പ്ലസ്-ടു ബോര്ഡ് പരീക്ഷ റദ്ദാക്കാനുള്ള കേന്ദ്രസര്ക്കാര് തീരുമാനത്തിന് പിന്നാലെ കേരളത്തില് നടത്താനിരിക്കുന്ന പ്ലസ് വണ് പരീക്ഷ റദ്ദാക്കണമെന്ന ആവശ്യവുമായി പി. സി. ജോര്ജ്
പ്ലസ്-ടു ബോര്ഡ് പരീക്ഷ റദ്ദാക്കാനുള്ള കേന്ദ്രസര്ക്കാര് തീരുമാനത്തിന് പിന്നാലെ കേരളത്തില് നടത്താനിരിക്കുന്ന പ്ലസ് വണ് പരീക്ഷ റദ്ദാക്കണമെന്ന ആവശ്യവുമായി പി. സി. ജോര്ജ്.
കഴിഞ്ഞ അധ്യയനവര്ഷം ഒരു ദിവസം പോലും സ്കൂളില് എത്താന് സാധിക്കാത്ത പ്ലസ് വണ് വിദ്യാര്ത്ഥികള്ക്ക് സെപ്റ്റംബര് 6 മുതല് പരീക്ഷ നടത്തും എന്ന സര്ക്കാര് തീരുമാനം വിദ്യാര്ത്ഥികളോടുള്ള വെല്ലുവിളിയാണെന്നും, പരീക്ഷ ഉപേക്ഷിക്കാന് സര്ക്കാര് തയാറാവണമെന്നുമാണ് പി. സി. ജോര്ജിന്റെ ആവശ്യം.
സ്കൂളിലെത്തി കുറച്ചു നാളെങ്കിലും അധ്യയനം നടത്താതെ പ്ലസ് വണ് പരീക്ഷ നടത്തുന്നത് കൂട്ട തോല്വിക്ക് ഇടയാക്കും.
പ്ലസ് വണ് പരീക്ഷയ്ക്ക് ഇ്പ്രൂവ്മെന്റ് ഉണ്ടായിരിക്കില്ല എന്ന് വിജ്ഞാപനത്തില് വ്യക്തമാക്കിയിരിക്കുന്നത് വിദ്യാര്ത്ഥികളുടെയും രക്ഷിതാക്കളുടെയും അധ്യാപകരുടെയും ആശങ്കകള് വര്ധിക്കുന്നതിന് കാരണമായിട്ടുണ്ട്. സര്ക്കാര് ഈ വിഷയത്തില് അടിയന്തിരമായി ഇടപെട്ട് ആശങ്കകള് പരിഹരിക്കണമെന്നും അദ്ദേഹം ആവശ്യപ്പെട്ടു.
കേരളത്തില് സെപ്റ്റംബര് ആറിന് പ്ലസ് വണ് പരീക്ഷ ആരംഭിക്കുമെന്നാണ് അറിയിപ്പ്.കേരളത്തില് ഏപ്രില് 24ന് പ്ലസ് ടു സ്റ്റേറ്റ് ബോര്ഡ് പരീക്ഷകള് പൂര്ത്തിയായി ജൂണ് ഒന്ന് മുതല് 13 ജില്ലകളില് മൂല്യനിര്ണ്ണയം തുടങ്ങിയിരുന്നു. ട്രിപ്പിള് ലോക്ക്ഡൗണ് പിന്വലിച്ച മലപ്പുറത്തും മൂല്യനിര്ണ്ണയ ക്യാമ്പ് പ്രവര്ത്തിക്കുന്നുണ്ട്.
സിബിഎസ്ഇ പ്ലസ്-ടു ബോര്ഡ് പരീക്ഷ റദ്ദാക്കുമെന്ന് കേന്ദ്രസര്ക്കാര് പ്രഖ്യാപിച്ചതിന് തൊട്ടുപിന്നാലെ, ഇപ്പോള് മധ്യപ്രദേശ്, ഹരിയാന, ഗുജറാത്ത് തുടങ്ങിയ സംസ്ഥാനങ്ങളും പ്ലസ് ടു ബോര്ഡ് പരീക്ഷ റദ്ദാക്കാന് തീരുമാനിച്ചു. ഗുജറാത്ത്, മധ്യപ്രദേശ്, ഹരിയാന എന്നിവിടങ്ങളില് സംസ്ഥാന ബോര്ഡുകള് പ്ലസ് ടു പരീക്ഷ റദ്ദാക്കുന്നതായി പ്രഖ്യാപിച്ചു കഴിഞ്ഞു.
"
https://www.facebook.com/Malayalivartha