ഉത്ര വധക്കേസുമായി ബന്ധപ്പെട്ട് വനം വകുപ്പ് ഇന്ന് അന്വേഷണ റിപ്പോര്ട്ട് കോടതിയില് സമര്പ്പിക്കും... പഴുതുകളടച്ച വിശദമായ റിപ്പോര്ട്ടാണ് സമര്പ്പിക്കുകയെന്നും പരമാവധി ശിക്ഷ പ്രതികള്ക്ക് ലഭിക്കുമെന്നാണ് പ്രതീക്ഷയെന്നും അന്വേഷണ ഉദ്യോഗസ്ഥര്
ഉത്ര വധക്കേസുമായി ബന്ധപ്പെട്ട് വനം വകുപ്പ് ഇന്ന് അന്വേഷണ റിപ്പോര്ട്ട് കോടതിയില് സമര്പ്പിക്കും. ഉത്രയെ പാമ്പിനെ കൊണ്ട് കടിപ്പിച്ച് കൊലപ്പെടുത്തിയെന്ന കേസിലെ റിപ്പോര്ട്ടാണ് പുനലൂര് വനം കോടതിയില് സമര്പ്പിക്കുക
പഴുതുകളടച്ച വിശദമായ റിപ്പോര്ട്ടാണ് സമര്പ്പിക്കുകയെന്നും പരമാവധി ശിക്ഷ പ്രതികള്ക്ക് ലഭിക്കുമെന്നാണ് പ്രതീക്ഷയെന്നും അന്വേഷണ ഉദ്യോഗസ്ഥര് വ്യക്തമാക്കി.
അതേസമയം, കൊലക്കേസ് സംബന്ധിച്ച അന്തിമവാദം ജില്ലാ അഡീഷണല് സെഷന്സ് കോടതിയില് ഇന്നും തുടരും. ഉത്രയെ അണലിയെ കൊണ്ടു കടിപ്പിച്ച് കൊല്ലാന് ശ്രമിച്ചതിന്റെയും മൂര്ഖനെ കൊണ്ട് കടിപ്പിച്ച് കൊലപ്പെടുത്തിയ കേസിന്റെയും അന്വേഷണ റിപ്പോര്ട്ട് അഞ്ചല് റെയിഞ്ച് ഓഫീസര് ജയന് ഇന്ന് പുനലൂര് വനം കോടതിയില് സമര്പ്പിക്കും.
കൊലക്കേസില് പാമ്പു പിടുത്തക്കാരന് സുരേഷിനെ മാപ്പുസാക്ഷിയാക്കി എങ്കിലും വനം വകുപ്പ് കേസില് രണ്ടാം പ്രതിയാണ്. ഉത്രയുടെ ഭര്ത്താവ് ഒന്നാം പ്രതി സൂരജിനും സുരേഷിനും പരമാവധി ശിക്ഷ ലഭിക്കുമെന്നാണ് പ്രതീക്ഷയെന്ന് അന്വേഷണ ഉദ്യോഗസ്ഥന് വ്യക്തമാക്കി. ഉത്രയുടെ കൊലപാതകവുമായി ബന്ധപ്പെട്ട് മൂന്ന് കേസുകളായിരുന്നു വനം വകുപ്പ് രജിസ്റ്റര് ചെയ്തത്. ഇതില് സുരേഷ് കുമാറിന്റെ വീട്ടില് നടത്തിയ പരിശോധനയില് വിഷപാമ്ബിനെ കണ്ടെത്തിയെന്ന കേസില് റിപ്പോര്ട്ട് നേരത്തെ തന്നെ കോടതിയില് സമര്പ്പിച്ച് വിചാരണ ആരംഭിച്ചിരുന്നു.
ഇന്ന് സമര്പ്പിക്കുന്ന റിപ്പോര്ട്ടില് അടുത്തയാഴ്ച പുനലൂര് കോടതിയില് വിചാരണ ആരംഭിക്കും. അതേസമയം, കൊലക്കേസില് ആറാം അഡീഷണല് സെഷന്സ് കോടതിയില് നടക്കുന്ന അന്തിമവാദം ഇന്നും തുടരും. കൊലപാതകം സംബന്ധിച്ച 12 തെളിവുകളില് കഴിഞ്ഞ ദിവസം കോടതി മുമ്ബാകെ പ്രോസിക്യൂഷന് വാദം നിരത്തിയിരുന്നു.
ചാത്തന്നൂര് സ്വദേശിയായ സുരേഷിന്റെ കയ്യില് നിന്ന് രണ്ട് തവണയാണ് സൂരജ് പാമ്ബിനെ വാങ്ങിയത്. ആദ്യം പതിനായിരം രൂപയും പിന്നീട് 15,000 രൂപയും നല്കിയിരുന്നു. സുരേഷിനെ സൂരജ് അടൂരിലെ സ്വന്തം വീട്ടില് എത്തിക്കുകയും ആ പ്രദേശത്ത് പാമ്ബ് ഉണ്ടെങ്കില് അതിനെ പിടിക്കാനാണ് സുരേഷിനെ കൊണ്ടുവന്നത് എന്ന് ഉത്ര ഉള്പ്പെടെ കേള്ക്കുന്ന തരത്തില് പറയുകയും ചെയ്തു.
സൂരജിന്റെ വീട്ടിലാണ് ആദ്യം പാമ്ബുകടി ഏല്ക്കുന്നത്. മുകള് നിലയിലേക്ക് കയറുന്ന പടികള്ക്ക് സമീപം ആദ്യം പാമ്ബിനെ ഇടുകയായിരുന്നു. ഉത്ര അറിയാതെ ചവിട്ടുമ്പോള് പാമ്പ് കടിയേല്ക്കുമെന്ന ചിന്തയിലാണ് സൂരജ് ഇങ്ങനെ ചെയ്തത്. എന്നാല്, പിന്നീട് പാമ്ബിനെ കൊണ്ട് കടിപ്പിച്ചു.
ആദ്യം അണലി പാമ്ബിനെ ആണ് ഉപയോഗിച്ചത്. രാത്രി വേദന കൊണ്ട് പുളഞ്ഞു എങ്കിലും സൂരജ് ഭാര്യയെ ആശുപത്രിയില് എത്തിക്കാന് കൂട്ടാക്കിയില്ല. മരണം സംഭവിക്കട്ടെ എന്ന ലക്ഷ്യത്തോടെയായിരുന്നു ഇത്. ഈ സംഭവത്തില് മരണം സംഭവിക്കാത്തതോടെയാണ് രണ്ടാമത് മൂര്ഖനെ കൊണ്ട് കടിപ്പിച്ചത്. ഇക്കാര്യങ്ങളെല്ലാം പാമ്പ് പിടുത്തക്കാരന് പൊലീസിനും വനംവകുപ്പിനും മൊഴിയായി നല്കിയിട്ടുണ്ട്.
"
https://www.facebook.com/Malayalivartha
