നടനും എംഎല്‍എയുമായ മുകേഷില്‍ നിന്ന് വിവാഹബന്ധം വേര്‍പെടുത്താന്‍ നോട്ടീസ് നല്‍കിയതിലൂടെ മാധ്യമശ്രദ്ധയിലാണ് നര്‍ത്തികി മേതില്‍ ദേവിക. മുകേഷും മേതിൽ ദേവികയും വിവാഹ മോചിതരാകുന്നുവെന്ന വാർത്ത പുറത്തുവന്നതിന് പിന്നാലെ നിർമാതാവ് രാജീവ് ഗോവിന്ദന്റെ ഉറക്കം നഷ്ടപ്പെട്ടിരിക്കുകയാണ്. കാരണം എന്താണെന്നല്ലേ? ദേവികയുടെ മുൻ ഭർത്താവ് രാജീവ് നായർ താങ്കളാണോ എന്ന ചോദ്യത്തിന് ഉത്തരം പറഞ്ഞ് മടുത്തിരിക്കുകയാണ് അദ്ദേഹം.

ഇപ്പോഴിതാ താനുമായി ബന്ധപ്പെട്ട് വന്നുകൊണ്ടിരിക്കുന്ന വ്യാജ വാർത്തകളോട് ഫേസ്ബുക്കിലൂടെ പ്രതികരിച്ചിരിക്കുകയാണ് രാജീവ്.ദേവികയുടെ പുത്രന്റെ പിതൃത്വം തന്റെ ചുമലിൽ ചാർത്തി, അവരുടെ ഭർത്താവ് താനല്ലെന്നും അദ്ദേഹം പ്രതികരിച്ചു. മേതില്‍ ദേവികയുടെ മുന്‍ഭര്‍ത്താവ് താനാണെന്ന പേരില്‍ ചില ഓണ്‍ലൈന്‍ മാധ്യമങ്ങള്‍ വ്യാജ വാര്‍ത്ത നല്‍കിയെന്ന് രാജീവ് ഗോവിന്ദന്‍ പറയുന്നു.

എന്നാല്‍, ഈ വാര്‍ത്തമൂലം കെണിയില്‍ പെട്ടിരിക്കുകയാണ് എഴുത്തുകാരനും നിര്‍മതവുമായി രാജീവ് ഗോവിന്ദന്‍. ദേവിയുടെ ആദ്യ ഭര്‍ത്താവ് രാജീവ് നായര്‍ എന്നു കാട്ടി ഓണ്‍ലൈന്‍ മാധ്യമം രാജീവ് ഗോവിന്ദന്റെ ചിത്രങ്ങള്‍ പ്രസിദ്ധീകരിച്ചിരുന്നു. ഇതോടെ, വിഷയത്തില്‍ നിയമനടപടി സ്വീകരിച്ചു കഴിഞ്ഞെന്നു രാജീവ് ഗോവിന്ദന്‍ ഫേസ്ബുക്കിലൂടെ വ്യക്തമാക്കി.

ഫേസ്ബുക്ക് പോസ്റ്റിന്റെ പൂർണ്ണരൂപം

ആ രാജീവ് നായർ ഞാനല്ല...

മേതിൽ ദേവികയുടെ മുൻ ഭർത്താവ് രാജീവ് നായർ താങ്കളാണോ എന്ന ചോദ്യത്തിന് ഉത്തരം പറഞ്ഞു മടുത്തു. 'ലൗവ് റീൽസ്' എന്നൊരു ഓൺലൈൻ മാധ്യമം ഈ വാർത്ത ഏറ്റെടുത്തതോടെയാണ് ജീവിതത്തിലെ അപ്രതീക്ഷിതമായ ചില അദ്ധ്യായങ്ങളുടെ തുടക്കം. ആദ്യം തന്നെ പറയട്ടെ, ദേവികയുടെ ഭർത്താവായിരുന്ന രാജീവ് നായർ ഞാനല്ല.

എനിക്കവരുമായി ഒരു ബന്ധവും ഇല്ല. യാതൊരു അന്വേഷണവും നടത്താതെ എന്നെയും എൻ്റെ കവിതകളെയും മേതിൽ ദേവികയ്ക്ക് ചാർത്തി നൽകി. ഭാവനാസമ്പന്നമായ കഥകൾ ചമച്ചു. എന്ത് മാധ്യമ പ്രവർത്തനമാണിത്? അടിസ്ഥാനരഹിതമായ ഇത്തരം വാർത്തകൾ പ്രചരിപ്പിക്കുന്നവർക്കെതിരെ നിയമ നടപടി സ്വീകരിക്കാൻ തന്നെയാണ് തീരുമാനം.

ഞാനാണെന്ന് കൃത്യമായി തിരിച്ചറിയാൻ എൻ്റെ ചിത്രങ്ങളും ഗാനങ്ങളും പുസ്തകവുമൊക്കെ അതിൽ വലിച്ചിഴച്ചു. ദേവികയുടെ പുത്രൻ്റെ പിതൃത്വവും എൻ്റെ ചുമലിൽ ചാർത്തി.

എങ്ങനെയാണ് ഞാനാണ് ദേവികയുടെ ആദ്യ ഭർത്താവെന്ന നിഗമനത്തിലേക്ക് ഇവരെത്തിയതെന്ന് എത്ര ആലോചിച്ചിട്ടും മനസ്സിലാകുന്നില്ല. ലോകത്തെ എല്ലാ 'രാജീവ് 'മാരും ഒന്നല്ല.

വാർത്ത സൃഷ്ടിച്ചവരും പ്രചരിപ്പിച്ചവരും തെറ്റുകാർ തന്നെയാണ്. എന്നെ അപമാനിക്കുന്ന തരത്തിൽ പ്രചരിപ്പിക്കുന്ന വീഡിയോ ലൗറീൽസ് പിൻവലിക്കുക. നിയമ നടപടികൾ ആരംഭിച്ചു കഴിഞ്ഞു.

രാജീവ് ഗോവിന്ദൻ

സച്ചി-പൃഥ്വി കൂട്ടുകെട്ടില്‍ പുറത്തിറങ്ങിയ അനാര്‍ക്കലിയുടെ നിര്‍മാതാവാണ് രാജീവ്. പൃഥ്വിരാജ് നായകനാകുന്ന ബിഗ് ബജറ്റ് ചിത്രം കാളിയന്‍ നിര്‍മിക്കുന്നതും രാജീവാണ്. മേതിൽ ദേവിക ആദ്യ വിവാഹം ചെയ്യുന്നത് രാജീവ് നായർ എന്ന വ്യക്തിയെയാണ്. 2002ൽ വിവാഹിതരായ ഇവർ 2004ൽ വേർപിരിഞ്ഞു. പേരിലുളള ഈ സാദൃശ്യമാണ് രാജീവ് ഗോവിന്ദന് വിനയായത്.