ്ര സര്ക്കാരിന്റെ പുതിയ വാക്സിന് നയം റദ്ദാക്കണം തുടങ്ങിയ ആവശ്യങ്ങള് ഉന്നയിച്ചുള്ള ഒരുകൂട്ടം ഹര്ജികളിലാണ് ജസ്റ്റിസ് എ. മുഹമ്മദ് മുഷ്താഖ്, ജസ്റ്റിസ് ഡോ. കൗസര് എടപ്പഗത്ത് എന്നിവരുള്പ്പെട്ട ഡിവിഷന് ബെഞ്ചിന്റെ ചോദ്യം.
സര്ക്കാരിന് വാക്സിന് നല്കുന്നില്ലെങ്കിലും സ്വകാര്യ ആശുപത്രികള്ക്ക് ലഭിക്കുന്നുണ്ടെന്ന് ഹര്ജിക്കാര് പറഞ്ഞു. പണം നല്കാന് സര്ക്കാര് തയ്യാറായിട്ടും ഇതെന്തുകൊണ്ടാണെന്ന് ഹൈക്കോടതി ചോദിച്ചു. പാവങ്ങള്ക്ക് ലഭ്യമാക്കാതെ പണമുള്ളവര്ക്കു മാത്രം വാക്സിന് നല്കുന്നു. എല്ലാവരും പണമുണ്ടാക്കുകയാണ് ഹൈക്കോടതി പറഞ്ഞു.
ഉത്തരേന്ത്യന് ഹോട്ടല് വാക്സിനേഷന് പാക്കേജ് പ്രഖ്യാപിച്ചത് ചൂണ്ടിക്കാട്ടിയ കോടതി, വാക്സിന് വിതരണത്തിലെ പ്രശ്നങ്ങളില് കേന്ദ്ര സര്ക്കാര് വിശദീകരണം നല്കാന് നിര്ദ്ദേശിച്ച് ഹര്ജികള് ചൊവ്വാഴ്ചത്തേക്ക് മാറ്റി. വാക്സിനുകള്ക്ക് പല വില നിശ്ചയിച്ച് കേന്ദ്രം കരിഞ്ചന്ത പ്രോത്സാഹിപ്പിക്കുകയാണെന്ന് സംസ്ഥാന സര്ക്കാര് കുറ്റപ്പെടുത്തി.
"
https://www.facebook.com/Malayalivartha
