മുണ്ടക്കയത്ത് വിവാഹ വാഗ്ദാനം നല്‍കി ദലിത് യുവതിയെ പീഡിപ്പിച്ച സംഭവത്തില്‍ ക്ഷേത്ര പൂജാരി അറസ്റ്റില്‍. എരുമേലി സ്വദേശി വിനുവാണ് അറസ്റ്റിലായത്. പെണ്‍കുട്ടി പരാതി നല്‍കിയതോടെ ഒളിവില്‍ പോയ പ്രതി മുണ്ടക്കയം സ്‌റ്റേഷനില്‍ കീഴടങ്ങുകയായിരുന്നു. വിവാഹ വാഗ്ദാനം നല്‍കി പെണ്‍കുട്ടിയെ കഴിഞ്ഞ 3 വര്‍ഷമായി പീഡിപ്പിക്കുകയായിരുന്നു. ക്ഷേത്രത്തിനോട് ചേര്‍ന്ന ശാന്തി മഠത്തില്‍ വച്ചായിരുന്നു പീഡനം. പെണ്‍കുട്ടിയെ വിവാഹം കഴിക്കാമെന്ന് പൊലീസ് സാന്നിധ്യത്തില്‍ ഇയാള്‍ ഉറപ്പും നല്‍കിയിരുന്നു. കഴിഞ്ഞ വ്യാഴാഴ്ച വിവാഹം നിശ്ചയിച്ചെങ്കിലും വിനു ഒളിവില്‍ പോയി. തുടര്‍ന്നാണ് പെണ്‍കുട്ടി മുണ്ടക്കയം പൊലീസില്‍ പരാതി നല്‍കിയത്.