ഇത്രയൊന്നും പ്രതീക്ഷിച്ചില്ല... സുരേഷ്ഗോപിയുടെ ഊര്ജസ്വലത കണ്ട് മറ്റൊരു ദൗത്യം കൂടി നല്കി കേന്ദ്രം; ദേശീയ നാളികേര വികസന ബോര്ഡ് അംഗമാക്കി; ആ വലിയ ഉത്തരവാദിത്തം നിറവേറ്റാന് രാജ്യസഭയില് നിന്ന് എതിരില്ലാതെ തിരഞ്ഞെടുത്തു; കര്ത്തവ്യങ്ങള് ഭംഗിയായി നിറവേറ്റുമെന്ന് ഉറപ്പ് നല്കി താരം
സുരേഷ് ഗോപി രാഷ്ട്രീയത്തിലെത്തിയപ്പോള് ഇങ്ങനെ ശോഭിക്കുമെന്ന് ആരും കരുതിയില്ല. പുതിയ ഉത്തരവാദിത്തം ലഭിച്ചതിന്റെ സന്തോഷം ജനങ്ങളുമായി പങ്കുവച്ചിരിക്കുകയാണ് രാജ്യസഭാംഗം സുരേഷ് ഗോപി എം.പി. തന്നെ വിശ്വസിച്ചേല്പ്പിച്ച ഈ പുതിയ കര്ത്തവ്യം ഏറ്റവും ഭംഗിയായി നിറവേറ്റാന് പരിശ്രമം നടത്തുമെന്നും ഫേസ്ബുക്കിലെ കുറിപ്പിലൂടെ താരം അറിയിച്ചു.
ദേശീയ നാളികേര വികസന ബോര്ഡ് അംഗമായാണ് താരത്തെ ഏകകണ്ഠേന തിരഞ്ഞെടുത്തത്. വിഷയത്തില് നിര്ദ്ദേശങ്ങളും പരാതികളുമറിയിച്ചവര്ക്ക് 'നമുക്ക് ശരിയാക്കാം' എന്ന ഉറപ്പും താരം നല്കി.
സുരേഷ് ഗോപി എം.പിയുടെ ഫേസ്ബുക്ക് പോസ്റ്റ് പൂര്ണരൂപം ഇങ്ങനെയാണ്
കേരം സംരക്ഷിക്കാന് കേരളത്തില്നിന്ന് ഒരു തെങ്ങുറപ്പ്!
ഇന്ത്യയുടെ Coconut devolopment boardലേക്ക് ഐകകണ്ഠേന രാജ്യസഭയില് നിന്ന് തിരഞ്ഞെടുക്കപെട്ട വിവരം സസന്തോഷം നിങ്ങളെല്ലാവരെയും അറിയിച്ചുകൊള്ളുന്നു. എന്നെ വിശ്വസിച്ച് ഏല്പിച്ച ഈ പുതിയ കര്ത്തവ്യം ഏറ്റവും ഭംഗിയായി നിര്വഹിക്കാന് ഞാന് യോഗ്യമായ പരിശ്രമം നടത്തും.
കേന്ദ്ര നാളികേര വികസന ബോര്ഡിലേക്ക് ഇതാദ്യമായി തെരഞ്ഞെടുപ്പിലൂടെ സുരേഷ്ഗോപിയെ തെരഞ്ഞെടുത്തപ്പോള് എതിര്പ്പുമായി കെപിസിസി അദ്ധ്യക്ഷന് കെ. സുധാകരന് രംഗത്തെത്തി. നാളികേര വികസന ബോര്ഡ് ചെയര്മാന് സ്ഥാനത്തേക്ക് രാഷ്ട്രീയ നിയമനം നടത്താനുള്ള ബില് പാസാക്കിയതിന് തൊട്ടുപിന്നാലെ കഴിഞ്ഞ ദിവസമായിരുന്നു നടനും എംപിയുമായ സുരേഷ്ഗോപിയെ എതിരില്ലാതെ തെരഞ്ഞെടുത്തത്.
