കടക്കലില് എസ്എഫ്ഐ പ്രവര്ത്തകരും ബിജെപി പ്രവര്ത്തകരും തമ്മില് ഏറ്റുമുട്ടി; എസ്എഫ്ഐ ജില്ലാ നേതാവിന് വെട്ടേറ്റു; മൂന്ന് ബിജെപി പ്രവര്ത്തകര്ക്കും പരിക്ക്
15 OCTOBER 2021 12:00 AM IST
മലയാളി വാര്ത്ത
കൊല്ലം ജില്ലയിലെ കടക്കലില് എസ്എഫ്ഐ പ്രവര്ത്തകരും ബിജെപി പ്രവര്ത്തകരും തമ്മില് ഏറ്റുമുട്ടി. കടയ്ക്കല് എസ് എച്ച് എം കോളജിന് മുന്നിലാണ് സംഭവം. സംഘര്ഷത്തില് നാല് പേര്ക്ക് പരിക്കേറ്റു. എസ്എഫ്ഐ ജില്ലാ കമ്മിറ്റിയംഗം സഫറിനാണ് കൈക്ക് വെട്ടേറ്റത്. തലയിലടക്കം പരിക്കേറ്റ മൂന്ന് ബിജെപി പ്രവര്ത്തകരെയും ആശുപത്രിയിലേക്ക് മാറ്റി.
കോളേജില് ബിജെപി പ്രവര്ത്തകര് കോവിഡ് മാനദണ്ഡങ്ങള് ലംഘിച്ച് ആയുധപൂജ നടത്തിയെന്ന് എസ്എഫ്ഐ ആരോപിക്കുന്നു. ഇത് ചോദ്യം ചെയ്തതിന് ബിജെപി പ്രവര്ത്തകര് വിദ്യാര്ത്ഥികളെ അക്രമിച്ചുവെന്നാണ് വിദ്യാര്ത്ഥികളുടെ ആരോപണം. ആയുധങ്ങളുമായി സംഘടിച്ചെത്തിയ എസ്എഫ്ഐ പ്രവര്ത്തകര് പ്രകോപനമില്ലാതെ അക്രമിക്കുകയായിരുന്നുവെന്നാണ് ബിജെപിയുടെ ആരോപണം.
പൊലീസെത്തിയാണ് സ്ഥിതി ശാന്തമാക്കിയത്. സ്ഥലത്ത് വന് പൊലീസ് സന്നാഹം തുടരുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
