ചില കാര്യങ്ങളങ്ങനെയാണ് വല്ലാത്തൊരു ട്വിസ്റ്റായിരിക്കും ഉണ്ടാക്കുക. അല്ലെങ്കില്‍ നോക്കണേ പൂഞ്ഞാറില്‍ വെള്ളക്കെട്ടിലൂടെ ബസ് ഓടിച്ച് ധീരനായി മാറിയ കെ.എസ്.ആര്‍.ടി.സി. ബസ് ഡ്രൈവര്‍ എസ്. ജയദീപന്റെ കാര്യം നോക്കുക. സോഷ്യല്‍ മീഡിയയുടെ അഭിനന്ദനം കിട്ടിയതിന് പിന്നാലെ വെള്ളക്കെട്ടിലൂടെ കെ.എസ്.ആര്‍.ടി.സി. ബസ് ഓടിച്ച ഡ്രൈവര്‍ക്ക് സസ്‌പെന്‍ഷന്‍.

വെള്ളക്കെട്ടില്‍ ബസ് ഓടിച്ച് യാത്രക്കാരുടെ ജീവന് ഭീഷണിയുണ്ടാക്കുകയും ബസിന് നാശം വരുത്തിയെന്നും കാണിച്ചാണ് സസ്‌പെന്‍ഷന്‍. ഗതാഗതമന്ത്രി ആന്റണി രാജുവിന്റെ നിര്‍ദേശ പ്രകാരമാണ് നടപടി. ഈരാറ്റുപേട്ട ഡിപ്പോയിലെ െ്രെഡവര്‍ എസ്. ജയദീപിനെയാണ് സസ്‌പെന്‍ഡ് ചെയ്തത്. പൂഞ്ഞാര്‍ സെന്റ് മേരീസ് പള്ളിക്ക് മുന്‍പിലായിരുന്നു സംഭവം.

മന്ത്രിയുടെ ഫേസ് ബുക്ക് പോസ്റ്റ് ഇങ്ങനെയാണ്.

ശക്തമായ മഴയെ തുടര്‍ന്ന് പൂഞ്ഞാര്‍ സെന്റ് മേരീസ് പള്ളിക്കുമുന്നില്‍ രൂപപ്പെട്ട വലിയ വെള്ളക്കെട്ടിലൂടെ ബസ് ഓടിച്ച് യാത്രക്കാരുടെ ജീവന് ഭീഷണിയും ബസിന് നാശനഷ്ടവും വരുത്തിയ ഡ്രൈവറെ സസ്‌പെന്‍ഡ് ചെയ്യാന്‍ കെഎസ്ആര്‍ടി മാനേജിംഗ് ഡയറക്ടര്‍ക്ക് നിര്‍ദേശം നല്‍കിയതിനെ തുടര്‍ന്ന് ഈരാറ്റുപേട്ട ഡിപ്പോയിലെ െ്രെഡവര്‍ എസ്. ജയദീപിനെ സസ്‌പെന്‍ഡ് ചെയ്തു...

എന്തായാലും മന്ത്രിയുടെ പോസ്റ്റിന് താഴെ അനുകൂലിച്ചും പ്രതികൂലിച്ചും കമന്റുകളുടെ പ്രവാഹമാണ്.
ഈ വണ്ടി ഒരു ജീവിത തൊഴിലായി ഓടിക്കുന്നവന്‍ ആണെങ്കില്‍ അതിന്റെ മെക്കാനിസത്തെക്കുറിച്ചും എന്‍ജിനില്‍ വെള്ളം കയറിയാല്‍ എന്ത് സംഭവിക്കും എന്നും കുറച്ചെങ്കിലും ബോധം ഉണ്ടായിരുന്നെങ്കില്‍ ഈ പണി ആ ചേട്ടന്‍ ചെയ്യില്ലായിരുന്നു. ചുമ്മാ ഒരു സസ്‌പെന്ഷന് പകരം ബാക്കി ഉള്ളവര്‍ക്കെങ്കിലും ഇങ്ങനെ ഉള്ള കാര്യങ്ങളെക്കുറിച്ചു കുറച്ചു അവബോധം കൊടുക്കുന്നത് നല്ലതായിരിക്കും.

കൊറോണ സമയത്ത് സ്വന്തം ജീവന്‍ പണയപ്പെടുത്തി വിദേശത്തുനിന്നും മറ്റു സംസ്ഥാനത്തു നിന്നും ഉള്ള മനുഷരെ യഥാസ്ഥാനത്ത് എത്തിച്ച ഡ്രൈവര്‍മാര്‍ക്ക് ഒരു ശിക്ഷയും നല്‍കാതെ ഇപ്പോള്‍ ഈ പരിസ്ഥിതിയില്‍ അവന്റെ കുടുംബത്തിന്റെ അവസ്ഥ ആലോചിച്ചിട്ടാകാം തന്റെ ബസിലെ യാത്രക്കാരെ അക്കരെ എത്തിക്കാനുള്ള വ്രഗ്രതയാകാം... എന്തായാലും അതിനുള്ള പൊന്‍പതക്കം താമസംവിനാ നല്‍കാനുള്ള അങ്ങയുടെ നല്ല മനസ്സിന് നല്ല നമസ്‌കാരം

