ചങ്ങാനാശ്ശേരിയില് വീട്ടുമുറ്റത്ത് ആറടിയോളം ഉയരത്തില് കഞ്ചാവ് ചെടി; 10വര്ഷം വരെ തടവ് ലഭിക്കുന്ന കുറ്റം
വീട്ടുമുറ്റത്ത് ആറടിയോളം ഉയരത്തില് കഞ്ചാവ് ചെടി. ചങ്ങാനാശ്ശേരിയില് പായിപ്പാട് നാലുകോടി കൊല്ലാപുരം ഗവണ്മെന്റ് എല് പി സ്കൂളിന് സമീപം കല്ലൂപ്പറമ്പിൽ പത്രോസിന്റെ വീട്ടുമുറ്റത്താണ് ആറടിയോളം ഉയരത്തില് കഞ്ചാവ് ചെടിവളര്ന്നു നില്ക്കുന്നതായി കണ്ടെത്തിയത്.
ജില്ല പോലിസ് മേധാവിയുടെ കീഴിലെ ലഹരിവിരുദ്ധ സംഘത്തിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പരിശോധന നടത്തിയത്.
ജില്ലാ നാര്ക്കോട്ടിക്ക് സെല് ഡി വൈ എസ് പി, എം എം ജോസിന്റെ നേതൃത്വത്തില് തൃക്കൊടിത്താനം സ്റ്റേഷന് ഹൗസ് ഓഫീസര് ഇ അജീബ്, എസ് ഐ അഖില് ദേവ്, തുടങ്ങിയവര് സ്ഥലത്തെത്തി പരിശോധന നടത്തി കഞ്ചാവ് ചെടി തന്നെയാണെന്ന് ഉറപ്പിച്ചു.
കൂടുതല് പരിശോധനയ്ക്കും മറ്റുമായി ചെടി ഇപ്പോള് പോലീസിന്റെ കസ്റ്റഡിയിലാണ്. കഞ്ചാവ് ചെടി വളര്ത്തുന്നത് 10വര്ഷംവരെ തടവ് ലഭിക്കുന്ന കുറ്റമാണ്.
മൂന്നു ദിവസം മുമ്പ് തിരുവഞ്ചൂരിലെ ഒരു വീട്ടുവളപ്പില് നിന്നും രണ്ടടി ഉയരമുള്ള ചെടി ലഹരിവിരുദ്ധ സ്ക്വാഡ് പിടിച്ചെടുത്തിരുന്നു. ലഹരിവിരുദ്ധ സ്ക്വാഡ് അംഗങ്ങളായ പ്രതീഷ് രാജ്, കെ ആര് അജയകുമാര്, എസ് അരുണ്, പി എം ഷിബു എന്നിവര് ചേര്ന്നാണ് പരിശോധന നടത്തിയത്.
https://www.facebook.com/Malayalivartha
