'എനിക്കീ​ വീട്​ വേണ്ടാ.. എന്‍റെ മക്കള്​ വേണം.. വീട്​ വിറ്റ്​ പൈസ ബാ​​ങ്കെടുത്തോ... എനിക്കെന്‍റെ മക്കള്​ വേണം... മക്കള്​ വേണം...' ഹൃദയം നുറുങ്ങിപ്പോകും കടുവക്കുളത്തെ ഫാത്തിമ ഉമ്മയുടെ ഈ വിലാപത്തിനുമുന്നില്‍. 34 വയസ്സുള്ള​ നിസാര്‍ ഖാന്‍, നസീര്‍ ഖാന്‍ എന്നീ ഇരട്ടക്കുട്ടികളെയാണ്​ ഈ ഉമ്മയ്ക്ക് ഇന്ന് നഷ്ടമായത്​.​

വീട്​ വാങ്ങാന്‍ ബാങ്ക്​ ലോണെടുത്ത ഇരുവരും ലോക്​ഡൗണില്‍ പണിയില്ലാതെ കടംകയറി അതേ വീട്ടുമുറിയിലായിരുന്നു ജീവനൊടുക്കിയത്. സഹകരണബാങ്കില്‍​ ഇരുവര്‍ക്കും ‍12 ലക്ഷത്തോളം രൂപ ബാധ്യതയുണ്ടായിരുന്നു. ഒരുതവണ മാത്രമേ അടവ്​ അടക്കാന്‍ കഴിഞ്ഞുള്ളൂ. വായ്പ തിരിച്ചടയ്ക്കണമെന്ന് ആവശ്യപ്പെട്ട്​ ബാങ്കുകാര്‍ ഇടക്കിടക്ക്​ വരുമായിരുന്നു. ഇതോടെ രണ്ടുപേരും ആകെ തകര്‍ന്നതായി സുഹൃത്ത്​ മാധ്യമങ്ങളോട്​ വ്യക്തമാക്കി.

'ബാങ്കിന്ന്​ കഴിഞ്ഞയാഴ്ചയും വന്ന്​ ലോണടക്കാന്‍ പറഞ്ഞ്. വീട്​ വേണ്ടാ​ട്ടാ... വിറ്റിട്ട്​ പൈസ എടുത്തോ, ബാങ്കിലെടുത്തോ.... ഞാന്​ മക്കളട്​ത്ത്​ പറഞ്ഞതാ, വീട്​ വിറ്റോളാന്‍. വീട്​ വിറ്റ്​ കടം വീട്ടാന്‍.. എനിക്കീ​ വീട്​ വേണ്ടാ.. എന്‍റെ മക്കള്​ വേണം... വീട്​ വിറ്റ്​ പൈസ ബാ​​ങ്കെടുത്തോ... എനിക്കെന്‍റെ മക്കള്​ വേണം... മക്കള്​ വേണം...' മക്കളുടെ വേര്‍പാടില്‍ മനംനൊന്ത​ ഉമ്മയുടെ ഈ ആര്‍ത്തനാദത്തിനുമുന്നില്‍ മരണവിവരമറിഞ്ഞ്​ വീട്ടിലെത്തുന്നവര്‍ തകര്‍ന്നുപോവുകയാണ്​.

ഇരട്ട സഹോദരങ്ങളായ കൊല്ലാട് പുതുപ്പറമ്ബില്‍ നിസാര്‍ ഖാനെയും നസീര്‍ ഖാനെയും ഇന്ന് രാവിലെയാണ് ഇരുവരെയും മരിച്ച നിലയിൽ കണ്ടെത്തിയത്. ഇരുവരും വർക്ക്‌ഷോപ്പ്, ക്രയിൻ സംബന്ധ ജോലിക്കാരനായിരുന്നു. ഇരുവരെയും രണ്ട് മുറികളിലായാണ് മരിച്ച നിലയിൽ കണ്ടെത്തിയത്. കോവിഡ്കാല സാമ്പത്തിക പ്രതിസന്ധിയിലായിരുന്നു ഇരുവരും. ബാങ്കിൽ നിന്ന് ജപ്തി ഭീഷണിയുണ്ടായിരുന്നതായി ബന്ധുക്കൾ പറയുന്നു. വായ്പ്പ എടുത്ത പന്ത്രണ്ട് ലക്ഷം രൂപയുടെ തിരിച്ചടവ് മുടങ്ങിയതിൽ ഇരുവരും അസ്വസ്ഥരായിരുന്നെന്നും ബന്ധുക്കൾ പറയുന്നു.

ഉമ്മ രാ​വി​ലെ കാ​പ്പി​യു​മാ​യി ഒ​രു മ​ക​ന്‍റെ മു​റി​യി​ല്‍ ചെ​ന്ന​പ്പോ​ള്‍ തൂ​ങ്ങി​മ​രി​ച്ച നി​ല​യി​ല്‍ കാ​ണു​ക​യാ​യി​രു​ന്നു. നി​ല​വി​ളി​ച്ച​തോ​ടെ നാ​ട്ടു​കാ​ര്‍ ഓടിക്കൂടി അ​ടു​ത്ത മു​റി​യി​ല്‍ നോ​ക്കി​യ​പ്പോ​ഴാ​ണ് ര​ണ്ടാ​മ​ത്തെ​യാ​ളെ​യും തൂ​ങ്ങി​ മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത്. നേ​ര​ത്തെ ക്ര​യി​ന്‍ സ​ര്‍​വീ​സി​ല്‍ ജോ​ലി ചെ​യ്തി​രു​ന്ന ഇ​വ​ര്‍​ക്ക് ക്ര​യി​ന്‍ സ​ര്‍​വീ​സ് ഉ​ട​മ മ​രി​ച്ച​തോ​ടെ ജോ​ലി ന​ഷ്ട​മാ​യി​രു​ന്നു.

അ​ടു​ത്ത കാ​ല​ത്തു കൂ​ലി​പ്പ​ണി​യും മ​റ്റു​മാ​യി ജീ​വി​ക്കു​ക​യാ​യി​രു​ന്നു. എ​ന്നാ​ല്‍, ര​ണ്ടാ​ഴ്ച​യാ​യി ഇ​വ​ര്‍ അ​ധി​കം വീ​ടി​നു പു​റ​ത്തേ​ക്ക് ഇ​റ​ങ്ങാ​റി​ല്ലാ​യി​രു​ന്നു. ഇ​വ​ര്‍​ക്കു ബാ​ങ്കി​ല്‍ ക​ട​ബാ​ധ്യ​ത ഉ​ണ്ടാ​യി​രു​ന്ന​താ​യും ക​ഴി​ഞ്ഞ ദി​വ​സ​ങ്ങ​ളി​ല്‍ ബാ​ങ്ക് അ​ധി​കൃ​ത​ര്‍ വീ​ട്ടി​ലെ​ത്തി​യി​രു​ന്ന​താ​യും നാ​ട്ടു​കാ​ര്‍ പ​റ​യു​ന്നു.