പള്ളീലച്ചനെന്ന് കേള്ക്കുമ്പോള് കോണ്ഗ്രസ് പാര്ട്ടിക്ക് മാത്രമല്ല മാര്ക്സിസ്റ്റു പാര്ട്ടിക്കും പേടിയാണെന്ന് ഒടുവില് തെളിഞ്ഞു..... കൊട്ടിയൂര് പീഡനക്കേസില് പ്രതിയായ ഫാ റോബിന് വടക്കുഞ്ചേരിക്ക് ജാമ്യം നല്കണമെന്ന കേസില് ഇരട്ടത്താപ്പ് കാണിച്ച് സംസ്ഥാനസര്ക്കാര്... ഇന്നലെ സുപ്രീം കോടതിയില് നടന്നത് ...
പള്ളീലച്ചനെന്ന് കേള്ക്കുമ്പോള് കോണ്ഗ്രസ് പാര്ട്ടിക്ക് മാത്രമല്ല മാര്ക്സിസ്റ്റു പാര്ട്ടിക്കും പേടിയാണെന്ന് ഒടുവില് തെളിഞ്ഞു.
കൊട്ടിയൂര് പീഡനക്കേസില് പ്രതിയായ ഫാ റോബിന് വടക്കുഞ്ചേരിക്ക് ജാമ്യം നല്കണമെന്ന കേസിലാണ് സംസ്ഥാന സര്ക്കാര് ഇരട്ടത്താപ്പ് കാണിച്ചത്.
വിവാഹം എന്ന ആവശ്യവുമായി സുപ്രീം കോടതിയെ സമീപിച്ച ഇരയായ പെണ്കുട്ടിയുടെ അപേക്ഷയെ സംസ്ഥാന സര്ക്കാര് എതിര്ക്കേണ്ടതില്ലെന്നാണ് ആദ്യം തീരുമാനിച്ചത്. വിവാഹം വ്യക്തിപരമായ കാര്യമെന്ന നിലപാടായിരുന്നു സര്ക്കാരിന്റെത്. ഇക്കാര്യത്തില് കോടതി തന്നെ തീരുമാനം എടുക്കണമെന്ന് അറിയിക്കാനായിരുന്നു സര്ക്കാരിന്റെ തീരുമാനം. എന്നാല് റോബിന് വടക്കുഞ്ചേരിയുടെ ശിക്ഷയില് ഇളവ് നല്കിയാല്അത് തെറ്റായ സന്ദേശം നല്കുമെന്ന നിലപാടും സര്ക്കാര് കോടതിയില് വ്യക്തമാക്കാന് ആലോചിച്ചു.. ഇതിലും ഇരട്ടത്താപ്പാണ് സര്ക്കാര് കാണിച്ചത്. റോബിന് പ്രതിയാണെന് ഉറപ്പിച്ചുപറയാന് സര്ക്കാര് തയാറായില്ല.
റോബിന് വടക്കുംഞ്ചേരിക്ക് വേണ്ടി കണ്ണൂരിലെ മെത്രാന്മാരില് നിന്ന് വളരെ വലിയ ശുപാര്ശകളാണ് സര്ക്കാരിന്റെ മുന്നിലെത്തിയതെന്നാണ് ലഭിക്കുന്ന സൂചനകള്. കണ്ണൂരിലെ പ്രമുഖ സി പി എം നേതാക്കള് റോബിന് വേണ്ടി ഇടപെട്ടത്രേ. എന്നാല് മെത്രാന്മാര് പറഞ്ഞതെല്ലാം അനുസരിക്കാന് സര്ക്കാര് തയ്യാറായില്ല. തങ്ങള്ക്ക് ചീത്ത പേര് ഉണ്ടാകുന്ന തീരുമാനങ്ങളൊന്നുമെടുക്കാന് സര്ക്കാര് തയ്യാറായില്ല. ഇലയ്ക്കും മുള്ളിനും കേടില്ലാത്ത തരത്തില് ഒരു നിലപാടെടുക്കാം എന്നായിരുന്നു സര്ക്കാരിന്റെ ഉറപ്പ്.
