എസ് ഡി പി ഐ യുമായി സി പി എം കൈകോര്ക്കുന്നു... വിപ്ലവ പാര്ട്ടി വര്ഗീയ പാര്ട്ടിയുമായി കൈകോര്ക്കുന്നത് എതിര്ക്കുന്നവര്ക്കെതിരെ അച്ചടക്ക നടപടി
എസ് ഡി പി ഐ യുമായി സി പി എം കൈകോര്ക്കുന്നു. വിപ്ലവ പാര്ട്ടി വര്ഗീയ പാര്ട്ടിയുമായി കൈകോര്ക്കുന്നത് എതിര്ക്കുന്നവരെയെല്ലാം ഇല്ലാതാക്കാനുള്ള നിര്ദ്ദേശം, സി പി എം കീഴ്ഘടകങ്ങള്ക്ക് നല്കി കഴിഞ്ഞു.
പത്തനംതിട്ട നഗരസഭയില് നിന്നാണ് ഇതിന് തുടക്കം കുറിച്ചത്. എസ്ഡിപിഐ-സിപിഎം ബന്ധത്തെ പരസ്യമായി എതിര്ത്ത ബ്രാഞ്ച് സെക്രട്ടറിക്കെതിരെ പാര്ട്ടി അച്ചടക്ക നടപടി സ്വീകരിച്ച് കഴിഞ്ഞു.
താഴെവെട്ടിപ്രം ബ്രാഞ്ച് സെക്രട്ടറിയും നഗരസഭ കൗണ്സിലറുമായ വി.ആര്.ജോണ്സനെ ഒരു വര്ഷത്തേക്കു സസ്പെന്ഡ് ചെയ്തു കൊണ്ടാണ് ഇതിന്റെ ഉദ്ഘാടനം പാര്ട്ടി നിര്വഹിച്ചത്.
പാര്ട്ടി സമ്മേളനങ്ങള്ക്കിടെ കമ്മിറ്റി അംഗത്തിനെതിരായ അച്ചടക്ക നടപടി സിപിഎമ്മില് അപൂര്വമാണ്. സംസ്ഥാന കമ്മിറ്റിയംഗം ആര്.ഉണ്ണിക്കൃഷ്ണപിള്ള, ജില്ലാ കമ്മിറ്റിയംഗം ടി.സക്കീര് ഹുസൈന്, ഏരിയ കമ്മിറ്റിയംഗം കെ.അനില് കുമാര് എന്നിവരുടെ സാന്നിധ്യത്തില് ചേര്ന്ന ലോക്കല് കമ്മിറ്റി യോഗത്തിലാണ് തീരുമാനം. ജോണ്സനെതിരെ നടപടിയെടുക്കാന് പാര്ട്ടി നേരത്തെ തീരുമാനിച്ചിരുന്നു.
എസ്ഡിപിഐയുമായി ചേര്ന്നു നഗരസഭയില് ഭരണം പിടിക്കാന് സിപിഎം ശ്രമം തുടങ്ങിയപ്പോള് മുതല് ജോണ്സന് എതിര്ത്തിരുന്നു. എസ്ഡിപിഐയുമായി ചേര്ന്നു ഒരിടത്തും ഭരണം നടത്തേണ്ട എന്ന പാര്ട്ടി നയത്തിനു വിരുദ്ധമായ നീക്കം നഗരസഭയില് നടക്കുന്നു എന്ന ആരോപണം പാര്ട്ടി വേദികളിലും നവമാധ്യമങ്ങളിലും ജോണ്സന് ഉന്നയിച്ചു.
