റാപ്പിഡ് പരിശോധനാകേന്ദ്രം വലിയൊരു നേട്ടമായി : തിങ്കളാഴ്ച മാത്രം കൊച്ചിയില്നിന്ന് യു.എ.ഇ.യിലെത്തിയത് 146 പേര്: പ്രതീക്ഷ കൈവിടാതെ പ്രവാസലോകം
റാപ്പിഡ് പരിശോധനാകേന്ദ്രം വലിയൊരു നേട്ടമായി....തിങ്കളാഴ്ച മാത്രം കൊച്ചിയില്നിന്ന് യു.എ.ഇ.യിലെത്തിയത് 146 പേര്... കൊച്ചി അന്താരാഷ്ട്ര വിമാനത്താവളത്തില് റാപ്പിഡ് കോവിഡ് കേന്ദ്രം തുടങ്ങിയതോടെ തിങ്കളാഴ്ച മാത്രമായി 146 പേര് യു.എ.ഇ.യിലെത്തിയത് .
തിങ്കളാഴ്ച രാവിലെ 8.15-ന് പുറപ്പെട്ട ഇത്തിഹാദ് വിമാനത്തിലായിരുന്നു ഇത്രയുംപേര് യു.എ.ഇ.യിലെത്തിയത്. സിയാല് മാനേജിങ് ഡയറക്ടര് എസ്. സുഹാസിന്റെ ഇടപെടലില് കൊച്ചി അന്താരാഷ്ട്ര വിമാനത്താവളത്തില് റാപ്പിഡ് പി.സി.ആര്. പരിശോധനാകേന്ദ്രം തുടങ്ങുകയും ചെയ്തു. കേരള മെഡിക്കല് സര്വീസ് കോര്പ്പറേഷന് അംഗീകരിച്ച ലാബ് ജൂണ് 28-നാണ് സിയാലില് തുടങ്ങിയത്.
സിയാല് മൂന്നാം ടെര്മിനലില് സ്ഥാപിച്ചിട്ടുള്ള റാപ്പിഡ് പരിശോധനാകേന്ദ്രത്തില് ഒരേ തവണ 200 പേരുടെ പരിശോധന നടത്താന് സാധിക്കും എന്നതാണ് നേട്ടീ. അരമണിക്കൂറിനുള്ളില് ഫലം കിട്ടുകയും ചെയ്യും. യു.എ.ഇ. സര്ക്കാരിന്റെ പ്രത്യേക അനുമതി കിട്ടിയവര്ക്കാണ് നിലവില് റാപ്പിഡ്-പി.സി.ആര്. ഉള്പ്പെടെയുള്ള പരിശോധനാ സര്ട്ടിഫിക്കറ്റ് സമര്പ്പിച്ച് യാത്രപോകാന് സാധിക്കുന്നത് .
പ്രത്യേക അനുമതി എന്ന നിബന്ധനയില് വൈകാതെ ഇളവുവരുമെന്നാണ് കരുതുന്നത് . യു.എ.ഇ.യില് കൂടുതല് ജീവനക്കാരുള്ള സ്ഥാപനങ്ങള് ഇത്തരത്തില് യാത്രചെയ്യാന് അപേക്ഷകള് നല്കിത്തുടങ്ങി.
റാപ്പിഡ് കോവിഡ് പരിശോധനാസംവിധാനം കേരളത്തിലെ വിമാനത്താവളങ്ങളില് നിലവിലില്ലെന്ന കാരണത്താല് വിമാന യാത്രാവിലക്കില് വലഞ്ഞിരിക്കുകയാണ് പ്രവാസികള്. യു.എ.ഇ. അംഗീകരിച്ച വാക്സിന് രണ്ടുഡോസും സ്വീകരിച്ചവര്ക്ക് ജൂണ് 23 മുതല് യാത്രചെയ്യാമെന്ന് ദുബായ് സുപ്രീം അതോറിറ്റി ഓഫ് ഡിസാസ്റ്റര് മാനേജ്മെന്റ് അറിയിച്ചിരുന്നു.
പക്ഷേ , ദുബായ് പുറപ്പെടുവിച്ച യാത്രാമാനദണ്ഡങ്ങളില് 48 മണിക്കൂറിനുള്ളിലുള്ള ആര്.ടി.പി.സി.ആര്. നെഗറ്റീവ് ഫലത്തോടൊപ്പം യാത്രയ്ക്ക് നാലുമണിക്കൂറിനുള്ളില് റാപ്പിഡ് പരിശോധനകൂടി നടത്തണമെന്ന നിബന്ധനയുണ്ടായിരുന്നു. കേരളത്തിലെ വിമാനത്താവളങ്ങളില് റാപ്പിഡ് കേന്ദ്രങ്ങളില്ലാത്തത് പ്രവാസികളുടെ യാത്ര പ്രതിസന്ധിയിലാക്കുകയായിരുന്നു.
ആശയക്കുഴപ്പം വര്ധിച്ചതോടെ വിമാനക്കമ്പനികളും ടിക്കറ്റ് ബുക്കിങ് നിര്ത്തിവെച്ചു. നിലവില് നയതന്ത്ര ഉദ്യോഗസ്ഥര്, യു.എ.ഇ. പൗരന്മാര്, ഗോള്ഡന് വിസയുള്ളവര്, സില്വര് വിസയുള്ളവര്, ബിസിനസുകാര്, പാര്ട്ണര് വിസയുള്ളവര് എന്നിവര്ക്ക് ഇളവുകളോടെ യു.എ.ഇ.യിലേക്ക് വരാം.
ഇവര് എല്ലാ കോവിഡ് മാനദണ്ഡങ്ങളും പാലിച്ചിരിക്കണം. ഇതുകൂടാതെ, പ്രത്യേക അനുമതി നേടുന്നത് എങ്ങനെയെന്ന കാര്യം കൊച്ചി അന്താരാഷ്ട്ര വിമാനത്താവള അധികൃതരും വ്യക്തമാക്കിയിട്ടില്ല. മാത്രമല്ല, പ്രത്യേക അനുമതിയോടെ ചാര്ട്ടേഡ് വിമാനങ്ങളിലെത്തുന്നവര്ക്ക് യു.എ.ഇ. ആരോഗ്യസുരക്ഷാ നിബന്ധനകള് കര്ശനമാക്കി. കേന്ദ്രസര്ക്കാരും ഗള്ഫ് രാജ്യങ്ങളും തമ്മിലുണ്ടാക്കിയ ധാരണയനുസരിച്ചാണ് നിലവില് പരിമിതമായ തോതില് വിദേശയാത്ര സാധ്യമാവുന്നത്.
L
https://www.facebook.com/Malayalivartha
