പാത്രം കൊട്ടുന്നതിനിടയിൽ ചേ​ര​ക്കോ​ഴി​യു​മാ​യി ഗു​രു​സ്വാ​മി. പി​ന്നെ ചോ​ദ്യ​മാ​യി, പ​റ​ച്ചി​ലാ​യി, പ​ക്ഷി​സ്​​നേ​ഹി​ക​ളാ​യി... അ​ങ്ങ​നെ ആ പാവം ഗു​രു​സ്വാ​മി പെ​ട്ടു. ഒടുവിൽ രക്ഷിക്കാനായി പൊ​ലീ​സു​കാ​ര്‍ എ​ത്തി​യ​തോ​ടെ ഗു​രു​സ്വാ​മി​യു​ടെ പ​ക്ഷി​സ്​​നേ​ഹ​ത്തി​ന്​ അം​ഗീ​കാ​രം ലഭിച്ചു.

സംഭവം ഇങ്ങനെയാണ്, ബു​ധ​നാ​ഴ്​​ച രാ​വി​ലെ 11.15ഓ​ടെ​യാ​ണ്​ കോ​ട്ട​യം ന​ഗ​ര​ത്തി​ല്‍ ഗ​താ​ഗ​ത​ക്കു​രു​ക്കി​നു​വ​രെ ഇ​ട​യാ​ക്കി​യ പ​ക്ഷി​ക്കാ​ഴ്​​ച. കോ​ട്ട​യം ഹെ​ഡ്​​പോ​സ്​​റ്റ്​ ഓ​ഫി​സി​നു​ മു​ന്നി​ല്‍ ഇ​ന്ധ​ന വി​ല​വ​ര്‍​ധ​ന​യി​ല്‍ യൂ​ത്ത്​ ഫ്ര​ണ്ടിന്റെ കി​ണ്ണം (പാ​ത്രം) കൊട്ടി സ​മ​രം നടക്കുകയായിരുന്നു. ഇതിനിടയിലാണ്​ ഇ​വ​ര്‍​ക്ക്​ മു​ന്നി​ലൂ​ടെ ചേ​ര​ക്കോ​ഴി​യു​മാ​യി ഗു​രു​സ്വാ​മി ക​ട​ന്നു​പോയ​ത്. ഇ​തു​ക​ണ്ട്​ സ​മ​രം ചി​ത്രീ​ക​രി​ക്കാ​ന്‍ കൂ​ടി​യ ക്യാമറകൾ ഗുരുസ്വാമിയുടെ പിന്നാലെയായി.

ഇ​തി​നി​ടയിൽ ആയിരുന്നു പ​ക്ഷി​യെ ഇ​യാ​ള്‍ ക​ട​ത്തി​ക്കൊ​ണ്ടു​പോ​കു​ക​യാ​ണെ​ന്ന്​ ആ​രോ​പി​ച്ച്‌​ കുറച്ച് ആളുകൾ രംഗത്ത് എത്തിയത്. പ​ക്ഷി​സ്​​നേ​ഹി​ക​ള്‍ എ​ന്ന​വ​കാ​ശ​പ്പെ​ട്ട്​ ചി​ല​ര്‍ രം​ഗ​ത്തെ​ത്തി​യ​തോ​ടെ രം​ഗം കൊ​ഴു​ത്തു. കേ​സ് കൊടുക്കുമെന്ന് ഭീഷണിയും മുഴക്കി.

രംഗം വഷളായത്തടുകൂടി അ​ങ്ക​ലാ​പ്പി​ലാ​യ ഗു​രു​സ്വാ​മി, താൻ ആ​കാ​ശ​പ്പാ​ത​ക്ക്​ സ​മീ​പ​ത്താ​യി ചെ​രി​പ്പ്​ തു​ന്നി ജീ​വി​ക്കു​ന്ന​യാ​ളാ​ണെ​ന്നും തി​രു​ന​ക്ക​ര ബ​സ്​​സ്​​റ്റാ​ന്‍​ഡ്​​ എ​യ്​​ഡ്​ പോ​സ്​​റ്റി​ലെ ശൗ​ചാ​ല​യ​ത്തി​നു​ള്ളി​ല്‍ കു​ടു​ങ്ങി​യ പ​ക്ഷി​യെ താ​ന്‍ ര​ക്ഷ​പ്പെ​ടു​ത്തി മൃ​ഗാ​ശു​പ​ത്രി​യി​ലേ​ക്ക്​ കൊ​ണ്ടുപോ​കു​ക​യാ​ണെ​ന്നും​ പ​റ​ഞ്ഞെ​ങ്കി​ലും ആ​രും കേ​ള്‍​ക്കാ​ന്‍ കൂ​ട്ടാ​ക്കി​യി​ല്ല. എ​യ്​​ഡ്​ പോ​സ്​​റ്റി​ലെ പൊ​ലീ​സു​കാ​രാ​ണ്​ മൃ​ഗാ​ശു​പ​ത്രി​യി​ലേ​ക്ക്​ കൊ​ണ്ടു​പോ​കാ​ന്‍ പ​റ​ഞ്ഞ​തെ​ന്നും ഇ​യാ​ള്‍ ആവർത്തിച്ചു പറഞ്ഞു.

