പിജി ഡോക്ടര്മാരുടെ സമരത്തിന് പിന്തുണ പ്രഖ്യാപിച്ച് അധ്യാപകരുടെ സംഘടന
പിജി ഡോക്ടര്മാരുടെ സമരത്തിന് പിന്തുണ പ്രഖ്യാപിച്ച് മെഡിക്കല് കോളേജ് കോളേജ് അധ്യാപകരുടെ സംഘടനയായ കെജിഎംസിടിഎ. ജോലി ഭാരം വികേന്ദ്രീകരിക്കുക, അധ്യയനം നടത്തുക, സ്റ്റൈപ്പന്ഡ് വര്ധിപ്പിക്കുക എന്നീ ആവശ്യങ്ങള് ഉന്നയിച്ച് സംസ്ഥാനത്തെ പിജി ഡോക്ടര്മാര് ഇന്ന് സൂചനാ സമരം നടത്തിയിരുന്നു.
കെജഎംസിടിഎയുടെ വാര്ത്താക്കുറിപ്പ്...
സര്ക്കാര് മെഡിക്കല് കോളേജുകളില് ആവശ്യത്തിന് ഡോക്ടര്മാരെ നിയമിക്കുക, പോസ്റ്റ്ഗ്രാജുവേറ്റ് പഠനസൗകര്യങ്ങള് പുനഃസ്ഥാപിക്കുക എന്നിങ്ങനെ വിവിധ ആവശ്യങ്ങള് ഉന്നയിച്ചുകൊണ്ട് കേരള മെഡിക്കല് പോസ്റ്റ്ഗ്രാജുവേറ്റ് അസോസിയേഷന് ഇന്ന് സംസ്ഥാന വ്യാപകമായി സൂചനാസമരം നടത്തുകയാണ്. പലതവണയായി ഉന്നയിക്കുന്ന ആവശ്യങ്ങള് സര്ക്കാര് പരിഗണിക്കാത്തതിനാലും മെഡിക്കല് വിദ്യാഭ്യാസ ഡയറക്ടറുമായി ഇന്നലെ നടന്ന ചര്ച്ച ഫലം കാണാത്തതിനാലുമാണ് മെഡിക്കല് കോളേജിലെ ജൂനിയര് ഡോക്ടര്മാര് സമരത്തിനിറങ്ങാന് നിര്ബന്ധിതരായത്.
മെഡിക്കല് പി.ജി ഡോക്ടര്മാരുടെ സമരം തുടരുന്നത് നമ്മുടെ സര്ക്കാര് മെഡിക്കല് കോളേജുകളുടെ സുഗമമായുള്ള ദൈനദിനപ്രവര്ത്തനങ്ങളെ താളം തെറ്റിക്കും എന്നകാര്യത്തില് സംശയമില്ലാത്തതാണ്. അതിനാല് മെഡിക്കല് പിജി വിദ്യാര്ത്ഥികളുടെ ന്യായമായ വിവിധ ആവശ്യങ്ങള് അവരുമായി ചര്ച്ചനടത്തി അനുഭാവപൂര്വം പരിഗണിക്കണമെന്ന് സര്ക്കാരിനോട് കെജിഎംസിടിഎ അഭ്യര്ത്ഥിക്കുന്നു.
കോവിഡ്കോവിദിതര രോഗങ്ങള് എന്നിവ ഒന്നിച്ചു ചികിസിക്കേണ്ടി വരുന്നതിനാലുള്ള വര്ദ്ധിച്ച ജോലിഭാരം ലഘൂകരിക്കുന്നതിന് മെഡിക്കല് കോളേജുകളില് ആവശ്യത്തിന് ഡോക്ടര്മാരെ നിയമിക്കണം. അതുപോലെ കോവിഡ് ചികിത്സകള് പൂര്ണ്ണമായും മറ്റു ജില്ലാ കേന്ദ്രങ്ങളിലേക്ക് മാറ്റുകയും അതീവഗുരുതരാവസ്ഥയിലുള്ള കോവിഡ് രോഗികള്ക്ക് മാത്രമായി മെഡിക്കല് കോളേജുകളിലെ സേവനം ഉപയോഗിക്കുകയുമാണ് വേണ്ടത്. എന്നാല് മാത്രമേ പൊതുജനങ്ങള്ക്ക് ഏറ്റവും ഉപകാരപ്രദമായ രീതിയില് നോണ് കോവിഡ് രോഗങ്ങള്ക്കുള്ള വിദഗ്ധചികിത്സ തടസ്സമില്ലാതെ നല്കാന് കഴിയുകയുള്ളൂ.
അതുപോലെ കോവിഡ് മൂലം ഭാഗികമായി മുടങ്ങിക്കിടക്കുന്ന മെഡിക്കല് പിജി വിദ്യാര്ത്ഥികളുടെ പഠനവും പരിശീലനവും പുനരാരംഭിക്കാനുള്ള നടപടികള് കൈക്കൊള്ളേണ്ടതും അത്യാവശ്യമാണ്. കൂടാതെ വാക്സിനേഷന് വിതരണത്തിനിടയില് ഡോക്ടര്മാരുടെ നേര്ക്കുള്ള കയേറ്റങ്ങള് അവസാനിപ്പിനുള്ള നടപടികള് എടുക്കാനും സര്ക്കാര് തയ്യാറാകണം.
https://www.facebook.com/Malayalivartha