ഇതേത്തുടര്ന്നു, ജോണ്സനെതിരെ എസ്ഡിപിഐയും രംഗത്ത് വന്നിരുന്നു. പരസ്പരം പോര്വിളിയില് വരെ കാര്യങ്ങള് എത്തിയതിന്റെ തുടര്ച്ചയാണ് ഇപ്പോഴത്തെ സസ്പെന്ഷന്. എസ്ഡിപിഐക്ക് എതിരെയുള്ള ജോണ്സന്റെ പ്രസ്താവനകളില് സിപിഎം അന്വേഷണം നടത്തി തെറ്റുകാരനെന്ന് കണ്ടെത്തുകയും ചെയ്തു.
മഹാരാജാസ് കോളേജില് എസ് എഫ് ഐ പ്രവര്ത്തകനായ അഭിമന്യുവിനെ കൊലപ്പെടുത്തിയത് എസ് ഡി പി ഐ ക്കാരാണ്. യഥാര്ത്ഥ പ്രതികളെ പിടികൂടാതെ സര്ക്കാര് ഒരു പാട് കാലം തത്തി കളിച്ചു. യഥാര്ത്ഥ പ്രതികളെ അറസ്റ്റ് ചെയ്യാതിരിക്കാനും ശ്രമങ്ങളുണ്ടായി. അന്നും എന്ന് ഡി പി ഐക്കെതിരെ സി പി എം ഔദ്യോഗികമായി രംഗത്തെത്തിയില്ല. അഭിമന്യുവിനെ എസ്ഡി പി ഐ കൊല്ലുന്ന കാലത്ത് ആലുവയിലെ തദ്ദേശ സ്വയംഭരണ സ്ഥാപനത്തില് വര്ഗീയ സംഘടനയുമായി ചേര്ന്ന് ഭരിക്കുകയായിരുന്നു സിപിഎം.
ലൗ ജിഹാദ് വിഷയത്തില് പാലാ ബിഷപ്പിനെ സി പി എം തള്ളിപ്പറഞ്ഞതും എസ് ഡി പി ഐ ക്ക് വേണ്ടിയാണ്. ജിഹാദി പ്രവര്ത്തനങ്ങളില് ഏറ്റവുമധികം വ്യാപ്യതരാകുന്നത് എസ്.ഡിപിഐക്കാരാണെന്ന് മുമ്പേ ആരോപണമുണ്ട്. മുസ്ലീം സമുദായക്കാരെ ലീഗില് നിന്നും അടര്ത്തി എസ് ഡി പി ഐ യിലെത്തിക്കാനാണ് സി പി എമ്മിന്റെ ശ്രമം.
എസ്. ഡി പി ഐയുമായി സി പി എം മുമ്പ് പല തദ്ദേശ സ്ഥാപനങ്ങളിലും സഖ്യം ഉണ്ടാക്കിയിട്ടുണ്ട്. എന്നാല് ഇത് ഇത്രയും കാലം രഹസ്യമായിരുന്നു.എന്നാല് ഇത്തവണത്തെ സമ്മേളനങ്ങള് കഴിയുന്നതോടെ എസ് ഡി പി ഐ സഖ്യം നിയമവിധേയമാക്കും. അതിനുള്ള നീക്കങ്ങള് തന്നെയാണ് സി പി എം നടത്തുന്നത്.ഭരണം മാത്രമാണ് പാര്ട്ടിയുടെ നയം. ഭരണത്തിന് വേണ്ടി ആരുമായും കൂട്ടുകൂടുന്നതില് തെറ്റില്ലെന്ന് സി പി എം കരുതുന്നു.
എസ്.ഡിപിഐ വര്ഗീയ കക്ഷിയാണെന്ന് സി പി എം ഉപ്പോള് കരുതുന്നില്ല. ഇത്ര പെട്ടെന്ന് എങ്ങനെയാണ് നയം മാറിയതെന്ന ചോദ്യ ത്തിന് പാര്ട്ടിക്ക് മറുപടിയില്ല. ഭരണത്തിന് മുന്നില് വിട്ടുവീഴ്ചകളില്ല എന്നത് തന്നെയാണ് സി പി എം നയം.
https://www.facebook.com/Malayalivartha
