ജയിലിനുള്ളില്‍ നിന്നും വധഭീക്ഷണി.... ഞെട്ടിത്തരിച്ച് അര്‍ജുന്‍ ആയങ്കി..... ഞങ്ങള്‍ നോക്കിക്കോളാം എന്ന് ടി പി വധക്കേസ് പ്രതികളുടെ ഉറപ്പ്.... ജയിലിനുള്ളില്‍ നാടകീയമായ രംഗങ്ങളും സംഭവവികാസങ്ങളുമാണ് അരങ്ങേറുന്നത്.....

കരിപ്പൂര്‍ സ്വര്‍ണക്കടത്തുകേസിലെ പ്രതി മുഹമ്മദ് ഷെഫീഖിന് ജയിലിനുള്ളില്‍ വധഭീഷണി. മഞ്ചേരി സബ് ജയിലില്‍ ജുഡീഷ്യല്‍ കസ്റ്റഡിയിലാണ് അര്‍ജുന്‍ ആയങ്കി. എന്നിട്ടും ഇയാള്‍ക്ക് ചെര്‍പ്പുളശ്ശേരി സംഘത്തില്‍നിന്ന് വധഭീഷണിയുണ്ടായിരിക്കുകയാണ്. ഭീഷണിപ്പെടുത്തിയ വ്യക്തിയുടെ ഫോട്ടോ ഷെഫീക്ക് തിരിച്ചറിഞ്ഞു . കോടതിയില്‍ കസ്റ്റംസ് നല്‍കിയ റിപ്പോര്‍ട്ടിലായിരുന്നു വധഭീഷണിയെക്കുറിച്ച് വ്യക്തമാക്കിയിരിക്കുന്നത്.

കൊടുവള്ളി സംഘത്തില്‍ നിന്ന് അര്‍ജുന്‍ ആയങ്കിക്കും ഷെഫീഖിനും സുരക്ഷ നല്‍കുമെന്ന് ടി.പി. ചന്ദ്രശേഖരന്‍ വധക്കേസിലെ പ്രതികളായ കൊടി സുനിയും ഷാഫിയും ഉറപ്പുനല്‍കിയെന്നും ഷെഫീക്കിന്റെ മൊഴിയില്‍ പറഞ്ഞിട്ടുണ്ട്.

കരിപ്പൂര്‍ കേന്ദ്രീകരിച്ചുള്ള സ്വര്‍ണക്കടത്തിനായി മൂന്നുസംഘങ്ങള്‍ സജീവമാണെന്ന് കസ്റ്റംസിന് വിവരം കിട്ടുകയുണ്ടായി . കൊടുവള്ളി, കോഴിക്കോട്, കണ്ണൂര്‍ സംഘങ്ങളാണ് ഇവിടെ പ്രവര്‍ത്തിക്കുന്നത്.

കള്ളക്കടത്ത് സ്വര്‍ണം തട്ടിയെടുക്കാന്‍ കരിപ്പൂര്‍ വിമാനത്താവളത്തില്‍ മൂന്നാമത് ഒരു സംഘം എത്തിയെന്നും അര്‍ജുനും മറ്റൊരാളും തമ്മിലുള്ള സംഘര്‍ഷമാണ് ഇതിന് കാരണമെന്നും ഷെഫീഖ് പറഞ്ഞിട്ടുണ്ട്. കാരിയറെ തട്ടിക്കൊണ്ടുപോകുകയും ശാരീരികമായി ആക്രമിക്കുകയും കള്ളക്കടത്ത് സ്വര്‍ണം മോഷ്ടിക്കുകയും ചെയ്യുന്നതാണ് സാധാരണ ചെയ്യാറുള്ളത്, ആളുമാറി നിരവധി പേര്‍ ഇവരുടെ ആക്രമണത്തിന് ഇരയായിട്ടുണ്ട്. വിമാനത്താവളപ്രദേശങ്ങളിലും പരിസരങ്ങളിലും പ്രവര്‍ത്തിക്കുന്ന സംഘങ്ങളുടെ ഈ തട്ടിക്കൊണ്ടുപോകല്‍ കാരണം സാധാരണയാത്രക്കാരുടെ ജീവന് ഭീഷണിയാണെന്നും കസ്റ്റംസ് കോടതിയെ അറിയിച്ചു

