മദ്യപിച്ച് ബഹളമുണ്ടാക്കിയെന്നാരോപിച്ച് നിലമ്പൂരിൽ യുവാവിന് ഹോം ഗാർഡിൻ്റെ ക്രൂര മർദ്ദനം. ഹോം ഗാർഡ് സെയ്തലവി യുവാവിനെ നടുറോഡിൽ വച്ച് അടിക്കുന്ന ദൃശ്യങ്ങൾ ഇതിനോടകം തന്നെ സമൂഹമാധ്യമങ്ങളിൽ ചർച്ചയായിട്ടുണ്ട്.

യുവാവിനെ സെയ്തലവി വീണ്ടും വീണ്ടും അടിക്കുന്നതും, നില തെറ്റി യുവാവ് റോഡിൽ വീഴുന്നതും ദൃശ്യങ്ങളിൽ കാണാം. കാര്യമായ പ്രകോപനം യുവാവിന്റെ ഭാഗത്ത് നിന്നുണ്ടായതായി നിലവിൽ കിട്ടിയ വീഡിയോയിൽ കാണുന്നില്ല.

അതേ സമയം ഹോംഗാർഡ് സെയ്തലവിയെ സർവീസിൽ നിന്നും മാറ്റി നിർത്തിയതായി നിലമ്പൂർ എസ്എച്ച്ഒ അറിയിച്ചു. യുവാവിനെ ഇത് വരെ കണ്ടെത്താനായിട്ടില്ല.