ആഹാ ബെസ്റ്റ്. അയാള്‍ അവിടെ അത്രയും വെള്ളം കാണില്ല എന്ന് ഓര്‍ത്തു അല്ലെ അതിലെ വണ്ടി ഓടിച്ചത് അല്ലാതെ മുങ്ങി പോകും എന്ന് ഓര്‍ത്തല്ലല്ലോ. എന്നിട്ടും അയാള്‍ മാക്‌സിമം വണ്ടി പള്ളിയുടെ കോംപണ്ടില്‍ എങ്കിലും കയറ്റാന്‍ ശ്രെമിക്കുന്നുണ്ട്. വീഡിയോ എടുത്ത വാളി പയ്യന്റെ കമന്റ് കെട്ടിട്ടാണോ ഇങ്ങനത്തെ തീരുമാനം ഒക്കെ എടുക്കുന്നത്? അവിടെ അത്രയും വെള്ളം ഉണ്ടെന്നു അവിടെ നിന്ന ഒരുത്തനും ആ െ്രെഡവറെ അറിയിക്കുന്നത് കണ്ടില്ല


അത്രെയും യാത്രക്കാരെക്കൊണ്ട് ആ വെള്ളക്കെട്ട് കടന്നു പോയിരുന്നെങ്കില്‍ ലഭിക്കുമായിരുന്ന ഹീറോ പരിവേഷം ഓര്‍ത്തു ഡ്രൈവര്‍ ഒന്നും പയറ്റി നോക്കിയതാ... സംഭവം കൈവിട്ടു പോയി

നഷ്ടം ഡ്രൈവറില്‍ നിന്നും ഈടാക്കണം. ആത്മാര്‍ഥ ഒന്നില്ല ഇതുപോലെ ചില തൊഴിലാളികള്‍ക്ക്.

ഡ്രൈവറായാലും പൈലറ്റായാലും അതിലെ യാത്രക്കാരുടെ സുരക്ഷയ്ക്കാണ് മുന്‍ഗണന നല്‍കേണ്ടത്.. ദുരന്തസമയങ്ങളില്‍ അഭ്യാസം കാണിക്കരുത്.

വളരെ സമയ കൃത്യതയുള്ള ഡ്രൈവറായിരുന്നു. കൃത്യ സമയത്ത് സ്റ്റാന്റില്‍ എത്താല്‍ പോയതാ.. അല്ലേലും ഇക്കാലത്ത് ആത്മാര്‍ത്ഥതയ്ക്ക് ഒരു വിലയും ഇല്ലല്ലോ

ആ ഡ്രൈവര്‍ പൊട്ടനായിരുന്നോ ? വെള്ളം ട്രയറിന് മുകള്‍ ഭാഗം കഴിയുന്നു എന്ന് മനസിലാക്കിയപ്പോഴെ വാഹനം റിവേഴ്‌സ് എടുക്കണമായിരുന്നു.
ഇത് വാഹനത്തിനകത്തും, സീറ്റിന്റെ ഉയരം വരെ വെള്ളം എത്തിയില്ലേ ?

ഈ വാഹനം ഓടിക്കുന്നത് ഡ്രൈവര്‍ ആണെങ്കിലും ഉത്തരവാദിത്വം കണ്ടക്ടര്‍ക്ക് ഇല്ലേ.... അയാള്‍ബെല്‍ അടിക്കാതെ എങ്ങനെയാണ് വാഹനം വിടുക. നീതി നടപ്പാക്കുമ്പോള്‍ രണ്ടുപേര്‍ക്കും. ദൈവത്തിന്റെ അനുഗ്രഹം കൊണ്ട് മറ്റ് അപകടങ്ങളൊന്നും ഉണ്ടായില്ല.. മാനുഷിക പരിഗണന നല്‍കാവുന്ന വിഷയം. ഒരു താക്കീത് നല്‍കി... അതാണ് വേണ്ടത് അതിനുപകരമായി സസ്‌പെന്‍ഡ് ചെയ്തു വകുപ്പിന്റെ മുഖം രക്ഷിക്കാനുള്ള ശ്രമം.. ശരിയാണ് എന്ന് തോന്നുന്നില്ല

വലിയ കാര്യം ആയിപോയി,.... അയാള്‍ യാത്രക്കാരെ എത്രയും പെട്ടന്ന് എത്തിക്കല്‍ ആയിട്ട് ആവും അങ്ങനെ ചെയ്തത്, ഇത്ര പെട്ടന്ന് ഒരു ബസ് മൂടാന്‍ ഉള്ള വെള്ളം ഉണ്ടാവും എന്ന് ആള്‍ വിചാരിച്ചിട്ട് ഉണ്ടാവില്ല,,, പുറത്താക്കി പോലും, കഷ്ടം തന്നെ മൊയലാളി... എന്നിങ്ങനെ പോകുന്നതാണ് കമന്റ്.