പെരുമ്പാവൂര്‍ കുടുംബ വഴക്കിനെ തുടര്‍ന്ന് യുവാവ് സ്വയം തീ കൊളുത്തി ആത്മഹത്യ ചെയ്തു. പോഞ്ഞാശേരി എം.എച്ച്‌. കവലയില്‍ വാടകക്ക് താമസിച്ചിരുന്ന നെല്ലിക്കുഴി ചെറുവട്ടൂര്‍ ഓലിച്ചാലില്‍ വീട്ടില്‍ അബ്ദുല്‍ സലാമാണ് (42) മരിച്ചത്. വ്യാഴാഴ്ച രാത്രിയാണ് സംഭവം.

ഭാര്യ അസീനയുമായി പിണങ്ങി കഴിഞ്ഞിരുന്ന സലാം തുണിസഞ്ചിയില്‍ ഒളിപ്പിച്ച വാളും മണ്ണെണ്ണയുമായി വീട്ടിലേക്ക് ചെല്ലുകയായിരുന്നു. സംസാരത്തിനിടെ ഭാര്യയെ വാളുകൊണ്ട് വെട്ടാന്‍ ശ്രമിച്ചത് പ്ലസ് ടു വിദ്യാര്‍ഥിയായ മകന്‍ തടഞ്ഞതായി പറയുന്നു. ഇതിനിടെ ഭാര്യയും മക്കളും ഓടി രക്ഷപ്പെട്ടു. ഈ സമയം സലാം മണ്ണെണ്ണ ദേഹത്തൊഴിച്ച്‌ തീ കത്തിക്കുകയായിരുന്നു. നാട്ടുകാര്‍ വിവരം അറിയിച്ചതിനെ തുടര്‍ന്ന് ഫയര്‍ ഫോഴ്സും പൊലീസും സ്ഥലത്തെത്തി. വീടിന്‍റെ ജനല്‍ ഉള്‍പ്പടെ കത്തി കരിഞ്ഞിട്ടുണ്ട്.