ആലുവ തായിക്കാട്ടുകര ജൂബിലി റോഡില്‍ വാടകക്കാരി വീട്ടമ്മയുടെ മൂന്നര ലക്ഷത്തിന്റെ സ്വര്‍ണാഭരണങ്ങള്‍ കവര്‍ന്ന സംഭവത്തില്‍ യുവതി അറസ്റ്റില്‍. പഴന്തോട്ടം കൈപ്ലങ്ങാട്ട് വീട്ടില്‍ ലിബിന ബേബി (26 ) യെയാണ് ആലുവ പൊലീസ് അറസ്റ്റ് ചെയ്തത്. കഴിഞ്ഞ ഏപ്രിലിലാണ് സംഭവം നടന്നത്. ഒറ്റയ്ക്ക് താമസിക്കുകയായിരുന്ന മധ്യവയസ്‌ക്കയുടെ വീടിന്റെ ഒരു ഭാഗത്ത് യുവതിയും ഭര്‍ത്താവും വാടകയ്ക്ക് താമസിക്കുകയായിരുന്നു. മെഡിക്കല്‍ ഗോഡൗണിലാണ് രണ്ടു പേര്‍ക്കും ജോലിയെന്നാണ് പറഞ്ഞിരുന്നത്. വീട്ടുടമയുടെ വിശ്വാസം നേടിയെടുത്ത ശേഷം വീട്ടില്‍ ആരുമില്ലാതിരുന്ന സമയത്ത് പ്രത്യേക വലിപ്പില്‍ സൂക്ഷിച്ചിരുന്ന സ്വര്‍ണ്ണാഭരണങ്ങളുമായി ലിബിന കടന്നുകളയുകയായിരുന്നു. തുടര്‍ന്ന് ഒളിവില്‍ പോയി. ആലുവയിലെ ജൂവലറിയില്‍ വിറ്റ സ്വര്‍ണം കണ്ടെടുത്തിട്ടുണ്ട്.