രാജ്യസഭയില് നിന്ന് എതിരില്ലാതെയാണ് കോക്കണറ്റ് ഡവലപ്മെന്റ് ബോര്ഡിലേക്ക് സുരേഷ് ഗോപിയെ തെരഞ്ഞെടുത്തത്. വിശ്വസിച്ച് എല്പ്പിച്ച പുതിയ കര്ത്തവ്യം ഏറ്റവും ഭംഗിയായി നിര്വഹിക്കാന് യോഗ്യമായ പരിശ്രമം നടത്തുമെന്നാണ് സുരേഷ്ഗോപിയുടെ ആദ്യ പ്രതികരണം. എന്നാല് ഇത്തരം പോസ്റ്റില് രാഷ്ട്രീയ നിയമനം കൊണ്ടുവന്ന നീക്കത്തെ എതിര്ത്ത് കെ സുധാകരനും രംഗത്ത് വന്നു.
നാളികേര വികസന ബോര്ഡിനെ കാവിവല്ക്കരിക്കുന്നത് കേരളത്തിലെ കേര കര്ഷകരെ സംബന്ധിച്ച് വലിയ ആശങ്ക ഉയര്ത്തുന്നു എന്നായിരുന്നു സുധാകരന്റെ പ്രതികരണം. സഹകരണ പ്രസ്ഥാനങ്ങളെ അക്രമത്തിലൂടെയും അനധികൃത ഭരണകൂട ഇടപെടലുകളിലൂടയും പിടിച്ചെടുത്ത് കൊള്ള നടത്തുകയാണ് ഫാഷിസ്റ്റ് ഭരണകൂടമെന്ന് കെ സുധാകരന് ആരോപിച്ചു.
സുരേഷ് ഗോപിയുടെ ജീവകാരുണ്യം ഏറെ പ്രശസ്തമാണ്. സുരേഷ് ഗോപിയെ സംഘിയെന്ന് വിളിക്കുന്നവര്ക്കു മറുപടിയുമായി സംവിധായകന് ജോസ് തോമസ് അടുത്തിടെ രംഗത്തെത്തിയിരുന്നു. മുപ്പത് വര്ഷത്തോളം സൗഹൃദമുള്ള വ്യക്തിയാണ് സുരേഷ് ഗോപിയെന്നും അങ്ങനെയുള്ള ഒരാളെക്കുറിച്ച് മോശം പറയുന്നത് സഹിക്കാന് കഴിയില്ലെന്നും ജോസ് തോമസ് പറയുന്നു.
നിര്മ്മാതാക്കളില് നിന്ന് കണിശമായി പണം വാങ്ങുന്നയാളാണ് സുരേഷ് ഗോപി എന്ന രീതിയില് പ്രചരണങ്ങളുണ്ടായി. എന്നിട്ടും നിരവധിപേര് പണം കൊടുക്കാനുണ്ടായിരുന്നു. കരഞ്ഞു പറയുമ്പോള് അദ്ദേഹത്തിന്റെ മനസലിഞ്ഞുപോകും. കര്ശനമായി പണം വാങ്ങി പോയിട്ടുണ്ടെങ്കിലും എത്രയോ നന്മ നിറഞ്ഞ ചാരിറ്റി പ്രവര്ത്തനങ്ങളാണ് സുരേഷ് ചെയ്യുന്നത്.
എത്രയോ കുടുംബങ്ങളെ സാമ്പത്തികമായി സഹായിച്ചു. ഇതൊരു പുകഴ്ത്തലല്ല. ഒരുപാട് പേര് എന്നോടിക്കാര്യം പറഞ്ഞിട്ടുണ്ട്. സിനിമയിലും രാഷ്ട്രീയത്തിലും സുരേഷ് ഇനിയും ഒരുപാട് ഉയരത്തിലെത്താന് അവര് പ്രാര്ത്ഥിച്ചുകൊണ്ടിരിക്കുകയാണെന്നും ജോസ് തോമസ് പറഞ്ഞു.
"
https://www.facebook.com/Malayalivartha