എന്നാൽ, ഇത് കേ​ള്‍​ക്കാ​തെ കൊ​ന്നു​തി​ന്നാ​ന്‍ കൊ​ണ്ടു​പോ​കു​ക​യാ​ണെ​ന്ന്​ ചു​റ്റും കൂ​ടി​യ​തി​ല്‍ ചി​ല​ര്‍ പ​റ​ഞ്ഞ​തോ​ടെ ​ഈ ​ത​മി​ഴ്​​നാ​ട്ടു​കാ​ര​ന്‍ രോഷാകുലനായി. ര​ക്ഷി​ക്കാ​ന്‍ ശ്ര​മി​ച്ച ​എ​ന്നെ ക​ള്ള​നാ​ക്കി, ഞാ​ന്‍ പ​ണി​ക​ള​ഞ്ഞാ​ണ്​ പോ​കു​ന്ന​ത്... ഇതോടെ സ​മ​ര​സ്ഥ​ല​ത്തു​ണ്ടാ​യി​രു​ന്ന പൊ​ലീ​സു​കാ​ര്‍ ഇ​ട​പെ​ടു​ക​യും വ​നം വ​കു​പ്പ്​ ജീ​വ​ന​ക്കാ​ര്‍ വ​ര​​ട്ടെ​യെ​ന്ന്​ നി​ല​പാ​ട്​ എ​ടു​ക്കു​ക​യും ചെ​യ്​​തു.

ഇ​വ​ര്‍​ക്കാ​യി കാ​ത്തി​രി​ക്കു​ന്ന​തി​നി​ടെ എ​യ്​​ഡ്​ പോ​സ്​​റ്റി​ലെ പൊ​ലീ​സു​കാ​രെ​ത്തി ത​ങ്ങ​ളു​ടെ നി​ര്‍​ദേ​ശ​പ്ര​കാ​ര​മാ​ണ്​ പ​ക്ഷി​യെ കൊ​ണ്ടു​പോ​കു​ന്ന​തെ​ന്ന്​ വ്യ​ക്ത​മാ​ക്കി​യ​തോ​ടെ ഗു​രു​സ്വാ​മി​യു​ടെ നി​ര​പ​രാ​ധി​ത്വം തെളിയുകയായിരുന്നു.

പി​ന്നീ​ട്​ പാ​റമ്പു​ഴ​യി​ല്‍​നി​ന്ന്​ വ​നം​വ​കു​പ്പ്​ അ​ധി​കൃ​ത​രെ​ത്തി പ​ക്ഷി​യെ കൂ​ട്ടി​ലാ​ക്കി കൊ​ണ്ടു​പോ​യ​തോ​ടെ​ അ​ര​മ​ണി​ക്കൂ​ര്‍ നീ​ണ്ട ചോ​ദ്യ​ത്തി​നും പ​റ​ച്ചി​ലി​നും അ​റു​തി​യാ​യി. പി​ന്നീ​ട്​ പ​രി​​ക്കൊ​ന്നും ഇ​ല്ലെ​ന്ന്​ ക​ണ്ട​തോ​ടെ വ​നം വ​കു​പ്പ്​ ഇ​തി​നെ തു​റ​ന്നു​വി​ട്ടു. 38 വ​ര്‍​ഷ​മാ​യി കോ​ട്ട​യ​ത്ത്​ ചെ​രി​പ്പ്​ തു​ന്നി​യാ​ണ്​ ഗു​രു​സ്വാ​മി​ ജീവിക്കുന്നത്.