തിരുവില്വാമലയിലെ വില്വാദ്രിനാഥ ക്ഷേത്രത്തിലെ ആന ഇടഞ്ഞു.... പടിഞ്ഞാറെ നടയിലെത്തിയ ആന ദീപ സ്തംഭം മറിച്ചിട്ടു.... കുന്നംകുളത്ത് നിന്ന് എലിഫെന്റ് സ്‌ക്വാഡും സോഷ്യല്‍ ഫോറസ്റ്റ് ഉദ്യോഗസ്ഥരും ചേര്‍ന്ന് ആനയെ തളച്ചു.

അടാട്ട് പരമു എന്ന പാണഞ്ചേരി പരമേശ്വരന്‍ എന്ന ആനയാണ് ഇടഞ്ഞത്. വ്യാഴാഴ്ച ഉച്ചയോടെ കാഴ്ച ശീവേലി തുടങ്ങുന്നതിന് മുമ്പായിരുന്നു സംഭവം നടന്നത്.

നെറ്റിപ്പട്ടം കെട്ടി ക്ഷേത്രത്തിന് മുമ്പിലെത്തിയ ആന പെട്ടെന്ന് ഇടഞ്ഞു. ആനപ്പുറത്തുണ്ടായിരുന്ന കുനിശ്ശേരി സ്വാമിനാഥനെ കുലുക്കി താഴെയിട്ടെങ്കിലും കുത്തിപ്പരിക്കേല്‍പ്പിക്കാന്‍ വന്ന ആനയില്‍ നിന്ന് രക്ഷപ്പെട്ടത് തലനാരിഴയ്ക്ക്.

വീണയുടന്‍ പെട്ടെന്ന് തന്നെ എഴുന്നേറ്റ് ഓടിയതിനാല്‍ അപകടമൊന്നും സംഭവിച്ചില്ല. നിസാര പരിക്കുകളോടെ ഇദ്ദേഹത്തെ സ്വകാര്യ ആശുപത്രിയില്‍ പ്രവേശിപ്പിച്ചു.