സാമ്പത്തികകുറ്റകൃത്യങ്ങള്‍ പരിഗണിക്കുന്ന എറണാകുളം അഡീഷണല്‍ സി.ജെ.എം. കോടതിക്കുമുന്നില്‍ ഹാജരാക്കിയപ്പോള്‍ ജീവന് വരെ ഭീഷണിയുണ്ടെന്ന് ഷെഫീഖ് വ്യക്തമാക്കി . പരാതിയുണ്ടെങ്കില്‍ എഴുതിനല്‍കാന്‍ മജിസ്‌ട്രേറ്റ് പറഞ്ഞു. ഷെഫീഖിന് അഭിഭാഷകനില്ലായിരുന്നു. മഞ്ചേരി ജയിലിലേക്ക് മാറ്റരുതെന്നും ഇവിടെ വധഭീഷണിയുണ്ടെന്നും കാണിച്ച് പരാതി നല്‍കുകയുണ്ടായി. പിന്നീട് ഷെഫീഖിനെ കാക്കനാട് ജില്ലാ ജയിലിലേക്ക് മാറ്റുകയും ചെയ്തു .

അതേ സമയം കരിപ്പൂര്‍ സ്വര്‍ണക്കടത്ത് കേസിലെ പ്രതിയായ അര്‍ജുന്‍ ആയങ്കിയുടെ ഭാര്യ അമല ഇന്നലെ കസ്റ്റംസിന് മുന്നില്‍ ഹാജരായി. അഭിഭാഷകനൊപ്പമാണ് നിയമവിദ്യാര്‍ഥി കൂടിയായ അമല കൊച്ചിയിലെ കസ്റ്റംസ് ഓഫീസില്‍ ഹാജരായത്.

സ്വര്‍ണക്കടത്ത് കേസില്‍ അര്‍ജുന്‍ ആയങ്കിയുടെ സാമ്പത്തിക ഇടപാടുകള്‍ സംബന്ധിച്ചുള്ള വിവരങ്ങള്‍ ശേഖരിക്കുന്നതിനായാണ് കസ്റ്റംസ് അര്‍ജുന്‍ ആയങ്കിയുടെ ഭാര്യ അമലയ്ക്ക് കഴിഞ്ഞ ദിവസം നോട്ടീസ് നല്‍കിയത്.




അര്‍ജുന്‍ ആയങ്കി വലിയ ആര്‍ഭാട ജീവിതമായിരുന്നു നയിച്ചിരുന്നത്. എന്നാല്‍ ഇയാള്‍ക്ക് പറയത്തക്ക ജോലിയൊന്നുമില്ലായിരുന്നു. കസ്റ്റംസിന്റെ ഇത് സംബന്ധിച്ചുള്ള ചോദ്യം ചെയ്യലുകള്‍ക്ക് ഭാര്യയുടെ അമ്മ നല്‍കിയ പണം കൊണ്ടാണ് വീട് വെച്ചത് എന്നാണ് അര്‍ജുന്‍ മൊഴി നല്‍കിയത്.

എന്നാല്‍ ഇത് അന്വേഷണ സംഘം വിശ്വാസത്തിലെടുത്തിട്ടില്ല. ഇതിനെ തുടര്‍ന്നാണ് അര്‍ജുന്റെ സാമ്പത്തിക സ്രാേതസുകളെ സംബന്ധിച്ചുള്ള വിവര ശേഖരത്തിനായി കസ്റ്റംസ് അര്‍ജുന്റെ ഭാര്യയോട് ഹാജരാകാന്‍ നിര്‍ദ്ദേശിച്ചത്.ഇന്നാണ് അര്‍ജുന്‍ ആയങ്കിയുടെ കസ്റ്റഡി കാലാവധി അവസാനിക്കുന്നത് .