വിരമിച്ച അധ്യാപക ദമ്പതികള് വിറക് പുരയില് മരിച്ച നിലയില്; ആത്മഹത്യയെന്ന് പ്രാഥമിക നിഗമനം, ആത്മഹത്യകുറിപ്പ് പൊലീസ് കണ്ടെത്തി
മേപ്പയ്യൂരില് വിരമിച്ച അധ്യാപക ദമ്പതികളെ മരിച്ച നിലയില് കണ്ടെത്തി. വീടിന്റെ സമീപത്തെ വിറക് പുരയിലാണ് ഇരുവരെയും മരിച്ച നിലയില് കണ്ടെത്തിയത്. മേപ്പയൂര് പട്ടോന കണ്ടി പ്രശാന്തിയില് കെ കെ ബാലകൃഷ്ണന് ഭാര്യ കുഞ്ഞിമാത എന്നിവരാണ് മരിച്ചത്. ചിങ്ങപുരം സി കെ ജി ഹൈസ്കൂള് റിട. അധ്യാപകനായിരുന്നു ബാലകൃഷ്ണന്. ഇരിങ്ങത്ത് യു പി സ്കൂള് റിട. അധ്യാപികയാണ് കുഞ്ഞി മാത.
ദമ്പതികളുടെ മരണം ആത്മഹത്യയാണെന്നാണ് പൊലീസ് പ്രാഥമിക നിഗമനം. ആത്മഹത്യകുറിപ്പ് പൊലീസ് കണ്ടെത്തിയിട്ടുണ്ട്. ഇരുവര്ക്കും വാര്ധക്യ സഹജമായ അസുഖങ്ങള് ഉണ്ടായിരുന്നെന്നും
ഒരുപക്ഷെ ഇതായിരിക്കാം ആത്മഹത്യയിലേക്ക് നയിച്ചതെന്നുമാണ് പൊലീസ് പറയുന്നത്. പോസ്റ്റ്മോര്ടെത്തിനായി മൃതദേഹങ്ങള് ആശുപത്രിയിലേക്ക് മാറ്റി. മേപ്പയൂര് പൊലീസ് ഇന്സ്പെക്ടര് കെ ഉണ്ണികൃഷ്ണന്റെ നേതൃത്വത്തിലുള്ള പൊലീസ് സംഘം സ്ഥലത്ത് എത്തി നടപടികള് പൂര്ത്തിയാക്കി.
https://www.facebook.com/Malayalivartha