ഇന്ന് കന്നി 5 ...... ശ്രീനാരായണ ഗുരുദേവന്റെ 94-ാമത് മഹാസമാധി കൊവിഡ് മാനദണ്ഡങ്ങള് പാലിച്ച് ഇന്ന് ആചരിക്കും.... ശിവഗിരി മഹാസമാധിയില് പ്രാര്ത്ഥനകള്ക്ക് പുറമേ ഉച്ചയ്ക്കുശേഷം വിശേഷാല് പൂജ നടക്കും
ഇന്ന് കന്നി 5 ...... ശ്രീനാരായണ ഗുരുദേവന്റെ 94-ാമത് മഹാസമാധി കൊവിഡ് മാനദണ്ഡങ്ങള് പാലിച്ച് ഇന്ന് ആചരിക്കും. എസ്.എന്.ഡി.പി യോഗം ശാഖകളുടെയും വിവിധ ശ്രീനാരായണ പ്രസ്ഥാനങ്ങളുടെയും നേതൃത്വത്തില് ഗുരുമന്ദിരങ്ങള് കേന്ദ്രീകരിച്ച് നടക്കുന്ന പ്രാര്ത്ഥനകളാണ് പ്രധാന ചടങ്ങ്.
ഗുരുദേവ പ്രതിഷ്ഠയുള്ള ക്ഷേത്രങ്ങളില് പ്രത്യേക പൂജകളുണ്ടാവും. ശിവഗിരി മഹാസമാധിയില് പ്രാര്ത്ഥനകള്ക്ക് പുറമേ ഉച്ചയ്ക്കുശേഷം വിശേഷാല് പൂജ നടക്കും.
2.45ന് ശ്രീനാരായണ ധര്മ്മസംഘം ട്രസ്റ്റ് ഭാരവാഹികളുടെ നേതൃത്വത്തില് പര്ണശാലയില് നിന്ന് മഹാസമാധിയിലേക്ക് ബ്രഹ്മകലശം എഴുന്നള്ളിക്കും.
ഗുരുദേവന്റെ സമാധി സമയമായ വൈകിട്ട് 3.30നാണ് ബ്രഹ്മകലശാഭിഷേകം. ഗുരുദേവന്റെ ജന്മംകൊണ്ട് പവിത്രമായ ചെമ്പഴന്തിയില് രാവിലെ 10ന് സമാധി ദിനാചരണം സ്പീക്കര് എം.ബി.രാജേഷ് ഉദ്ഘാടനം ചെയ്യും.
"
https://www.facebook.com/Malayalivartha