ജനങ്ങള്ക്ക് ആശ്വാസം പകരാന് വഴിതേടി സര്ക്കാര്.... മുഖ്യമന്ത്രിയുടെ അദ്ധ്യക്ഷതയില് ഇന്ന് ചേരുന്ന കോവിഡ് പ്രതിവാര അവലോകന യോഗത്തില് ലോക്ക്ഡൗണ് രീതി പരിഷ്ക്കരിക്കുന്നതിനും കോവിഡ് കരുതലിന് പുതിയ മാര്ഗ്ഗങ്ങള് സ്വീകരിക്കുന്നതിനും തീരുമാനമായേക്കും
ജനങ്ങള്ക്ക് ആശ്വാസം പകരാന് വഴിതേടി സര്ക്കാര്. മുഖ്യമന്ത്രി പിണറായി വിജയന്റെ അദ്ധ്യക്ഷതയില് ഇന്ന് ചേരുന്ന കൊവിഡ് പ്രതിവാര അവലോകന യോഗത്തില് ലോക്ക്ഡൗണ് രീതി പരിഷ്ക്കരക്കുന്നതും കൊവിഡ് കരുതലിന് പുതിയ മാര്ഗ്ഗങ്ങള് അവലംബിക്കുന്നതുമാണ് പ്രധാന അജണ്ടകള്.
നിയമസഭയിലും പുറത്തും രാഷ്ട്രീയ പാര്ട്ടികളും വിദഗ്ദ്ധരും വ്യാപാരികളും ഉന്നയിച്ച പ്രശ്നങ്ങള് യോഗത്തില് പരിഗണിക്കും. കൊവിഡ് കരുതലും നിര്ദ്ദേശങ്ങളും മാനിക്കാതെ സമ്മര്ദ്ദങ്ങള്ക്ക് വഴങ്ങി ലോക്ക് ഡൗണില് ഇളവ് നല്കിയതിനെതിരെ ഉയര്ന്ന സുപ്രീം കോടതി വിമര്ശനവും കൊവിഡ് ഉയര്ന്നു നില്ക്കുന്ന സാഹചര്യത്തില് കര്ശന നടപടികളെടുക്കണമെന്ന് കേന്ദ്രസംഘം നല്കിയ മുന്നറിയിപ്പും സര്ക്കാരിന് മുന്നിലുണ്ട്.
പ്രതിദിന കൊവിഡ് വ്യാപന നിരക്ക് വീണ്ടും പത്ത് ശതമാനത്തിന് അടുത്തേക്ക് താഴ്ന്നതും വാക്സിനേഷന് പുരോഗതിയും അനുകൂലമാണ്. ആയിരത്തോളം തദ്ദേശസ്ഥാപനങ്ങളില് ഇന്നലെത്തെ കണക്കനുസരിച്ച് 323 സ്ഥാപനങ്ങളില് മാത്രമാണ് കൊവിഡ് 15ശതമാനത്തിന് മുകളിലുള്ളത്.
സംസ്ഥാനത്തെ ഏറ്റവും വലിയ വാണിജ്യ, വ്യാപാര, സാംസ്ക്കാരിക ഉത്സവമായ ഓണത്തിന് രണ്ടാഴ്ചയാണുള്ളത്. ഏറ്റവും അധികം കച്ചവടം നടക്കുന്ന സമയമാണിത്.
കടകള് അടച്ചിട്ടാല് ജനങ്ങള്ക്കും സര്ക്കാരിനുമുണ്ടാകുന്ന വരുമാന നഷ്ടം ഭീമമായിരിക്കും. ഓണക്കാലത്ത് ചുരുങ്ങിയത് കാല്ലക്ഷം കോടിയുടെ വാണിജ്യഇടപാട് നടക്കുമെന്നാണ് കണക്ക്.
സര്ക്കാര് അനുവദിച്ചാലും ഇല്ലെങ്കിലും 9 മുതല് എല്ലാ ദിവസവും കടകള് തുറക്കുമെന്ന് വ്യാപാരി സംഘടനകള് പ്രഖ്യാപിച്ചിട്ടുണ്ട്. വാടകയിളവും വൈദ്യുതി ഇളവും പലിശ കിഴിവും സാമൂഹ്യക്ഷേമപെന്ഷനും നല്കി സമൂഹത്തില് പണം ലഭ്യമാക്കാനാണ് സര്ക്കാര് ശ്രമം. ഇതിന് അനുസൃതമായി വിപണി ഉണര്ന്നില്ലെങ്കില് ലക്ഷ്യം തെറ്റും. ഇത് മുന്നില് കണ്ടുള്ള ലോക്ക്ഡൗണ് ,കൊവിഡ് നിയന്ത്രണ പരിഷ്ക്കരണ റിപ്പോര്ട്ടാണ് ഇന്ന് പരിഗണിക്കുന്നത്.
സംസ്ഥാനതലത്തിലുള്ള ലോക്ക് ഡൗണും ശനി,ഞായര് ദിവസങ്ങളില് സമ്പൂര്ണ്ണ ലോക്ക് ഡൗണിനും മാറ്റം.ടി.പി.ആര്.അനുസരിച്ച് മൈക്രോ കണ്ടെയ്ന്മെന്റ് സോണില് ഒരു തെരുവിലോ, ചെറിയപ്രദേശത്തോ മാത്രമായി നിയന്ത്രണം.
സംസ്ഥാനതല നിയന്ത്രണങ്ങളുടെ ലഘൂകരണംകടകള് എല്ലാ ദിവസവും നിശ്ചിത സമയം തുറന്ന് പ്രവര്ത്തിക്കും.സര്ക്കാര് ഓഫീസുകളില് ഹാജര് കൂട്ടുംമാറ്റമില്ലാതെവിവാഹം, ഉത്സവങ്ങള്, ആരാധാനാലയങ്ങള് എന്നിവിടങ്ങളിലെ നിയന്ത്രണങ്ങള്
കര്ശനരോഗ നിയന്ത്രണം
കൊവിഡ് ബാധിതരുടെ വീടുകളില് കര്ശനമായ ക്വാറന്റൈന്വീടുകളില് ചികിത്സ നടത്താനുള്ള സൗകര്യം പിന്വലിച്ചേക്കും.രോഗികളെ ആശുപത്രികളിലേക്ക് നിര്ബന്ധമായി മാറ്റും.
" f
https://www.facebook.com/Malayalivartha
