രാഷ്ട്രീയ കാരണങ്ങളാല്‍ പരോള്‍ നല്‍കുകയോ നീട്ടിക്കൊണ്ടുപോകുകയോ ചെയ്യില്ലെന്ന് ആഭ്യന്തര മന്ത്രി രമേശ് ചെന്നിത്തല.തടവുകാരുടെ ന്യായമായ പരോളുകള്‍ നിഷേധിക്കില്ല. പക്ഷേ രാഷ്ട്രീയ കാരണങ്ങളാല്‍ തടവുകാര്‍ക്ക് അനാവശ്യമായ പരോളുകള്‍, പലതും കോടതിയില്‍ നിന്നും കിട്ടുന്നുണ്ട് . ജയില്‍ ഉപദേശക സമിതികള്‍ റെക്കമെന്‍ഡ് ചെയ്തു വന്നിട്ടുള്ള പല കേസുകളുമുണ്ട്. അത് സാധാരണ അവധിയാണ്, പരോളല്ല. ന്യായമായ തടവുകാര്‍ക്ക് കിട്ടേണ്ട അവകാശമാണ് ഈ അവധി. തടവുകാരുടെ ന്യായമായ അവകാശങ്ങള്‍ സംരക്ഷിക്കുംമെന്നതാണ് സർക്കാർ നിലപാട്.

ജയില്‍ പുള്ളികള്‍ തന്നെ ഉണ്ടാക്കുന്ന വസ്തുക്കള്‍ വിറ്റഴിക്കാനുള്ള സംവിധാനം ഉണ്ടാവണം. ചപ്പാത്തി യൂണിറ്റുകള്‍, പെട്രോള്‍ പമ്പുകള്‍ അതൊക്കെ നല്ല നിലയില്‍ നടത്തിക്കൊണ്ടുപോകുന്നുണ്ട്. ആ പണം ഉപയോഗിച്ചുകൊണ്ട് ജയിലിന്റെ വികസനം നടത്തുന്നുണ്ട്.

ബാക്കിയുള്ള പണം സർക്കാരിലേക്ക് അടയ്ക്കുന്നുണ്ട്. അങ്ങനെ ജയിലിന്റെ പ്രവര്‍ത്തനം കൂടുതല്‍ മെച്ചപ്പെടുത്തും . ജയിലിലെ അന്തേവാസികള്‍, തടവ് പുള്ളികള്‍ ഇവര്‍ക്കൊക്കെ ബുദ്ധിമുട്ടുണ്ടാക്കാതെ നിയമങ്ങള്‍ പാലിച്ചുകൊണ്ട് മുന്നോട്ടുപോകാന്‍ വേണ്ടിയിട്ടുള്ള നടപടികള്‍ സ്വീകരിക്കുമെന്നും രമേശ് ചെന്നിത്തല പറഞ്ഞു.