എന്നാല് വിവാഹം കഴിക്കാന് ജാമ്യം എന്ന ആവശ്യവുമായി കൊട്ടിയൂര് പീഡന കേസില് പീഡനത്തിന് വിധേയായ പെണ്കുട്ടിയും, കുറ്റവാളിയായ മുന് വൈദികന് റോബിന് വടക്കുംചേരിയും നല്കിയ ഹര്ജികള് സുപ്രീം കോടതി പ്രഥമദൃഷ്ട്യാ തള്ളുകയാണ് ചെയ്തത് . അതോടെ സര്ക്കാര് രക്ഷപ്പെട്ടു. വിവാഹം കഴിക്കാനുള്ള അവകാശം അംഗീകരിക്കണം, ഉഭയസമ്മതത്തോടെയുള്ള ലൈംഗിക ബന്ധമാണ് നടന്നതെന്നും അപേക്ഷയില് പറഞ്ഞു. ജസ്റ്റിസ് വിനീത് സരണ് അദ്ധ്യക്ഷനായ കോടതിയാണ് കേസ് പരിഗണിച്ചത്. കേസ് മുന്നിലെത്തിയപ്പോള് ജസ്റ്റിസ് വിനീത് സരണ് പരിഹസിച്ച് തള്ളി.
രണ്ടുപേരുടേയും സമ്മതത്തോട് കൂടിയുള്ള ലൈംഗിക ബന്ധമാണുണ്ടായിരുന്നതെന്ന് പെണ്കുട്ടി നേരത്തെ ഹൈക്കോടതിയെ അറിയിച്ചിരുന്നു. ഈ വാദം ഹൈക്കോടതി തള്ളിയതോടെയാണ് പെണ്കുട്ടി സുപ്രീം കോടതിയെ സമീപിച്ചത്.
കൊട്ടിയൂരില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയ കേസില് 20 വര്ഷം കഠിനതടവും മൂന്നുലക്ഷം രൂപ പിഴയുമാണ് തലശ്ശേരി പോക്സോ കോടതി ഫാദര് റോബിന് ശിക്ഷ വിധിച്ചത്. കൊട്ടിയൂര് നീണ്ടുനോക്കിയിലെ പള്ളി വികാരി ആയിരുന്ന റോബിന് വടക്കുംചേരിയാണ് കേസിലെ ഒന്നാം പ്രതി.
2016 ലായിരുന്നു കേസിനാസ്പദമായ സംഭവം. കൊട്ടിയൂര് സെന്റ് സെബാസ്റ്റ്യന് പള്ളി വികാരി ആയിരിക്കെ പള്ളിയിലെത്തിയ പ്ലസ് വണ് വിദ്യാര്ത്ഥിയായ പെണ്കുട്ടിയെ പീഡിപ്പിച്ച് ഗര്ഭിണിയാക്കിയെന്ന പരാതിയില് 2017 ലാണ് റോബിന് വടക്കുംചേരി അറസ്റ്റിലാകുന്നത്. പീഡനത്തിനിരയായ പെണ്കുട്ടി പ്രസവിച്ച കു!ഞ്ഞിനെ അനാഥാലയത്തിലേക്ക് മാറ്റുകയും വിവരം പുറത്തറിയാതിരിക്കാന് വൈദികന് പണം വാഗ്ദാനം ചെയ്യുകയും ചെയ്തിരുന്നു.
എന്നാല് പെണ്കുട്ടിയുടെ അമ്മ പരാതിയുമായി രംഗത്തെത്തിയതോടെയാണ് വിവരം പുറംലോകമറിഞ്ഞത്. പെണ്കുട്ടി പ്രസവിച്ചത് ഫാദര് റോബിന് വടക്കുംചേരിയുടെ കുഞ്ഞിനെയാണെന്ന് പിന്നീട് ഡിഎന്എ പരിശോധനയിലൂടെ വ്യക്തമാകുകയും ചെയ്തിരുന്നു.
പിണറായി സര്ക്കാരിനെ ഇതില് കുറ്റം പറയേണ്ടതില്ല. സര്ക്കാര് ഏതായാലും ഇതൊക്കെ തന്നെ സംഭവിക്കും.
https://www.facebook.com/Malayalivartha
